Home ព័ត៌មានជាតិ សន្តិសុខ ឃាត់ខ្លួន​មនុ...

ឃាត់ខ្លួន​មនុស្ស បីនាក់ មក​អប់រំ ករណី​ល្មើស​ប្រមាញ់​សត្វ​ស្លាប នៅ​ភ្នំ​ព្រះ​

ដោយៈ ប​.​ជ័យ / បន្ទាយ​មាន​ជ័​យៈ មន្ត្រី​អនុ​ទ្យា​នុ​រក្ស តំបន់ការពារធម្មជាតិ បន្ទាយឆ្មារ នៃ​មន្ទីរ​បរិស្ថាន ខេត្តបន្ទាយមានជ័យ ប្រចាំ​នៅ​តំបន់​បេ​តិក​ភ័​ណ្ឌ ភ្នំ​ព្រះ ភ្នំ​វែង បាន​ឃាត់ខ្លួន ជនសង្ស័យ បីនាក់ នៅ​ចំណុច​ចុង​ភ្នំ​វែង ដោយបាន​ដកហូត​វត្ថុតាង រួមមាន មង​ដាក់​សត្វ​ស្លាប ៣ ក្បាល និង​សត្វ​ប្រចៀវ​ចំនួន​៤៥០​ក្បាល​ ។

​មន្ត្រី​នៃ​មន្ទីរ​បរិស្ថាន​នេះ បានអោយដឹង កាលពី​ថ្ងៃទី​១០ ខែវិច្ឆិកា ឆ្នាំ​២០២០​ថាៈ មន្ត្រី​ឧ​ទ្យា​នុ​រក្ស បន្ទាយឆ្មារ ប្រចាំការ នៅ​តំបន់​បេតិកភណ្ឌ​ភ្នំ​ព្រះ ភ្នំ​វែង បាន​ចុះ​ឃ្លាំមើល​បទល្មើស នៅពេល​យប់ តាម​ចំណុច​ផ្លូវ​ចូល​តំបន់ ក៏​ប្រទះឃើញ​ជនសង្ស័យ ចំនួន​បីនាក់ នៅ​ចំណុច​ចុង​ភ្នំ​វែង ។​

​ប្រភព​បាន​បន្តថាៈ ដោយ​សួរនាំ និង​ឆែកឆេរ​រកឃើញ​មង​ដាក់​សត្វ ៣ ក្បាល សាក់​កាដូ ចំនួន​២ និង​សត្វ​ប្រចៀវ ចំនួន ៤៥០ ក្បាល​។ មន្ត្រី​ឧ​ទ្យា​នុ​រក្ស បាន​នាំ​អ្នក​ទាំង បី មក​ស្នាក់ការ ធ្វើ​កិច្ច សន្យា និង​អនុញ្ញាត ឱ្យ​ត្រឡប់ទៅផ្ទះ​វិញ មិន​កសាង​សំណុំរឿង បញ្ជូនទៅ​តុលាការ​ឡើយ ។ ដោយឡែក វត្ថុតាង ត្រូវបាន​ដកហូត​ទុក និង​សត្វ​ប្រចៀវ (​ដែល​ងាប់​) ត្រូវបាន​ដុត​កម្ទេចចោល​។​

​សូម​រំលឹកថា នៅ​ល្អាង ឬ រូងភ្នំ​ព្រះ ភ្នំ​វែង ភ្នំ​កូន​សេក ភ្នំ​ពស់ នៅ​ភូមិសាស្ត្រ​ឃុំ​ភូមិ​ថ្មី ឃុំ​ថ្ន​ពួក និង​ឃុំ​បន្ទាយឆ្មារ ស្រុក​ថ្មពួក ខេត្តបន្ទាយមានជ័យ និង​ភ្នំ​ចង្ក្រាន​យក្ស ភូមិសាស្ត្រ​ឃុំ​បេង ស្រុក​បន្ទាយ​អំពិល ខេត្តបន្ទាយ មានជ័យ ជា​តំបន់​កា​ពារ​ព្រៃឈើ និង​សត្វព្រៃ​ដែល​ធ្លាប់ គ្រប់គ្រង ដោយ​រដ្ឋបាល​ព្រៃឈើ ហើយ​ចុងក្រោយ ប្រគល់អោយ​បរិស្ថាន គ្រប់គ្រង​វិញ ។ នៅ​ទីនោះ មាន​សត្វព្រៃ ពិសេស​សត្វ​ប្រចៀវ​ច្រើន ។ ប៉ុន្តែ​កន្លងមក និង​ពេលនេះ​បទល្មើស ប្រមាញ់​សត្វព្រៃ និង​ការ​លួច​កាប់​ឈើ នៅតែ​កើតមាន ជា​បន្តបន្ទាប់ ៕​PC

ទីតាំងផ្សាយពាណិជ្ជកម្ម

- Advertisment -

Most Popular