Home ព័ត៌មានជាតិ សន្តិសុខ បញ្ជូន​ជនសង្ស...

បញ្ជូន​ជនសង្ស័យ ពីរ​នាក់ មក​តុលាការ សួរ​ករណី​កាន់កាប់​អាវុធ ដោយ​គ្មាន​ការអនុញ្ញាត

ដោយៈ​ស​រិ​ទ្ធ / ភ្នំពេញៈ ជនសង្ស័យ ចំនួន ពីរ​នាក់ ដែល​ជាប់​ពាក់ព័ន្ធ ករណី​កាន់កាប់ និង​ដឹកជញ្ជូន​អាវុធ ដោយ​គ្មាន​ការអនុញ្ញាត បាន​ត្រូវ​សមត្ថកិច្ច នគរបាល​ព្រហ្មទណ្ឌ​កំរិតធ្ងន់ រាជធានី​ភ្នំពេញ បញ្ជូនមក​តុលាការ នៅ​ព្រឹក​ទី​១១ ខែវិច្ឆិកា ឆ្នាំ​២០២០ ដើម្បី​ចាត់ការ​តាមច្បាប់​។​

​ជនសង្ស័យ ឈ្មោះ សេង សៀង​ហា ហៅ ជ្រូក ភេទ​ប្រុស បាន​ត្រូវ​កម្លាំង​ការិយាល័យ​នគរបាល ព្រហ្មទណ្ឌ​កំរិតធ្ងន់ រាជធានី​ភ្នំពេញ ឃាត់ខ្លួន​កាលពី​ថ្ងៃទី​៩ ខែវិច្ឆិកា ឆ្នាំ​២០២០​នៅ​ចំណុច​យឿ លក់​ត្រី ភូមិ​ពោធិ៍​មង្គល សង្កាត់​ព្រែក​ព្នៅ ខណ្ឌ​ព្រែក​ព្នៅ រាជធានី​ភ្នំពេញ​។ ក្រោយពី​ឃាត់ខ្លួន ជនសង្ស័យ ឈ្មោះ សេង សៀង​ហា ហៅ ជ្រូក រួម​នឹង​អាវុធ​ម៉ាក​បេ​រឺ​តា លេខ​M ៥០៩៣៥Z ចំនួន​១​ដើម ដែក​កាច់ក​ម៉ូតូ ចំនួន​១ សមត្ថកិច្ច បាន​អនុវត្តន៍​វិធានការ​ជំនាញ និង​មានការ​សម្រប សម្រួល ពី​លោក គុជ គឹម​ឡុង ព្រះរាជអាជ្ញារង អម​សាលាដំបូង រាជធានី​ភ្នំពេញ​នៅបាន​ស្រាវ ជ្រាវ​ឈាន ដល់​ការឃាត់ខ្លួន ជនសង្ស័យ ឈ្មោះ ឈាង ដា​វីត ភេទ​ប្រុស នៅ​ចំណុច​ស្តុ​ប ផ្សារ​ស៊ិន​ជូ​រី​ផ្លា​ហ្សា សង្កាត់​កា​កាប​២ ខណ្ឌ​ពោធិ៍​សែន​ជ័យ​។​

​ក្រោយពី​សាកសួរ ជនសង្ស័យ បាន​សារភាពថាៈ នៅ​ថ្ងៃទី​១ ខែតុលា ឆ្នាំ​២០២០ ខ្លួន និង​បក្ខពួក ឈ្មោះ ភ័ក្ត្រ បានធ្វើ​សកម្មភាព​គាស់​ផ្ទះ នៅ​ភូមិ​ដំណាក់ សង្កាត់​គោក​ឃ្លាង ខណ្ឌ​សែន​សុខ យកបាន​អាវុធ ម៉ាក​បេ​រឺ​តា ចំនួន​១​ដើម អាយ​ផេ​ត ១ ប្រាក់ ៤០០ ដុល្លារ ។ ចំណែក​អាវុធ​ម៉ាក បេ​រឺ​តា ខ្លួន​បាន​យកទៅលក់​ឲ្យ ឈ្មោះ សេង សៀង​ហា ហៅ ជ្រូក តម្លៃ ៦០០ ដុល្លារ តែ​ឈ្មោះ ជ្រូក ពុំទាន់​មាន​លុយ​ឲ្យ​នៅឡើយ​៕​PC

ទីតាំងផ្សាយពាណិជ្ជកម្ម

- Advertisment -

Most Popular

សកម្មភាព​រោងចក្រ​ចិន​កើន​...

​ប្រែ​សម្រួល : កញ្ញា​ដា​ល...

បញ្ជូន​សំណាក​អ្នកពាក់ព័ន្...

ដោយៈ​ស​រិ​ទ្ធ / ស្ទឹងត្រែ...

ឥណ្ឌូនេស៊ី រាយការណ៍​ការឆ្...

​ប្រែ​សម្រួលៈ​វាសនា​/​ហ្ស...

យុវជន​ម្នាក់ ដែល​ប្រកាសថា...

​ដោយៈ ស​រិ​ទ្ធ / បាត់ដំបង...