Home ព័ត៌មានជាតិ សន្តិសុខ ឃាត់ខ្លួន​ជនស...

ឃាត់ខ្លួន​ជនសង្ស័យ​ម្នាក់ ក្រោយពី​ធ្វើ​សកម្មភាព​ឆក់​ខ្សែករ​បានសម្រេច តែ​រត់​មិន​រួច​

ដោយ​: ចាន់តូ / ភ្នំពេញ​: ជនសង្ស័យ​ម្នាក់​ក្រោយពី​ធ្វើ​សកម្មភាព​ឆក់​ខ្សែក​ពី​ស្ត្រី​ម្នាក់​បានសម្រេច ក្រោយមក​ក៏បាន​ជិះ​ម៉ូតូ​រត់គេចខ្លួន តែ​ជនសង្ស័យ​ភ័យ​ក៏​បើក​ម៉ូតូ​ជ្រុល​ទៅបុក​នឹង​ម៉ូតូ​អ្នកធ្វើដំណើរ​តាមផ្លូវ បណ្ដាល​ឲ្យ​ដួល ក៏ត្រូវ​សមត្ថកិច្ច​ឃាត់ខ្លួន​បានតែ​ម្តង​។

​ហេតុការណ៍​ខាងលើ កើតឡើង​កាលពី​វេលា​ម៉ោង ៧​ព្រឹក ថ្ងៃទី​១០ ខែវិច្ឆិកា ឆ្នាំ​២០២០ ដែល​ស្ថិតនៅ​ចំណុច​ផ្លូវ​២៧៤​កែង​២០៥ ក្រុម​៣៣ ភូមិ​៥ សង្កាត់​ទួល​ស្វាយព្រៃ​ទី​២ ខណ្ឌ​បឹង​កេងកង​។​

​សមត្ថកិច្ច​បាន​ឲ្យ​ដឹងថា ជនសង្ស័យ​ឈ្មោះ ចាន់ រង្សី ហៅ រង្សី ភេទ​ប្រុស អាយុ ២៧​ឆ្នាំ ជនជាតិខ្មែរ មុខរបរ ដឹកទំនិញ​អន​ឡាញ (​ប្រើប្រាស់​នូវ​សារធាតុ​ញៀន​) ស្នាក់​នៅផ្ទះ​លេខ​២៦ ផ្លូវ​២១៨ សង្កាត់​ទឹកល្អក់​ទី​៣ ខណ្ឌទួលគោក រាជធានី​ភ្នំពេញ​។ ចំណែកឯ​ជនរងគ្រោះ​ឈ្មោះ ច្រឹង លាង​អ៊ី ភេទ​ស្រី អាយុ ២៧​ឆ្នាំ ជនជាតិខ្មែរ មុខរបរ​លក់​បន្លែ ស្នាក់នៅ​ផ្ទះជួល ភូមិ​ពោធិញៀន សង្កាត់​ស្ទឹងមានជ័យ​ទី​៣ ខណ្ឌមានជ័យ​។ វត្ថុតាង​ចាប់យក​រួមមាន​៖ ម៉ូតូ មួយគ្រឿង ម៉ាក​ស្កុប​ពី ពណ៌​ខ្មៅ ពាក់​ផ្លាកលេខ ភ្នំពេញ 1IL-1681 (​ជា​មធ្យោបាយ​ធ្វើ​សកម្មភាពរ​បស់ជនស​ង្ស័​យ​), ទូរស័ព្ទ​មួយគ្រឿង​, ខ្សែករ​លោហធាតុ​ពណ៌​លឿងទុំ បន្តោង​គ្រប់​មូល ចំនួន​មួយ​ខ្សែ ជា​របស់​ជនរងគ្រោះ​ដែល​ដកហូត​ពី​ជនសង្ស័យ ហើយ​បានប្រគល់​ឲ្យ​ជនរងគ្រោះ​វិញ​។

​បច្ចុប្បន្ន ជនសង្ស័យ​ខាងលើ រួម​និង​វត្ថុតាង​ត្រូវ​កម្លាំង​សមត្ថកិច្ច បញ្ជូន​ខ្លួន​ទៅកាន់​អធិការដ្ឋាន​នគរបាល​ខណ្ឌ​បឹង​កេងកង ដើម្បី​ធ្វើការ​សាកសួរ​បន្ដ និង​ចាត់ការ​តាម​នីតិវិធី​៕ ល​

ទីតាំងផ្សាយពាណិជ្ជកម្ម

- Advertisment -

Most Popular