Home ព័ត៌មានជាតិ នយោបាយ ​សម្តេច​ក្រឡា...

​សម្តេច​ក្រឡាហោម ស ខេង អំពាវនាវ​ឲ្យ​ពលរដ្ឋ​ចូលរួម​ឃុំគ្រង​កូនចៅ​ឲ្យ​បានល្អ​កុំ​ឲ្យ​ពាក់ព័ន្ធ​គ្រឿងញៀន​

ដោយ​៖​តារា​រិ​ទ្ធ​/​ភ្នំពេញ​៖ សម្តេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​បាន​អំពាវនាវ​ឲ្យ​ប្រជាពលរដ្ឋ​ជួយ​ឃុំគ្រង​កូនចៅ​របស់ខ្លួន​ឲ្យ​បានល្អ ដើម្បី​ចៀស​ផុតពី​គ្រឿងញៀន​។ ដោយ​សម្តេច​សង្កត់ធ្ងន់​ថា​រាជរដ្ឋាភិបាល​គ្រាន់តែ​ចង់​ឲ្យ​ប្រជាពលរដ្ឋ​ជួយ​ឃុំគ្រង​កូនចៅ​របស់ខ្លួន​ឲ្យ​បានល្អ បើ​ក្រុមគ្រួសារ​និ​មួយៗ​ធ្វើ បានតែ​ប៉ុណ្ណឹង​គឺជា​ជោគជ័យ​របស់​យើង​ហើយ ។​

​សម្ដេច​ក្រឡាហោម ស ខេង ឧបនាយករដ្ឋមន្ត្រីរ​ដ្ឋ​មន្ត្រី​ក្រសួងមហាផ្ទៃ​បាន​អំពាវនាវ​បែបនេះ​ទៅកាន់​ប្រជាពលរដ្ឋនៅក្នុង​ពិធី​ចុះសួរសុខទុក្ខ​និង​ចែក​ស្រូវពូជ​ជូន​ប្រជា ពលរដ្ឋ​ខ្វះខាត​នៅ​ភូមិ​ឈើកាច់ ឃុំ​ឈើកាច់ ស្រុក​បាភ្នំ ខេត្តព្រៃវែង នា​ព្រឹក​ថ្ងៃទី​១២ ខែវិច្ឆិកា ឆ្នាំ​២០២០ ។​

​សម្តេច​ក្រឡ​ហោ ស ខេង បាន​លើកឡើងថា​៖​បញ្ហា​កូ​វីដ​១៩ វា​អាច​បាត់​រលត់ទៅវិញ​នៅពេល​ណាមួយ ក៏ប៉ុន្តែ​បញ្ហា​មួយ​របស់​យើង​ដែល​ត្រូវ​យកចិត្តទុកដាក់​ផង​នោះ​គឺ បញ្ហា​គ្រឿងញៀន​ដែល​វា​បាន​ស្តិ​ត​ស្ថេ​រ​យូរ​មកហើយ ទោះបី​យើង​ខិតខំ​បង្ក្រាប​ជា​បន្តបន្ទាប់​ប៉ុន្តែ​វា​មិនបាន​ធូ​ស្រាល​នោះទេ​។​សម្តេច​ក្រឡាហោម ស ខេង បន្តថា​ប្រទេស កម្ពុជា​ពីមុន​មិនមាន​នោះទេ​ការដាំ​អាភៀន​និង ផលិត​គ្រឿងញៀន ច្រើនតែ​មានការ​លួច​នាំចូល​ពី​ក្រៅប្រទេស​មានការ​ប្រើប្រាស់​តិចតួច​នៅក្នុង​ប្រទេស​និង​ចែកចាយ​ទៅ ក្រៅប្រទេស ក៏ប៉ុន្តែ​ដោយសារ​បច្ចេកវិទ្យា​កាន់​តែ​ទំនើប​ការផលិត​គ្រឿង​ក៏មាន​ភាពងាយស្រួល មិនចាំបាច់​ប្រើ​ទីតាំង​ធំ​នោះទេ​គឺ​សូម្បី​លើ​ទូក​ក៏​អាច​ផលិត​បានដែរ គ្រាន់ តែ​គេ​យក​ម្សៅ​មក រួច​គេ​កៀប​ជា​គ្រាប់ ។​

