Home ព័ត៌មានអន្តរជាតិ ត្រាំ​មិន​ទទួ...

ត្រាំ​មិន​ទទួលស្គាល់​លទ្ធផល​ឆ្នោត ហើយ​ថែមទាំង​រាំងខ្ទប់​ដំណើរការ​ផ្ទេរអំណាច​ថែម​ទៀត​ឥឡូវ​នេះ​

ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ រដ្ឋបាល​ត្រាំ​បាន​ទាញ​ទម្លាក់​ការ​ផ្ទេរតំណែង​ប្រធានាធិបតី​ទៅក្នុង​ភាពច្របូកច្របល់​កាលពី​ថ្ងៃ​ចន្ទ (៩ វិច្ឆិកា​) ខណៈ​អគ្គ​រដ្ឋអាជ្ញា​លោក វី​លលៀម បា ផ្តល់​សិទ្ធិ​​អំណាច​ដល់​ក្រសួង​យុត្តិធម៌​ដើម្បី​ធ្វើ​ការស៊ើបអង្កេត​លើ​ការចោទប្រកាន់​អំពី​ការលួចបន្លំ​សន្លឹកឆ្នោត​ហើយ​លោក​ប្រធានាធិបតី​ដូណាល់​ត្រាំ​បាន​បណ្តេញ​ប្រមុខ​មន្ទីរ​បញ្ច​កោណ​និង​រារាំង​មន្ត្រី​រដ្ឋា​ភិ​​បាល​មិនឱ្យ​សហការ​ជាមួយ​ក្រុម​របស់​ប្រធានាធិបតី​ជាប់ឆ្នោត​លោក ចូ បៃ​ដិន​។​

​ទោះបីជា​មាន​ភស្តុតាង​តិចតួច​នៃ​ការ​ក្លែងបន្លំ​ក៏ដោយ​ក៏​លោក​បា​នៅតែ​ចុះហត្ថលេខា​លើ​ការស៊ើបអង្កេត​អំពី​ការអះអាង​ខ្វះ​អំណះអំណាង​ដដែលៗ​ដោយ​លោក​ត្រាំ​ក្នុងពេល​លោកបៃ​ដិនចាប់​ផ្តើម​​ប្រមូលផ្តុំ​ពួក​អ្នកជំនាញ​ដើម្បី​ប្រឈម​មុខ​ដោះស្រាយ​នឹង​ជំងឺ​រាតត្បាត​។​

​ទីភ្នាក់ងារ​សហព័ន្ធ​ដែល​ត្រូវ​ផ្តល់​ភ្លើង​ខៀវ​ដើម្បី​ចាប់ផ្តើម​ការផ្ទេរអំណាច ត្រូវ​បាន​រារាំង​មិន​ឱ្យ​ចាត់វិធានការ​បែប​នោះ​ទេ​។​ហើយ​សេត​វិមាន​បាន​បន្ត​ធ្វើការ​បង្ក្រាប​លើ​អ្នក​ដែល​ត្រូវបាន​ចាត់ទុក​ថា​​គ្មាន​ភាពស្មោះត្រង់​គ្រប់គ្រាន់ ខណៈ​ដែល​លោក​ត្រាំ​នៅតែ​បន្ត​បដិសេធ​មិន​ទទួលស្គាល់​លទ្ធផល​ឆ្នោត​។​

​ក្រុម​សាធារណរដ្ឋ​ជាន់ខ្ពស់​ភាគច្រើន​បាន​បដិសេធ​មិន​ដាក់​សម្ពាធ​លើ​លោក​ត្រាំ​ឱ្យ​ទទួលស្គាល់​ការ​ចាញ់​ឆ្នោត​នោះ​ទេ​។​

​នៅ​ពេល​លោក​ត្រាំ​នៅតែ​មិនឃើញ​ស្ថិតនៅ​សេត​វិមាន ការជជែក​គ្នា​កំពុង​បន្ត​អំពី​របៀប​ដែល​ប្រធានាធិបតី​ចាញ់ឆ្នោត​នឹង​ត្រូវ​ចំណាយ​យ៉ាងដូចម្តេច​នៅ​ប៉ុន្មាន​ថ្ងៃ​និង​ប៉ុន្មាន​សប្តាហ៍​ខាង​មុខ​នេះ ខណៈ​ដែល​គាត់​ជំទាស់​នឹង​សាលក្រម​របស់​ប្រជាជន​។​

​ការ​បណ្តេញ​លោក​រដ្ឋមន្ត្រី​ការពារជាតិ ម៉ាក អ៊ី​ស​ភើ ត្រូវបាន​ជំនួយការ​ជាច្រើន​រំពឹងថា​ជា​មនុស្ស​ដំបូង​ក្នុងចំណោម​មនុស្ស​ជាច្រើន​នាក់ ដែល​នឹង​ត្រូវ​លោក​ត្រាំ​បណ្តេញចេញ​ដោយ​ហេតុ​ថា​ឥឡូវ​នេះ​លោក​​លែង​ត្រូវ​ប្រឈម​នឹង​អ្នកបោះឆ្នោត និង​ការ​ខឹងសម្បា​ចំពោះ​អ្នក​ដែល​រដ្ឋបាល​លោក​ចាត់ទុកថា​ខ្វះ​ភាពស្មោះត្រង់​។

​អ្នក​ដែល​ប្រឈម​មុខ​នឹង​ការបណ្តេញ​ចេញ​ដែរ​នោះ​រួមមាន នាយក​FBI លោក គ្រីស្តូហ្វើ រ៉ា​យ នាយក​CIA លោក ជី​ណា ហា​ស្ប៉ែ និង អ្នកឯកទេស​ខាង​ជំងឺឆ្លង លោក​វេជ្ជបណ្ឌិត អាន​ថូ​នី ហ្វូ​ស៊ី​៕

​លោក​ត្រាំ​និយាយ​នៅ​សេត​វិមាន​កាលពី​ថ្ងៃទី​៥​វិច្ឆិកា​

ទីតាំងផ្សាយពាណិជ្ជកម្ម

- Advertisment -



Most Popular