Home ព័ត៌មានជាតិ សន្តិសុខ ឆក់​ខ្សែ​កបាន...

ឆក់​ខ្សែ​កបាន​បើក​ម៉ូតូ​រត់​ជ្រុល​ទៅបុក​ម៉ូតូ​អ្នកដំណើរ​ដួល​ត្រូវ​សមត្ថកិច្ច​ឃាត់ខ្លួន​

ដោយៈ​ស​រិ​ទ្ធ​/​ភ្នំពេញៈជនសង្ស័យ​ម្នាក់​បានធ្វើ​សកម្មភាព​ឆក់​ខ្សែក​ពី​ស្ត្រី​ម្នាក់​បានសម្រេច​ហើយ​តែ​ជិះ​ម៉ូតូ​គេច ខ្លួន​ជ្រុល​ទៅបុក​ម៉ូតូ​អ្នកដំណើរ​បណ្ដាលឱ្យ​ដួល​បាន​ត្រូវ​សមត្ថកិច្ច​នគរបាល​ប៉ុស្តិ៍​ទួល​ស្វាយព្រៃ​២​ឃាត់ខ្លួន​បាន​ភ្លាមៗ​។​ហេតុការណ៍​នេះ​បាន​កើតឡើង​កាលពី​វេលា​ម៉ោង​៧​ព្រឹក​ថ្ងៃទី​១០ ខែវិច្ឆិកា ឆ្នាំ​២០២០​នៅ​ចំណុច​ផ្លូវ​លេខ​២៧៤​កែង​ផ្លូវ​លេខ​២០៥ ក្រុម​៣៣ ភូមិ​៥ សង្កាត់​ទួល​ស្វាយព្រៃ​ទី​២ ខណ្ឌ​បឹង​កេងកង រាជធានី​ភ្នំពេញ​។​

​ជនសង្ស័យ​ឈ្មោះ ចាន់ មនោ​រង្សី ភេទ​ប្រុស អាយុ​២៧​ឆ្នាំ មុខរបរ​ដឹក​អីវ៉ាន់​អន​ឡាញ មានប្រើ​ប្រាស់​នូវ​សារ ធាតុ​ញៀន ស្នាក់​នៅផ្ទះ​លេខ​២៦​ផ្លូវ​លេខ​២១៨ សង្កាត់​ទឹកល្អក់​ទី​៣ ខណ្ឌទួលគោក រាជធានី​ភ្នំពេញ​។​

​ចំណែក​ជនរងគ្រោះ​ឈ្មោះ ច្រឹង លាង​អ៊ី​ភេទ​ស្រី អាយុ ២៧​ឆ្នាំ មុខរបរ​លក់​បន្លែ ស្នាក់នៅ​ផ្ទះជួល​ក្នុងភូមិ​ពោធិញាណ សង្កាត់​ស្ទឹងមានជ័យ​ទី​៣ ខណ្ឌមានជ័យ រាជធានី​ភ្នំពេញ​។​

​សមត្ថកិច្ច​បាន​ឲ្យ​ដឹងថា​មុនពេល​កើតហេតុ​ជនរងគ្រោះ​បាន​ជិះ​ម៉ូតូ​មួយគ្រឿង​ម៉ាក ហុងដា PCX ពណ៌​ស​ពាក់​ស្លាក​លេខ ភ្នំពេញ 1HJ-9779 មកដល់​ចំណុច​ផ្លូវ​លេខ​២៧៤ កែង​ផ្លូវ​លេខ​២០៥ ក្នុង​សង្កាត់​ទួល​ស្វាយព្រៃ​ទី​២ មាន​ជនសង្ស័យ​ម្នាក់​ជិះ​ម៉ូតូ​មួយគ្រឿង​ម៉ាក​ហុងដា​ស្កួ​ពី ស៊េរី​ឆ្នាំ​២០២១ ពណ៌​ខ្មៅ ពាក់​ស្លាក​លេខ ភ្នំពេញ​1IL-1681 មកពី​ក្រោយ​រួច​ធ្វើ​សម្មភាព​លូកដៃ​ឆ្វេង​ឆក់យក​ខ្សែក​របស់​ជនរងគ្រោះ​បានសម្រេច​ហើយ ក៏​ជិះ​ម៉ូតូ​គេចខ្លួន ។ ភ្លាមៗ​នោះ ជនរងគ្រោះ​ក៏បាន​ស្រែកថា​ចោរៗ​ធ្វើ​ឲ្យ​ជនសង្ស័យ​ភ័យ​ក៏​បើក​ម៉ូតូ​ជ្រុល​ទៅបុក​ជាមួយ​នឹង​ម៉ូតូ​អ្នកធ្វើដំណើរ​តាមផ្លូវ​បណ្ដាល​ឲ្យ​ដួល​។​បន្ទាប់មក​កម្លាំង​សមត្ថកិច្ច​នគរបាល​ប៉ុស្តិ៍​ដែល​ល្បាត​បាន​ទៅ​ដល់​​​ធ្វើការ​ឃាត់ខ្លួន​ជនសង្ស័យ​រួម​នឹង​វត្ថុតាង​យកមក​ប៉ុស្ដិ៍នគរបាល​រដ្ឋបាល​ទួល​ស្វាយព្រៃ​ទី​២​ដើម្បី​សាកសួរ​តែម្ដង​៕

ទីតាំងផ្សាយពាណិជ្ជកម្ម

- Advertisment -

Most Popular

ល្បិច​ឆបោក​តាម​ហ្វេ​ក​ប៊ុ...

​ដោយៈ​សុផល​/​ភ្នំពេញ​៖​កា...

រដ្ឋមន្ត្រីក្រសួង​ប្រៃសណី...

ដោយ​៖ ដេប៉ូ / ភ្នំពេញ​៖ រ...

អដ្ឋិ​ធា​តិ​សម្តេច​រាជបុត...

​ដោយៈ ជា សីហៈ​/​ភ្នំពេញៈ ...