ដោយៈ គ្រញូង / បាត់ដំបងៈ នាព្រឹកថ្ងៃទី១១ ខែវិច្ឆិកា ឆ្នាំ២០២០ នៅមុខបរិវេណសាលាចាស់ រដ្ឋបាលខេត្តបាត់ដំបង បានប្រារព្ធខួបអនុស្សាវីយ៍ លើកទី៦៧ នៃទិវាឯករាជ្យជាតិ និងទិវា កំណើតកងយោធពលខេរភូមិន្ទ (៩/១១/១៩៥៣ – ៩/១១/២០២០) ក្រោមអធិបតីភាពលោក អ៊ុយ រី ប្រធានក្រុមប្រឹក្សាខេត្ត និងលោក ងួន រតនៈ អភិបាលខេត្តបាត់ដំបង ។
លោក ងួន រតនៈ បានអានសុន្ទរកថា របស់សម្តេចអគ្គមហាសេនាបតីតេជោ ហ៊ុន សែន ដោយសង្កត់ពីអត្ថន័យ នៃខួបអនុស្សាវរីយ៍ លើកទី៦៧ នៃទិវាឯករាជ្យ ជាតិ ៩ វិច្ឆិកា និងទិវា កំណើត នៃកងយោធពលខេមរភូមិន្ទ ដែលជាទិវាប្រវត្តិសាស្ត្រ ដ៏មានសារសំខាន់ សម្រាប់ជាតិ និងប្រជាជនខ្មែរយើង គ្រប់ ស្រទាប់វណ្ណៈ ស្ថិតក្រោមព្រះរាជបូជនីយកិច្ច ដឹកនាំដ៏ឧត្តុង្គ ឧត្តមរបស់ ព្រះករុណា ព្រះបាទសម្តេចព្រះ នរោត្តម សីហនុ ព្រះមហាវីរៈក្សត្រព្រះវររាជបិតា ឯករាជ្យ បូរណភាព ទឹកដី និងឯកភាពជាតិខ្មែរ ព្រះបរមរតនកោដ្ឋ ជាទីសក្ការៈដ៏ខ្ពង់ខ្ពស់បំផុត ក្នុងការទាមទារឯករាជ្យភាព ពីរបបបអាណានិគមនិយមបារាំង ដែលបានត្រួតត្រាមកលើ ប្រទេសកម្ពុជា អស់ រយៈពេលជិត ១០០ ឆ្នាំ ពីឆ្នាំ ១៨៦៣ ដល់ឆ្នាំ១៩៥៣ ៕PC
