សែ​ល​កាត និង​រ៉ូយ៉ាល់​គ្រុប បង្ហាញ​គម្រោង​ពី​ការនាំយក​បច្ចេកវិទ្យា 5G មក​កម្ពុជា​

​ដោយ​:ដេប៉ូ​/ភ្នំពេញ​:សែ​ល​កាត ដែលជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន​រ៉ូយ៉ាល់​គ្រុប បាន​ចុះហត្ថលេខា​លើ​កិច្ចព្រមព្រៀង​ក្របខ័ណ្ឌ (Framework Agreement) ដ៏​សំខាន់​មួយ ជាមួយនឹង​ក្រុមហ៊ុន​សាជីវកម្ម ZTE សម្រាប់​ការនាំយក​នូវ​បច្ចេកវិទ្យា 5G និង​ការបង្កើន​សេវា​គ្របដណ្ដប់ និង​សមត្ថភាព​បច្ចេកវិទ្យា 4G នៅ​ទូទាំងប្រទេស​កម្ពុជា​។

​ពិធី​ចុះ ហត្ថលេខា នេះ​ធ្វើឡើង​នៅ​ថ្ងៃទី​១១ ខែ វិច្ឆិកា​នេះ​បានធ្វើ​ឡើង​ក្រោម​អធិបតីភាព​របស់​អ្នកឧកញ៉ា គិត ម៉េង អគ្គនាយក​ក្រុមហ៊ុន​រ៉ូយ៉ាល់​គ្រុប និង​លោក សុង ចូ​វុន (Song Chaojun) នាយក​គ្រប់គ្រង​ផ្នែក​វិស្វកម្ម និង​សេវាកម្ម​ប្រចាំ​តំបន់​អាស៊ីអាគ្នេយ៍​របស់​ក្រុមហ៊ុន ZTE ផងដែរ​។​

​ក្រុមហ៊ុន​សែ​ល​កាត​បានឱ្យដឹងថា កិច្ចព្រមព្រៀង​នេះ ត្រូវបាន​ធ្វើឡើង​ស្របគ្នា​នឹង​កាលៈទេសៈ​ដ៏​សំខាន់​សម្រាប់​​​ក្រុមហ៊ុន​សែ​ល​កាត និង​ក្រុមហ៊ុន​រ៉ូយ៉ាល់​គ្រុប ដែល​កំពុង​ដាក់ចេញ​នូវ​ផែនការ​ជា​ផ្លូវការ​ក្នុងការ​នាំយក​នូវ​បច្ចេកវិទ្យា 5G ក៏ដូចជា​ការបង្កើន​នូវ​សេវា​គ្របដណ្ដប់ និង​គុណភាព​របស់​បច្ចេកវិទ្យា 4G LTE​។ កិច្ចព្រម​ព្រៀង​នេះ នឹង​នាំមក​នូវ​ការវិនិយោគ​ហិរញ្ញវត្ថុ​ដ៏​សំខាន់ ដែល​នឹង​ជួយ​ឱ្យ​កម្ពុជា​ក្លាយជា​ប្រទេស​ឈានមុខ​គេ​មួយ​នៅក្នុង​តំបន់ ទៅលើ​ការប្រើប្រាស់​បច្ចេកវិទ្យា 5G ។

​ក្នុង​ពិធី​នេះ​អ្នកឧកញ៉ា គិត ម៉េង​បានបញ្ជាក់​ពី​ការគាំទ្រ​ផ្ទាល់​ទៅលើ​គម្រោង​របស់​រាជរ​ដ្ឋា​ភិ​បាល​សម្រាប់​ឧស្សាហកម្ម ៤.០ ពោលគឺ​គាំទ្រ​ដល់​កំណើន​សេដ្ឋកិច្ចជាតិ និង​ផលិតផល​ក្នុងស្រុក​សរុប ហើយ​ក្នុងនោះ​ក៏​ជួយ​ជម្រុញ​ឱ្យ​ពលរដ្ឋ​កម្ពុជា​ទទួលបាន​នូវ​អត្ថប្រយោជន៍​ពី​ការរស់នៅ​ក្នុងសម័យ​ឌីជីថល​ផងដែរ​។
​យុទ្ធសាស្ត្រ​នេះ នឹង​នាំឱ្យមាន​ការផ្លាស់ប្តូ​រទាំ​ង​ស្រុង​នៃ​វិស័យ​បច្ចេកវិទ្យា​ព័ត៌មានវិទ្យា ព្រោះថា​តួនាទី​នៃ​ការតភ្ជាប់ ទិន្នន័យ មាតិកា និង​សន្តិសុខ នៅក្នុង​ការរស់នៅ​ប្រចាំថ្ងៃ​របស់​មនុស្ស​យើង នឹង​ត្រូវបាន​ផ្លាស់ប្តូរ ស្រប​នឹង​វត្តមាន​មកដល់​នៃ​បច្ចេកវិទ្យា 5G និង​ការគាំទ្រ​យ៉ាង​ទូលំទូលាយ​នៃ​បច្ចេកវិទ្យា​ដូចជា IoT, Big Data, AI និង VR / AR ជាដើម​។

​អ្នកឧកញ៉ា គិត ម៉េង បានឱ្យដឹង​បន្ថែមថា ក្រុមហ៊ុន​សែ​ល​កាត រួម​ជាមួយនឹង​ក្រុមហ៊ុន​បុត្រ​សម្ព័ន្ធ​ផ្នែក​ICT របស់​ក្រុមហ៊ុន​រ៉ូយ៉ាល់​គ្រុប​ដទៃទៀត នឹង​ធានា​ឱ្យបាន​ថា វត្តមាន​នៃ​បច្ចេកវិទ្យា 5G នៅក្នុង​ប្រទេស​កម្ពុជា នឹង​នាំមក​គុណប្រយោជន៍​យ៉ាង​ធំធេង​ដល់​ផ្នែក​មនុស្សធម៌ ដើម្បី​លើកកម្ពស់​ផ្នែក​សេវា​សុខភាព ការអប់រំ និង​សន្តិសុខសម្រាប់​ពលរដ្ឋ​គ្រប់រូប ក៏ដូចជា​ជួយ​ជម្រុញ​ឱ្យ​វិស័យសេដ្ឋកិច្ច​កម្ពុជា​មាន​ភា​ព​រឹងមាំ​នាពេល​អនាគត​ផងដែរ​៕

 

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...