ដោយៈ ជា សីហៈ/ភ្នំពេញៈ ទោះបីជាកូវីដ១៩នៅតែជារបាំងនៃការអភិវឌ្ឈន៍និងពាណិជ្ជកម្ម ក៏ដូចជាសេដ្ឋកិច្ចពិភពលោកក៏ដោយ ប៉ុន្តែការនាំចេញរបស់កម្ពុជានៅតែស្ថិតនៅក្នុង សភាពរឹងមាំ ។
ក្រសួងសេដ្ឋកិច្ចនិងហិរញ្ញវត្ថុបានអះអាងថា ការនាំចេញសរុបរបស់ប្រទេសកម្ពុជានៅត្រីមាស ទីបីនៃឆ្នាំ២០២០ នៅតែមានភាពរឹងមាំបើទោះបីជាសេដ្ឋកិច្ចពិភពលោកធ្លាក់ចុះដោយសារ តែការរីករាលដាលនៃជំងឺរាតត្បាតកូវីដ ១៩យ៉ាងណាក៏ដោយ ។
ប្រភពដដែលបានឱ្យដឹងថា ការនាំចេញសរុបរបស់កម្ពុជានៅក្នុងអំឡុងពេលនេះមានតម្លៃ ១៣,២ ពាន់លានដុល្លារក្នុងត្រីមាសទី ១ ឆ្នាំនេះកើនឡើង ១៩ ភាគរយបើប្រៀបធៀបនឹងរយៈ ពេលដូចគ្នាកាលពីឆ្នាំមុន។
រហូតមកដល់ពេលនេះ ទីផ្សារនិងផលិតផលសំខាន់ៗរបស់ប្រទេសកម្ពុជាគឺនៅតែសហគមន៍ អឺរ៉ុប សហរដ្ឋអាមេរិក ជប៉ុន ថៃ ចិន និង វៀតណាម ជាដើម ។ ចាប់ពីខែមករាដល់ខែកញ្ញា ឆ្នាំនេះប្រទេសកម្ពុជាបាននាំចេញផលិតផលមានតម្លៃ ៤.៨២៨ លានដុល្លារទៅកាន់សហរដ្ឋ អាមេរិកដែលកើនឡើង ២២ ភាគរយ នាំចេញទៅជប៉ុន តម្លៃ ១.២០៨ លានដុល្លារ ។ ការនាំចេញទៅថៃមានតម្លៃ ៩៥៨ លានដុល្លារ ។ កាលពីឆ្នាំមុនព្រះរាជាណាចក្រកម្ពុជា បាននាំចេញផលិតផលមានតម្លៃ ១៤,៥៣ ពាន់លានដុល្លារ (៥៩,២ ពាន់ពាន់លានរៀល) ពោលគឺកើនឡើង ១២,៧ ភាគរយបើធៀបនឹងឆ្នាំ២០១៨ ៕PC
