តំណាង​សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ចែក​ស្រូវពូជ​ជូន ប្រជាពលរដ្ឋ​រងគ្រោះ ដោយ​ជំនន់​ទឹកភ្លៀង ១.០២០ គ្រួសារ នៅ​ខេត្តស្វាយរៀង

​ដោយៈ វ៉ៃ​កូ / ស្វាយរៀងៈ លោកស្រី កិត្តិ​សង្គហ​បណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រី ក្រសួង​ទំនាក់ទំនង ជាមួយ​រដ្ឋសភា​-​ព្រឹទ្ធសភា និង​អធិការកិច្ច និង​ជា​ប្រធាន​ក្រុមការងារ រាជរដ្ឋាភិបាល ចុះជួយ​ខេត្តស្វាយរៀង តំណាង​ដ៏​ខ្ពង់ខ្ពស់ សម្ដេច​តេ​ជោ ហ៊ុន សែន និង​សម្ដេច កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​អញ្ជើញ​ជួប​សំណេះសំណាល និង​នាំ​ពូជស្រូវ ចែកជូន​ដល់​ប្រជាពលរដ្ឋ រងគ្រោះ​ដោយ ជំនន់​ទឹកភ្លៀង ១.០២០ គ្រួសារ ដែលមាន​ទីតាំង តាម​បណ្ដោយ​មាត់ទន្លេ​វ៉ៃ​គោ ស្ថិតក្នុង​សង្កាត់​ស្វាយរៀង ក្រុង​ស្វាយរៀង ខេត្តស្វាយរៀង នា​ព្រឹក​ថ្ងៃ​ព្រហស្បតិ៍ ទី​១២ ខែវិច្ឆិកា ឆ្នាំ​២០២០​។​

​អំណោយ​របស់ សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ចែកជូន​ប្រជាពលរដ្ឋ ១.០២០​គ្រួសារ រួមមាន ក្នុង ១​គ្រួសារ ទទួលបាន​ស្រូវពូជ ១០០ គីឡូក្រាម មី ១​កេស នំប៉័ង ១​ដើម និង​ថវិកា ៥​ម៉ឺន​រៀល ។​

​ក្នុងឱកាស​នោះ លោកស្រី កិត្តិ​សង្គហ​បណ្ឌិត បាន​នាំនូវ​ការ​ផ្តាំផ្ញើ​សាកសួរ​សុខទុក្ខ ពី​សំណាក់ សម្តេច​តេ​ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ដែលជា​និច្ចកាល សម្ដេច​ទាំងពីរ​តែងតែ គិតគូរ អំពី​សុខទុក្ខ​ប្រជាពលរដ្ឋ ទូទាំងប្រទេស ហើយ​លោកស្រី ក៏បាន​អំពាវនាវ​ដល់ ប្រជាពលរដ្ឋ​ទាំងអស់ បន្ត​ការប្រុងប្រយ័ត្ន និង​ចូលរួម​ទាំងអស់គ្នា ដើម្បី​ការពារ​ខ្លួន​ព្រមទាំង ក្រុមគ្រួសារ និង​សហគមន៍ ពី​ជំងឺ​កូ​វីដ ១៩ ព្រោះ​មកដល់ពេលនេះ ជំងឺ​នេះ​នៅ​បន្ត​រីក​រាលដាល យ៉ាងខ្លាំង និង​ពុំទាន់​មាន​វ៉ាក់សាំង ការពារ​នៅឡើយ​ទេ ។ ត្រូវ​រួមគ្នា​គោរព​ច្បាប់​ចរាចរណ៍ ទាំងអស់គ្នា ចូលរួម​ពង្រឹង​នូវ​ភូមិ​ឃុំ មាន​សុវត្ថិភាព និង​ជៀសឱ្យផុត​ពី​គ្រឿងញៀន​។ ជាពិសេស សូម​បន្ត​រួមគ្នា ការពារ​សន្តិភាព ដែល​នេះ​ជា​កិច្ច​ការសំខាន់ និង​ជា​មូលដ្ឋាន​ចាំបាច់​សម្រាប់​យើង រួម​បន្ត​អភិវឌ្ឍន៍ ប្រទេស​យើង​ទៅមុខទៀត​៕​PC

ទីតាំងផ្សាយពាណិជ្ជកម្ម

- Advertisment -

Most Popular