Home ព័ត៌មានអន្តរជាតិ ព្យុះ អេតូ សម...

ព្យុះ អេតូ សម្លាប់​មនុស្ស​២​នាក់​នៅ​វៀតណាម​

​ប្រែ​សម្រួលៈ​វាសនា​/​ហាណូយ​៖ ​មនុស្ស​២​នាក់​បាន​ស្លាប់​កាលពី​ព្រឹក​ថ្ងៃ​អង្គារ​នៅពេល​ព្យុះ អេតូ បាន​ចូល​មក​ដល់​ដីគោក​វៀតណាម​ត្រង់​ឆ្នេរ​កណ្តាល​ឈៀង​ខាងត្បូង​។​

​ជនរងគ្រោះ​ម្នាក់​ជា​ស្ត្រី​អាយុ​៤៥​ឆ្នាំ នៅក្នុង​ខេត្ត ក្វាង​ណា​ម​។​ផ្ទះ​របស់​នាង​ត្រូវ​ដី​បាក់​សង្កត់​ដោយសារតែ​ការ​ធ្លាក់ភ្លៀង​ខ្លាំង​។​

​នៅពេល​ទទួលដំណឹង​អំពី​ការបា​ក់ដី អាជ្ញាធរ​មូលដ្ឋាន​បាន​បញ្ជូន​កម្លាំង​ទៅ​ជួយសង្គ្រោះ​ភ្លាម តែ​ជនរងគ្រោះ​បាន​ស្លាប់​ពេល​ពួកគេ​ជីក​កាយ​ទៅដល់​។​

​នៅ​ខេត្ត ប៊ិញ ឌិញ បុរស​អាយុ​៥៧​ឆ្នាំ​ម្នាក់ ក៏​បាន​ស្លាប់​ដោយសារ​ធ្លាក់​ពី​ដំបូលផ្ទះ​នៅ​ពេល​គាត់​ឡើង​គ្រប​ដំបូល​ការពារ​ព្យុះ​។​

​អេតូ ជា​ព្យុះ​ទី​១២​ដែល​បាន​វាយប្រហារ​វៀតណាម​នៅ​ឆ្នាំនេះ​។​វា​បាន​ចូលមក​ដល់​ដីគោក​វៀតណាម​កាលពី​ព្រឹក​ថ្ងៃ​អង្គារ​ទី​១០​វិច្ឆិកា និង​បាន​ចុះខ្សោយ​ទៅ​ជា​វិសម្ពាធ​ត្រូពិច​មួយ​។​វា​បាន​បំផ្លាញ​ផ្ទះ​៣១​និង​បង្ក​ការ​ជន់​លិច​មួយ​ផ្នែក​នៃ​ខេត្ត ខាញ់ ហ័​រ ។​

​ការ​ធ្លាក់ភ្លៀង​ខ្លាំង ដែល​បង្កឡើង​ដោយ​ព្យុះ​នេះ ក៏​បាន​ជន់​លិច​ផ្លូវ​ហាយវ៉េ​19C​មួយ​ផ្នែក​ក្នុង​ខេត្ត ភូ​យេន ។​រលក​សមុទ្រ​ធំៗ​បាន​ពន្លិច​នាវា​នេសាទ​មួយ​នៅ​ខាញ់​ហ័រ តែ​នាវិក​ក្នុង​នាវា​ត្រូវ​បាន​ជួយ​សង្គ្រោះ​។​

​អ្នក​ព្យាករណ៍​អាកាសធាតុ​បាន​និយាយថា បណ្តា​ខេត្ត​ចាប់ពី ក្វា​ង ទ្រី ដល់ ខាញ់​ហ័រ និង​ខ្ពង់រាប​កណ្តា​នឹង​មាន​ការ​ធ្លាក់ភ្លៀង​កំរិត​២៥០​មី​លី​ម៉ែត្រ នៅ​ថ្ងៃ​ពុធ​នេះ​និង​ថ្ងៃ​ព្រហស្បតិ៍​។​

​ការ​ធ្លាក់ភ្លៀង​កំរិត​១៨០​មី​លី​ម៉ែត្រ​ក្នុង​មួយថ្ងៃ អាច​ចាត់ទុកថា​ជា​ភ្លៀង​ខ្លាំង​។​

​អេតូ​ជា​ព្យុះ​ទី​២​ដែល​បាន​វាយប្រហារ​វៀតណាម​នៅ​ខែ​វិច្ឆិកា​នេះ​។​កាលពី​ខែ​មុន តំបន់​កណ្តាល​របស់​វៀតណាម បាន​បាត់បង់​អាយុជីវិត​មនុស្ស​១៥៩​នាក់​ដោយសារ​ឧបទ្ទវហេតុ​នានា​បង្កឡើង​ដោយ​ព្យុះ​​ចំនួន​៤ និង​វិ​សម្ពាធមួយ នៅ​ពេល​ពួក​វា​បង្ក​ទឹកជំនន់ និង​ការបា​ក់ដី​សង្កត់​យ៉ាងតិច​១៣​កន្លែង​។ មនុស្ស​៧១​នាក់​ទៀត​នៅ​បាត់​ខ្លួន​នៅ​ឡើយ​ពី​គ្រោះ​ធម្មជាតិ​នេះ​។​

​ឥឡូវ​ព្យុះ​មួយ​ទៀត​ឈ្មោះ វ៉ា​ម​កូ កំពុង​សំដៅ​ចូល​សមុទ្រ​ខាងកើត​(​សមុទ្រ​ចិន​ខាងត្បូង​) ក្នុង​ល្បឿន​ខ្យល់​១១៨​ទៅ​១៣៣​គីឡូម៉ែត្រ​ក្នុង​មួយ​ម៉ោង​៕

​ដំបូល​ផ្ទះ​ប៉ើង​ធ្លាក់​លើ​ផ្លូវ និង​ដើមឈើ​រលំ​ដោយសារ​ព្យុះ​អេតូ នៅក្នុង​ខេត្ត​ខាញ់​ហ័រ​កាលពី​ថ្ងៃ​១០​វិច្ឆិកា​

ទីតាំងផ្សាយពាណិជ្ជកម្ម

- Advertisment -

Most Popular

ដូនជី វ័យ​៨២​ឆ្នាំ​ម្នាក់...

​​ដោយៈ ស​រិ​ទ្ធ / បន្ទាយ​...

​សម្តេច​តេ​ជោ ហ៊ុន សែន​៖​...

ដោយៈតារារិទ្ធ/​ភ្នំពេញ​៖​...

យន្តហោះ​បំបាំងកាយ​របស់​ចិ...

​ប្រែ​សម្រួលៈ​វាសនា​/​ឡុង...