Home កីឡា ម៉ា​រ៉ាដូ​ណា​...

ម៉ា​រ៉ាដូ​ណា​ចាកចេញ​ពី​មន្ទីរពេទ្យ នៅ​៨​ថ្ងៃ​បន្ទាប់ពី​វះកាត់​ខួរក្បាល​

​ប្រែ​សម្រួល : កញ្ញា​ដា​លី​ស​/​ប៊ុយ​ណូ​ស៊ែ​, អា​ហ្សង់​ទីន ៖ លោក ឌី​ហ្គោ ម៉ា​រ៉ាដូ​ណា បាន​ចាកចេញ​ពី​មន្ទីរពេទ្យ​ក្រុង​ប៊ុយ​ណូ​ស៊ែ​កាលពី​ថ្ងៃ​ពុធ​ទី​១១​វិច្ឆិកា​ពោល​ទើបតែ​ជាង​មួយ​សប្តាហ៍​បន្ទាប់ពី​ទទួល​ការ​វះ​​កាត់​ខួរក្បាល​ហើយនឹង​បន្ត​ការ​ជាសះស្បើយ​នៅក្នុង​ផ្ទះ​ឯកជន​មួយ​។​

​វីដេអូ​ចាក់ផ្សាយ​លើ​កញ្ចក់​ទូរទស្សន៍​ក្នុងស្រុក​បាន​បង្ហាញ​ថា​អតីត​ជ័យលាភី​វើល​ខា​ប់​រូបនេះ​បាន​ចាកចេញ​ពី​គ្លីនិក​Olivos តាម​រថយន្ត​សង្គ្រោះបន្ទាន់​។ វេជ្ជបណ្ឌិត​របស់លោក​ម៉ា​រ៉ាដូ​ណា​គឺ​លោក លី​អូផូល​ដូ លូកេ បាន​ប្រាប់​អ្នកកាសែត​ថា លោក​ជា​អ្នក​អនុញ្ញាតឱ្យ​ចាកចេញ​ពី​មន្ទីរពេទ្យ​។​

​មេធាវី​របស់​ម៉ា​រ៉ាដូ​ណាគឺ ម៉ា​ធៀ​ស ម៉ូ​ឡា បាន​និយាយថា បុរស​ជនជាតិ​អា​ហ្សង់​ទីន​វ័យ ៦០ ឆ្នាំ​រូប​នេះ​នឹង​បន្ត​ទទួល​ការព្យាបាល​ជំងឺ​ប្រមឹក​ស្រា​របស់គាត់​។​គេ​រំពឹងថា​ម៉ា​រ៉ាដូ​ណា​នឹង​ស្នាក់​នៅ​ក្នុងផ្ទះ​ក្បែរ​​កូនស្រី​របស់​គាត់​។​

​ម្ចាស់​ជើងឯក​បាល់ទាត់​ពិភពលោក​ឆ្នាំ ១៩៨៦ រូប​នេះ​កាលពី​សប្តាហ៍​មុន​បាន​ធ្វើ​ការវះកាត់​បន្ទាន់​មួយ​សម្រាប់​ជំងឺ​ឈាមកក​ក្នុង​ភ្នាស​ខួរក្បាល​។​

​វេជ្ជបណ្ឌិត​ផ្ទាល់ខ្លួន​របស់​ម៉ា​រ៉ាដូ​ណា​លោក​លូកេ​និយាយ​កាលពី​ថ្ងៃ​អង្គារ​ថា​សូម្បី​តែ​ការ​ផឹកស្រា​តិចតួច​ក៏​អាច​មាន​ឥទ្ធិពល​អវិជ្ជមាន​លើ​ថ្នាំ​ដែល​ម៉ា​រ៉ាដូ​ណា​ត្រូវ​លេប​ដើម្បី​ជាសះស្បើយ​ឡើងវិញ​ដែរ​។​

​អតីត​កីឡាករ Boca Juniors, Barcelona និង Napoli រូប​នេះ​ធ្លាប់មាន​បញ្ហា​ញៀន​ថ្នាំ​នា​ពេល​កន្លង​មក​ផង​ដែរ​៕

ម៉ា​រ៉ាដូ​ណា​ចាកចេញ​ពី​មន្ទីរពេទ្យ​កាលពី​ថ្ងៃ​ពុធ

ទីតាំងផ្សាយពាណិជ្ជកម្ម

- Advertisment -

Most Popular

អ្នកនាំពាក្យ:ការបិទស្ថានទ...

ដោយ:មុនីរ័ត្ន/ភ្នំពេញ:លោក...

ក្រោយ​ប្រកួត​ជាមួយ រ៉​យ ច...

​ប្រែ​សម្រួល : កញ្ញា​ដា​ល...

សម្តេច​តេ​ជោ ហ៊ុន សែន អបអ...

ដោយៈ តារា​រិ​ទ្ធ / ភ្នំពេ...

សម្ដេច​ក្រឡាហោម ស ខេង ៖ ម...

ដោយ​:​មុនី​រ័ត្ន / ភ្នំពេ...