​សម្តេច​ក្រឡា​ហោ ស ខេង បាន​អំពាវនាវ​ទៅកាន់​ប្រជាពលរដ្ឋ​ថា​៖«​សូម​ចូលរួម​ទី​១.​កុំ​ឲ្យ​ក្រុមគ្រួសារ​យើង​កូន​យើង​ពាក់ព័ន្ធ​គ្រឿងញៀន​នេះ​ជា​ចំណុច​ធំ​ណាស់​វា​ជាការ ចូលរួម​ដ៏​សំខាន់ ,​មិនត្រូវ​ពឹង​តែ​ទៅលើ​អាជ្ញាធរ​ទាំងស្រុង​នោះទេ​,​អាជ្ញាធរ​ពេលខ្លះ​ក្តាប់​មិនបាន​ទេ​,​យើង​ក្រុមគ្រួសារ​ប៉ុន្មាន​នាក់​ហក​នឹង​៤​ឬ​១០ នាក់​យើង​អាច​ក្តាប់បាន
​ដូចនេះ​យើង​ខិតខំ​បញ្ចៀស​បញ្ហា​នេះ ។ ទី​២.​បើ​ឮ​ព័ត៌មាន​ត្រូវ​រាយការណ៍ …»​។​សម្តេច ស ខេង បន្តថា​បច្ចុប្បន្ន ក្នុង​១​ថ្ងៃ​មានការ​ចែកចាយ​នៅតាម​បណ្តា​ខេត្ត​មិនតិច ជា​៥ ទេ​មាន​ព័ត៌មាន​នៃ​បទល្មើស​គ្រ​ភ​ង​ញៀន ។​

​សម្តេច​ក្រឡ​ហោ ស ខេង បាន​លើ​ឡើង​ថាស​ម្តេច​បានស្នើ​សុំ​ទៅ​សម្ដេច​តេ​ជោ​ហ៊ុនសែន​រួចហើយ​ដើម្បី​ដាក់ចេញ​ចរាចរណ៍​មួយ​ដែល​ពាក់ព័ន្ធ​បញ្ហា​ទប់ស្កាត់ បទល្មើស គ្រឿងញៀន ដោយ​យក​ខ្លឹមសារ​ដូច​មុន​ដែរ​ទេ​គ្រាន់តែ​យើង​ដាក់ចេញ​ទិស​ស្លោ​កថា “​បី​កុំ​មួយ​រាយការណ៍​”​បី​កុំ​គឺ ១.​កុំ​ពាក់ព័ន្ធ​,២ កុំ​បន្ធូរបន្ថយ​ត្រូវអនុវត្ត​តាមច្បាប់​និង ៣. កុំ​លើកលែង និង ១.​រាយការណ៍​គឺមាន​ព័ត៌មាន​គឺ​ត្រូវ​រាយការណ៍ ។

​សម្តេច ស ខេង បាន​បន្តថា​ប្រសិនជា​គ្រឿងញៀន​វា​រុករាន​ចូលក្នុង​សង្គម​យើង​កាន់តែខ្លាំង​នោះ​វា​និង​បង្ក​ឲ្យ​ក្រុមគ្រួសារ​យើង​និង​សង្គម​របស់​យើង​ត្រូវ​ខូចខាត​យ៉ាង​ធ្ងន់ ធ្ងន់​វា​អាច​ទៅជា​សង្គម​មួយ​ដែលមាន​ចោរប្លន់ ភេរវកម្ម ពួក​ម៉ាហ្វីយ៉ា នេះ​ជា​បញ្ហា ។ រដ្ឋ​មិន​សំណូមពរ​អ្វី​ច្រើន​ទេ​គឺ​សូម​ឲ្យ​ប្រជាពលរដ្ឋ​ចូលរួម​ឃុំគ្រង​កូនចៅ​របស់ខ្លួន បើ​ធ្វើបាន​ដូចនេះ​គឺជា​ជោគ​ច័យ​ហើយ ។​

