Home ព័ត៌មានអន្តរជាតិ ព័រ​ទុយ​ហ្គាល...

ព័រ​ទុយ​ហ្គាល់​និង​ហុងគ្រី​ក្លាយជា​ប្រទេស​អឺរ៉ុប​ចុងក្រោយ​គេ​ដែល​ប្រកាស​វិធានការ​តឹងរ៉ឹង​ដើម្បី​ទប់ស្កាត់​ការកើនឡើង​ករណី​កូវី​ដ​១៩

​ប្រែ​សម្រួល : កញ្ញា​ដា​លី​ស​/​លី​ស្ប​ន​, ព័រ​ទុយ​ហ្គាល់ ៖ ព័រ​ទុយ​ហ្គាល់​និង​ហុងគ្រី​កាលពី​ថ្ងៃ​ចន្ទទី​៩​វិច្ឆិកា​បាន​ក្លាយជា​ប្រទេស​ចុងក្រោយបង្អស់​នៅ​ទ្វីបអឺរ៉ុប​ដែល​ដាក់​ចេញ​បម្រាម​គោចរ​ទប់ទល់​នឹង​​ការកើនឡើង​នៃ​ការឆ្លង​វីរុស​កូរ៉ូណា​និង​ការស្លាប់​ដោយកូវី​ដ​១៩ ដែល​កំពុង​កើតមាន​នៅ​ទ្វីប​នេះ​និង​ធ្វើឱ្យ​ណែន​តាម​មន្ទីរពេទ្យ​។

​ប៉ុន្តែ​ពន្លឺ​នៃ​ក្តី​សង្ឃឹមបាន​លេចចេញ​ពី​បារាំង​បែលហ្ស៊ិក​និង​កន្លែង​ផ្សេង​ទៀត កន្លែង​ដែល​ការ​រឹតត្បិត​តឹងតែង​ចាប់ផ្តើម​បង្ហាញ​ប្រសិទ្ធភាព​ក្នុង​ការទប់ស្កាត់​ការ​រាលដាល​នៃ​ជំងឺ​។​

​ព័រ​ទុយ​ហ្គាល់ ដូច​បណ្តា​ប្រទេស​អឺរ៉ុប​ដទៃទៀត បានឃើញ​ករណី​ថ្មីៗ​និង​ការ​ចូល​ដេក​មន្ទីរពេទ្យ​កើន​ឡើង​ក្នុង​ប៉ុន្មាន​សប្តាហ៍​ថ្មីៗ​នេះ ។​ប្រទេ​នេះ​បាន​ដាក់ចេញ​ស្ថានភាព​អាសន្ន​និង​បាន​បញ្ជា​ឱ្យ​ប្រជាជន​​ប្រហែល ៧ លាន​នាក់​ដែល​ស្មើនឹង ៧០​ភាគរយ​នៃ​ប្រជាជន​របស់​ខ្លួន ស្នាក់​នៅក្នុង​ផ្ទះ​នៅ​ថ្ងៃ​ធ្វើការ​ចាប់ពី​ម៉ោង ១១ យប់​រហូតដល់​ម៉ោង ៥ ព្រឹក យ៉ាង​ហោចណាស់​រយៈពេល​២​សប្តាហ៍​បន្ទាប់​។ ​បម្រាម​នឹង​កាន់តែ​តឹងរ៉ឹង​បន្ថែម​ទៀត​នៅ​ចុង​សប្តាហ៍ ដោយ​អនុញ្ញាត​ឱ្យ​ចេញ​ក្រៅ​តែ​ពេល​ព្រឹក​រហូតដល់​ម៉ោង ១​រសៀល លុះត្រាតែ​ចេញទៅ​ទិញ​របស់​ចាំបាច់​នៅ​ផ្សារ​ទំនើប​។​

​បុគ្គលិក​បោកគក់​ឈ្មោះ មៀ​រី​យ៉ា​ម ហ្វើ​រ៉េរ៉ា អាយុ ៤៤ ឆ្នាំ​នៅ​ទីក្រុង​លី​ស្ប​ន បាន​និយាយថា “​ប្រជាជន​ត្រូវ​គោរព​តាម​។ បើ​ពួកគេ​មិន​គោរព យើង​នឹង​ស្ថិតក្នុង​ស្ថានភាព​យ៉ាប់យ៉ឺន​ហើយ​”​។​

​រដ្ឋាភិបាល​ព័រ​ទុយ​ហ្គាល់​បានព្រមានថា វិធានការ​នេះ​អាច​ត្រូវបាន​ពង្រីក​និង​អូសបន្លាយ​ពេល ប្រសិនបើ​ពួកវា​នៅ​មិនទាន់​គ្រប់គ្រាន់​ដើម្បី​រឹតត្បិត​ការឆ្លង​រាលដាល​។​

​ហុងគ្រី​ក៏បានដាក់ចេញ​នូវ​វិធានកា​រ​តឹងរ៉ឹង​បំផុត​របស់​ខ្លួន​ផងដែរ គឺ​បម្រាម​គោចរ​ចាប់ពី​ម៉ោង ៨ យប់​ដល់​ម៉ោង ៥ ព្រឹក​ត្រូវបាន​ប្រកាស​ដោយ​នាយករដ្ឋមន្ត្រី វី​កទ័រ អឺ​បាន​។​រាល់​អាជីវកម្ម​ទាំង​​អស់​ត្រូវតែ​បិទ​ត្រឹម​ម៉ោង ៧ យប់​។​

​ការ​រឹតបន្តឹង​នេះ​ចាប់ផ្តើម​នៅ​ថ្ងៃ​អង្គារ​ទី​១០​វិច្ឆិកា​នេះ​នៅ​ពាក់កណ្តាល​អធ្រាត្រ​ហើយ​នឹង​មាន​រយៈពេល​យ៉ាងហោចណាស់ ៣០ ថ្ងៃ​៕

​ប្រជាជន​ត្រូវបាន​ធ្វើតេស្តិ៍​រក​វីរុស​កូរ៉ូ​ណា​នៅ​បារាំង​កាលពី​ថ្ងៃ​៩​វិច្ឆិកា​

ទីតាំងផ្សាយពាណិជ្ជកម្ម

- Advertisment -

Most Popular