គណៈកម្មាធិការ ត្រូវ​ត្រៀម​គ្រប់​មធ្យោបាយ ដើម្បី​ជួយ​ពលរដ្ឋ ពេល​ជួប​គ្រោះមហន្តរាយ​

​ដោយៈ បូកគោ / កំ​ពតៈ ប្រធាន​គណៈកម្មាធិការ គ្រប់គ្រង​គ្រោះមហន្តរាយ ខេត្តកំពត បាន​ដាស់តឿន​ក្រើន​រំលឹក ដល់​អ្នកពាក់ព័ន្ធ កាលពី​ព្រឹក​ថ្ងៃទី​១១ ខែវិច្ឆិកា ឆ្នាំ​២០២០ អំពី​ភាពចាំបាច់ នៃ​ការត្រៀម​នូវ គ្រប់​មធ្យោ​បាយ ដើម្បី​ជួយសង្គ្រោះ​ប្រជាពលរដ្ឋ ក្នុងករណី​មាន​គ្រោះធម្មជាតិ ឬ​ហេតុការណ៍​អាក្រក់ ណាមួយ កើតឡើង នៅពេល​គណៈកម្មាធិការ​នេះ បាន​បើក​កិច្ចប្រជុំ ដើម្បី​ពិនិត្យ​លើ​សេចក្ដីព្រាង ខ្លឹមសារ​នៃ​សេចក្ដីសម្រេច របស់​ខ្លួន​។​

​ថ្លែង​ក្នុង​កិច្ចប្រជុំ​នេះ លោក ជាវ តា​យ អភិបាលខេត្ត និង​ជា​ប្រធាន​គណៈកម្មាធិការ គ្រប់គ្រង​គ្រោះមហន្តរាយ ខេត្តកំពត បាន​មានប្រសាសន៍ថាៈ ក្រោយ​ទទួលបាន​នូវ​យន្តការ នៃ​សេចក្ដីសម្រេច​ថ្មី ពី​គណៈកម្មាធិការ គ្រប់​គ្រង​គ្រោះមហន្តរាយ គ្រប់​សមាសភាព ព្រមទាំង​អ្នកពាក់ព័ន្ធ​ទាំងអស់ ត្រូវ​បង្កើន​ស្មារតី និង​មាន​ឆន្ទៈ ក្នុង​កិច្ច​អនុវត្ត​ការងារ តាម​តួនាទី ភារកិច្ច​របស់ខ្លួន​។ លើសពីនោះ ត្រូវ​ត្រៀមលក្ខណៈ​ជាស្រេច ទាំង​យន្តការ ក៏ដូចជា សម្ភារ​នានា សម្រាប់​បេសកកម្ម ជួយសង្គ្រោះ​ប្រជាពលរដ្ឋ ពេល​ជួប​គ្រោះមហន្តរាយ​ផ្សេងៗ ដោយ​ប្រើប្រាស់​វិធានការ មធ្យោបាយ និង​កម្លាំង​សរុប​ឱ្យបាន ផុលផុស​ជាង​មុន​។​

​លោក​អភិបាលខេត្ត បានបញ្ជាក់​ថាៈ គ្រប់គ្នា​ពិតជា​មិនអាច​មើលឃើញ ឬ​កំណត់​បាន​នូវ ពេលវេលា នៃ​គ្រោះ​មហន្តរាយ ដោយ​ធម្មជាតិ​ឡើយ​។ ដូច្នេះ​ការត្រៀម​នូវ គ្រប់​មធ្យោបាយ តាម​ដែល​អាច​ធ្វើបាន នៅ​បណ្តា​ក្រុង ស្រុក​នីមួយៗ ដើម្បី​បញ្ចៀស ឬ​កាត់បន្ថយ​ហានិភ័យ ជា​កត្តាចាំបាច់​បំផុត​។​

​លោក ជាវ តា​យ បាន​មានប្រសាសន៍​បន្តថាៈ សម្រាប់​ខេត្តកំពត បញ្ហា​ដែល​ប្រឈម​រៀងរាល់ឆ្នាំ គឺ​ជំនន់​ទឹកភ្លៀង បង្ក​ឱ្យ​លិចលង់​ក្រុង និង​ស្រុក​មួយចំនួន​។ ប៉ុន្តែ​ឆ្នាំនេះ ជា​ភ័​ព្ធ​សំណាងល្អ ព្រោះ​មិនបាន​រងគ្រោះ ដោយ​ជំនន់ ដូច​សព្វដង​ទេ​។ តទៅ រដ្ឋបាលខេត្ត នឹង​រៀបចំ​ក្រុង ឱ្យ​កាន់តែ​ប្រសើរ តាមរយៈ​ការស្ថាបនា ហេដ្ឋារចនាសម្ព័ន្ធ​ផ្លូវថ្នល់ បណ្តាញ​លូបង្ហូរទឹក ការស្តារ​ព្រែក​កំពង់បាយ និង​ការរៀបចំ​អាង​ចម្រោះ​ទឹក​កខ្វក់​ជាដើម​។ ធ្វើបែបនេះ ទើប​បញ្ចៀស​បាន ពី​ការ​ជន់​លិច ពេល​ភ្លៀង​ធ្លាក់​ខ្លាំង ឬ​ពេល​បើកទ្វារ​ទឹក ទំនប់​វា​រី​អគ្គីសនី​កំចាយ និង​ដើម្បី​បង្កើន​សោភ័ណភាព ក្រុង​ផងដែរ​៕​

ទីតាំងផ្សាយពាណិជ្ជកម្ម

- Advertisment -

Most Popular

កម្ពុជា​-​ឥណ្ឌា​បន្ដ​វេទិ...

ដោយ​: ជា សីហៈ​/​ភ្នំពេញ​៖...

ឃាត់​ចិន​៥​នាក់ និង វៀតណា...

​  ដោយៈ​ស​រិ​ទ្ធ​/​ភ្...

ក្រសួងទេសចរណ៍​ផ្សព្វផ្សាយ...

ដោយ​:​ជា​សីហ​:/​ភ្នំពេញ​:...

ឃាត់​ស្ត្រី​ម្នាក់​ដែល​បង...

​ដោយៈ​ស​រិ​ទ្ធ​/​ភ្នំពេញៈ...