​សម្តេច ស ខេង បាន​លើកទឹកចិត្ត​ឲ្យ​ពលរដ្ឋ​រាយការណ៍​ទៅ​អាជ្ញាធរ ឬ ប៉ូលីស​ប៉ុស្តិ៍​ដែល​នៅ​ជិត​ខ្លួន​បំផុត​,​ហើយ​បើ​ប៉ុ​លី​ស​ប៉ុស្តិ៍​មិន​ធ្វើ រាយការណ៍​ទៅ​ថ្នាក់លើ​តាមរយៈ បណ្តាញ​សង្គម ព្រោះ​សម្តេច​ក៏មាន​ហ្វេ​ស​បុក​ដើម្បី​ចាំ​ទទួល​ព័ត៌មាន​ពី​ប្រជាពលរដ្ឋ​ដែរ​។​ប្រជាពលរដ្ឋ​ប្តឹងទៅ​រដ្ឋមន្ត្រី ទៅ​ឧបនាយករដ្ឋមន្ត្រី​មិន​ខិ​ស​ទេ​ប្រសិនជា​ពលរដ្ឋ ប្តឹងទៅ​អាជ្ញាធរ​ហើយ​អាជ្ញាធរ​មិន​ធ្វើ​នោះ គឺ​ប្រជាពលរដ្ឋ​មាន​សិទ្ធិ​ប្តឹងទៅ​ថ្នាក់លើ​ដើម្បី​ជួយ​ជា​រឿង​ត្រឹមត្រូវ ។ សម្តេច​បន្តថា​ពេលនេះ​វា​ជា​ពេលវេលា​ដែល​យើង​ត្រូវ​ចុះ ទៅ​ដោះស្រាយ​បញ្ហា​ឲ្យ​ប្រជាពលរដ្ឋ មិនមែន​ចាំបាច់​ដល់​ពលរដ្ឋ​ឡើងមក​ប្តឹង​បាន​ចុះមក​ទេ ត្រូវ​មើល​ព័ត៌មាន​រួច​ចុះទៅ​ដោះស្រាយ​ជូន​ពលរដ្ឋ ។​

​សម្តេច ស ខេង បាន​បន្តថា​៖​មេដឹកនាំ​មាន​លក្ខខណ្ឌ​ច្រើន​អាចដឹកនាំ​ប្រទេស​បាន ក៏ប៉ុន្តែ​មាន​លក្ខខណ្ឌ​ចាំបាច់​មួយ​ដែល​មេដឹកនាំ​ត្រូវមាន​គឺ​ដឹកនាំ​ត្រូវតែមាន​ព័ត៌មាន បើ​គ្មាន​ព័ត៌មាន​ហើយ​ដឹកនាំ​ទៅតាម​គំនិត​ដែល​ខ្លួន​គិត​នោះ​អត់​ត្រូវ​ទេ ។ ដូចជា​មេដឹកនាំ​ខ្មែរក្រហម​គេ​ដឹកនាំ​តាម​គំនិត​របស់គេ​ហើយ​គេ​មិនដែល​ទទួលយក​នូវ​គំនិត របស់​ប្រជាពលរដ្ឋ​នោះទេ ។ គេ​ចង់​សម្លាប់​អ្នកណាម្នាក់​គឺ​គេ​សម្លាប់​ដោយ​គេ​មិនបាន​ស្រាវជ្រាវ​សិក្សា​ឲ្យ​បានច្បាស់លាស់ ហើយ​ថា​តើ​អ្នករាយការណ៍​នោះ​ពិត ឬ ជាការ មួយ​ល​បង្កាច់​ឬ​យ៉ាងណា​នោះទេ ។ នេះ​ជា​វិធី​ដែល​គេ​ដឹកនាំ​ដោយ​គំនិត​របស់គេ​ដោយ​មិន​បានទទួល​ព័ត៌មាន​ពីអ្វី​ទាំងអស់ ។​

​អញ្ចឹង​ហើយ​ការដឹកនាំ​ដែល​មិនអាច​ខ្វះ​បាន​គឺ​ការទទួល​ព័ត៌មាន​,​គ្មាន​ព័ត៌មាន​គឺ​មិនអាច​ដឹកនាំ​បានទេ​ព្រោះ​នៅពេលដែល​យើង​មាន​ព័ត៌មាន​ទើប​យើង​អាច​ដាក់ចេញ នូវ​គោលការណ៍​និង​វិធានការ​ដើម្បី​ដឹកនាំ ។ មិនអាច​យក​ទ្រឹស្ដី​មក​ដឹកនាំ​ដោយ​មិនមាន​ការផ្សាភ្ជាប់​និង​ភាពជាក់ស្ដែង​នៅក្នុង​សង្គម​បានទេ ៕

 

 

 

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋមន្ត្រីក្រសួង​រ៉ែ និង...

ដោយ​: ទេ​ពក​ង្រី / ខេត្តក...

បើក​លេង​ជល់​មាន់​អាប៉ោង​ភ...

ដោយ​: សុខុម / ស្ទឹងត្រែង​...

រដ្ឋបាល​រាជធានី​ជូនដំណឹង​...

ដោយ​: រ៉ា​ម៉ន / ភ្នំពេញ​:...