Home ព័ត៌មានអន្តរជាតិ មនុស្ស​រាប់​ម...

មនុស្ស​រាប់​ម៉ឺន​នាក់​ភៀសខ្លួន ខណៈ​ព្យុះ​ទី​ហ្វុង​មួយទៀត​កំពុង​បោកបក់​មក​រក​ហ្វីលីពីន​

​ប្រែ​សម្រួល : កញ្ញា​ដា​លី​ស​/​ហ្វីលីពីន ៖ មនុស្ស​រាប់​ម៉ឺន​នាក់​ត្រូវបាន​ជម្លៀស​ចេញពី​ផ្ទះ​របស់​ពួកគេ​នៅ​ផ្នែក​ខ្លះ​នៃ​ប្រទេស​ហ្វីលីពីន​ដែល​រង​ការវាយប្រហារ​ដោយ​ព្យុះ​នៅ​ថ្ងៃ​ពុធ​នេះ ខណៈ​ព្យុះ​ទី​ហ្វុង​ទី ៣ ក្នុងពេល​ប៉ុន្មាន​សប្តាហ៍​មក​នេះ​បាន​វាយប្រហារ​មកលើ​ប្រទេស​នេះ​។​

​ព្យុះ​វ៉ា​ម​កូរំ​ពឹង​បោកបក់​មក​លើ​កោះ​កាតា​ន់​ដូន​ណេ​ស ដែល​រង​ការបំផ្លិចបំផ្លាញ​ដោយ​ព្យុះ​ហ្គោ​នី​កាលពី​ជាង​ពីរ​សប្តាហ៍​មុន ពេល​វា​មក​ដល់​ដី​កោះ​លូ​ហ្សុន​ដែល​មាន​ប្រជាជនរ​ស់​នៅ​ច្រើនជាងគេ​នៅ​ថ្ងៃ​ពុធ​​ឬ​ព្រឹក​ព្រហស្បតិ៍​ស្អែក​។​

​អ្នក​ព្យាករណ៍​អាកាសធាតុ​រដ្ឋ​បាន​និយាយថា ខ្យល់​ដ៏​បំផ្លិចបំផ្លាញ​និង​ភ្លៀង​ខ្លាំង​ត្រូវ​គេ​រំពឹង​ទុក​នៅ​ផ្នែក​ខ្លះ​នៃ​ភាគ​កណ្តាល​និង​ភាគខាងត្បូង​នៃ​កោះ​លូ​ហ្សុន​។​

​អ្នកនាំពាក្យ​របស់​អង្គភាព​ការពារ​ជន​ស៊ីវិល​ក្នុង​តំបន់​លោក ហ្គ្រេ​មីល អា​ឡិច​ស៊ី​ស ណាស់ បាន​និយាយថា ប្រជាជន​ប្រមាណ ៥ ម៉ឺន​នាក់​ដែល​កំពុង​រស់​ចំ​មុខ​ព្យុះ​នឹង​ត្រូវ​បញ្ជា​ឱ្យ​ចាក​ចេញពី​ផ្ទះ​របស់​ពួកគេ​។​

​តំបន់​ប៊ី​ខូ​ល ដែល​ព្យុះ​វ៉ា​ម​កូនឹង​បោកបក់​ឆ្លងកាត់​ខណៈ​វា​ឆ្ពោះទៅរក​ទីក្រុង​ម៉ានីល កំពុង​ស្តារ​ខ្លួន​ចេញពី​ព្យុះ​ទី​ហ្វុង​ម៉ូ​ឡាវ​និង​ព្យុះ​ហ្គោ​នី​នៅ​ឡើយ​ដែល​វា​បាន​សម្លាប់​មនុស្ស​រាប់​សិប​នាក់​និង​បណ្តា​ឱ្យ​​មនុស្ស​រាប់​ម៉ឺន​នាក់​បាត់បង់​ផ្ទះសម្បែង​៕

ព្យុះ​វ៉ា​ម​កូនឹង​មក​ដល់​កោះ​លូ​ហ្សុន​នៅ​ថ្ងៃ​ពុធ​នេះ នៅពេល​ប្រជាជន​ហ្វីលីពីន​ភៀសខ្លួន​ចេញ​

ទីតាំងផ្សាយពាណិជ្ជកម្ម

- Advertisment -



Most Popular