ទិវា​ចងចាំរំឭក​ដល់​ព្រឹត្តិការណ៍​បញ្ចប់សង្គ្រាម​លោក​លើក​ទី​១

ដោយៈ មេសា​/​ភ្នំពេញ​: សង្គ្រាមលោកលើកទី​១ បាន​ផ្ទុះឡើង​នៅ​ឆ្នាំ​១៩១៤ ។ ទោះជា​គេ​សុទ្ធតែ​បានដឹងថា សង្គ្រាម​តែងតែ​នាំមក​នូវ​មហា​វិនាស និង មហា​ប្រល័យ ក៏​ភាគី​ដែល​ចូលខ្លួន​ទៅក្នុង​សង្គ្រាម សុទ្ធតែ ដើម្បី ឧត្តមភាព និង កិត្តិយស​ជាតិ​របស់គេ ឬ ដោយសារតែ​ហេតុផល​ដ៏​ចាំបាច់​រៀងៗ​ខ្លួន ។ អ្នកពាក់ព័ន្ធ​ក្នុង​សង្គ្រាម​ដោយផ្ទាល់​គឺ​ក្រុម​យុទ្ធជន និង​យុទ្ធ​នារី មានជីវិត​ចាក​ចេញពី​សមរភូមិ​មកជួបជុំ​គ្រួសារ​វិញ​ដោយ​កម្រ​ណាស់ ។

 ពិធី​ស្មឹង​ស្មាធិ៍​នា​ថ្ងៃបុណ្យ​ចងចាំ នៅ​អង់គ្លេស​រំឭក​ដល់​វិញ្ញ​ណ ក្ខ​ន្ធ​យុទ្ធជន​យុទ្ធ​នារី​នៅក្នុង​សង្គ្រាមលោកលើកទី ១ (Remembrance 1, Remembrance 2) រូបៈ Internet​

​បន្ទាប់ពី​បាន​ផ្តាច់ផ្តិល​អាយុជីវិត និង ទ្រព្យសម្បត្តិ​មនុស្សជាតិ យ៉ាងច្រើន​ឥត​គណនា​មក​ក្រុម​មេដឹកនាំ​ពិភពលោក បានភ្ញាក់រឭក​កើតក្តី​សង្វេគ នាំគ្នា​បង្កើត​យុទ្ធនាការ​បញ្ចប់សង្គ្រាម​នោះ​ទៅវិញ ។​
ទីបំផុត វេលា​ម៉ោង​១១ ថ្ងៃទី ១១ ខែ ១១ ឆ្នាំ ១៩១៨ បាន​ចូល​មកដល់ ។ ពួក​អមិត្ត​នឹង​គ្នា​ទាំងឡាយ​បាន​ព្រមព្រៀងគ្នា​ជា​ផ្លូវ​ការបញ្ចប់​សង្គ្រាមលោក​លើក​ទី​១ ដោយ​អាល្លឺម៉ង់ បាន​ចុះហត្ថលេខា​លើ​សន្ធិសញ្ញា​មួយ​ដែល​គេ​ស្គាល់​ថា យុទ្ធសន្តិភាព នៅវេលា​ម៉ោង​១១​ព្រឹក ថ្ងៃទី​១១ ខែ ១១ (​វិច្ឆិកា​) ឆ្នាំ ១៩១៨ នៅ ចក្រភព​អង់គ្លេស ។​
​មួយឆ្នាំ​ក្រោយមក ពោលគឺ​នៅ​ថ្ងៃទី ៧ ខែ វិច្ឆិកា ឆ្នាំ ១៩១៩ មហាក្សត្រ ច​ច ទី​៥ នៃ ចក្រភព​អង់គ្លេស បាន​ឧទ្ទិស​វេលា​ម៉ោង​១១:០០ ថ្ងៃទី ១១ ខែ ១១ ថា​ជា “ ថ្ងៃ​រំឭក​ដល់​វិញ្ញាណក្ខន្ធ​នៃ​កងទ័ព​ដែល​បាន​ពលី​ជីវិត​នៅក្នុង សង្គ្រាមលោកលើកទី​១ ” ។​
​ចាប់ពីពេលនោះ​មក ពិធីបុណ្យ​មួយ​ឈ្មោះថា Remembrance Day (​ទិវា​ចងចាំ​) ត្រូវបាន​ប្រារព្ធ​ធ្វើឡើង​នៅ​ថ្ងៃទី ១១ ខែ ១១ រៀងរាល់ឆ្នាំ ដើម្បី រំឭក​ដល់​ថ្ងៃ​ដែល​ពួក​បច្ចាមិត្ត​ទាំងឡាយ​បាន​ព្រមព្រៀងគ្នា បញ្ចប់​សង្គ្រាមលោកលើកទី​១ ផង និង​ដើម្បី​រំឭក​ដល់​វិញ្ញាណក្ខន្ធ​កងទ័ព​ដែល​បាន​ពលី​ជីវិត​នៅក្នុង សង្គ្រាមលោកលើកទី​១ ផង ។ ពិធី​នេះ​ត្រូវបាន​ប្រារព្ធ​ដោយ​ក្បួន​ដង្ហែ ការ​ស្មឹង​ស្មាធិ៍ និង សូត្រ​កំណាព្យ​រំឭក​វិញ្ញាណក្ខន្ធ​ពួក​យុទ្ធជន​នៅវេលា​ម៉ោង ១១ ថ្ងៃទី ១១ ខែ ១១ ។​
​ដើមឡើយ បុណ្យ Remembrance Day ឬ បុណ្យ​ទិវា​ចងចាំ នេះ ត្រូវបានប្រតិបត្តិ​នៅក្នុង​បណ្តា​ប្រទេស​ដែលជា​ក្រុម​រដ្ឋ​សហ​ធន ប៉ុណ្ណោះ ។ ប៉ុន្តែ​សព្វថ្ងៃ បុណ្យ​នេះ ក៏​ត្រូវបាន​ប្រារព្ធ​ធ្វើ​ផងដែរ​នៅក្នុង​បណ្តា​ប្រទេស​ដែល​មិនមែនជា​ក្រុម​រដ្ឋ​សហ​ធន ដោយមាន​ភាពខុស​គ្នាប​ន្តិ​ច​បន្តួច​។​
ពិធីបុណ្យ​មួយ​ដែលមាន​អត្ថន័យ​ប្រហាក់ប្រហែល​នឹង Remembrance Day គឺ​បុណ្យ Remembrance poppy ដោយសារ​ដើម poppy នេះ​បាន​រីក ផ្កា​ក្រហមច្រាល​ឆ្អៅ​ពាសពេញ​វាល ដូចជា​ឈាម នៃ ពួក​យុទ្ធជន​ដែល​ហូរ​ខ្ចាយ​នៅក្នុង​សមរភូមិ​ប្រយុទ្ធ​នៃ​សង្គ្រាម លោក​លើក​ទី ១ ។​

ពិធី​ស្មឹង​ស្មាធិ៍​នា​ថ្ងៃបុណ្យ​ចងចាំ នៅ​អង់គ្លេស​រំឭក​ដល់​វិញ្ញ​ណ ក្ខ​ន្ធ​យុទ្ធជន​យុទ្ធ​នារី​នៅក្នុង​សង្គ្រាមលោកលើកទី ១ (Remembrance 1, Remembrance 2) រូបៈ Internet​

​ចំណែក​នៅ​កាណាដា បុណ្យ Remembrance Day គឺជា​ថ្ងៃ​សម្រាក​សាធារណៈ ហើយ​រំឭក​និង ផ្តល់​ជា​កិត្តិយស​ដល់​ទាំង​យុទ្ធជន យុទ្ធ​នារី​របស់​ពួកគេ​ដែល​បម្រើ​នៅក្នុង​សង្គ្រាមលោកលើកទី​១ , សង្គ្រាមលោកលើកទី​២ និង សង្គ្រាម​នៅ កូរ៉េ ផង ។ ពិធី​នេះ​ប្រា​ព្ធ​នៅ​ទីលាន​ជាតិ​រំឭក​សង្គ្រាម នៅ​ទីក្រុង អូ​តា​វ៉ា ហើយ​ក៏មាន​ប្រារព្ធ​នៅតាម​ទីក្រុង និង ខេត្ត​នានា​ទូទាំងប្រទេស​ផងដែរ ។ នៅ​ឥណ្ឌា ពិធី​នេះ​គ្រាន់តែ​ត្រូវបាន​ប្រារព្ធ​នៅតាម​វិហារ​កាតូលិក​ខ្លះៗ​ប៉ុណ្ណោះ ។​
​នៅ​ញូ​ហ្សេ​ឡែ​ន​និង​អូស្ដ្រាលី ថ្ងៃបុណ្យ​ចងចាំ​ជាតិ​គឺ​បុណ្យ Anzac Day ដែល​ប្រា​ព្ធ​ឡើង​នៅ​ថ្ងៃទី​២៥ ខែមេសា​ទៅវិញ ។ ចំណែក​ថ្ងៃបុណ្យ យុទ្ធសន្តិភាព ឬ Armistice Day ត្រូវបាន​ប្តូរ​ឱ្យទៅជា​បុណ្យ Remembrance Day វិញ បន្ទាប់ពី​សង្គ្រាមលោកលើកទី​២ ។

​នៅ​អាហ្វ្រិក​ខាងត្បូង ក៏មាន​ប្រារព្ធ​ពិធីបុណ្យ Remembrance Day នេះដែរ ។​នៅ​ប្រទេស​បារាំង​និង​បែ​ល​ហ្សិ​ក ពិធីបុណ្យ Remembrance Day ពេលខ្លះ​គេ​ហៅថា Armistice Day ឬ ថ្ងៃ​រំឭក​ដល់​ទិវា​ចុះហត្ថលេខា​ដើម្បី​បញ្ចប់​សង្គ្រាមលោកលើកទី​១ ។
ទឹកដី​ហុងកុង បាន​វិលត្រឡប់​ទៅ​ក្រោម​ការគ្រប់គ្រង​របស់​ចិន​វិញ​នៅ​ឆ្នាំ​១៩៩៧ ពោលគឺ​លែង​នៅ​ជា​ជាតិ​នៃ​ក្រុម​សហ​ធន​ទៀតហើយ ។ ចាប់ពីពេលនោះ​មក ពិធីបុណ្យ Remembrance Day លែង​ជា​ថ្ងៃ​សម្រាក​សាធារណៈ​ទៀត​ដែរ ប៉ុន្តែ​ពិធី​នេះ​នៅតែ​ត្រូវបាន​ប្រារព្ធ​ធ្វើ​ដែរ​នៅ​ចំ​កណ្តាល​ទីក្រុង​។
​នៅ​អ៊ីតាលី អ៊ីស្រាអែល អៀរ​ឡង់ ហុ​ល្លង់ ប៉ូឡូញ និង​សហរដ្ឋអាមេរិក ជាដើម ក៏​សុទ្ធតែ​បាន​ប្រារព្ធ​ពិធីបុណ្យ​នេះដែរ ដោយ​គ្រាន់​តែមាន​បង្កប់​ទៅដោយ​បុណ្យជាតិ​របស់គេ​រៀងៗ​ខ្លួន ៕srn

ទីតាំងផ្សាយពាណិជ្ជកម្ម

- Advertisment -

Most Popular