Home ព័ត៌មានជាតិ សន្តិសុខ ម៉ាស៊ីន​ប៊ូ​ត...

ម៉ាស៊ីន​ប៊ូ​ត​ស្រូវ​កិន​ក្មេងប្រុស​អាយុ​១១​ឆ្នាំ​ម្នាក់​ស្លាប់​

​ដោយ​: តាកែវ / តាកែវ​: ហេតុការណ៍​គួរ​ឲ​សង្វេក​មួយ បាន​កើតឡើង​ចំពោះ​ក្រុមគ្រួសារ​របស់​ក្មេងប្រុស​ម្នាក់ អាយុ ១១​ឆ្នាំ​បាន​ស្លាប់បាត់​បង់ជីវិត​នៅនឹងកន្លែង​កើតហេតុ ដោយសារ​ក្មេងប្រុស​រូបនោះ បាន​ឡើង​ជិះ​លេង​លើ​ម៉ា​ស៊ី​ប៊ូ​ត​ស្រូវ​ពី​ខាងក្រោយ ហើយ​បាន​រអិល​ធ្លាក់ចុះ​មកក្រោម បណ្តាល​ឲ​ម៉ាស៊ីន​ប៊ូ​ត​ស្រូវ​នោះ​បើក​ថយក្រោយ​កិន​ស្លាប់​តែម្តង​។ ហេតុការណ៍​នេះ កើតឡើង​នៅ​ភូមិ​អង្គ​តា​ចាន់ ឃុំ​លាយ​បូរ​ណ៍ ស្រុក​ត្រាំកក់ ខេត្តតាកែវ កាលពី​ព្រឹក​ម៉ោង ៨​និង​១៥​នាទី ថ្ងៃទី ១២ ខែវិច្ឆិកា ២០២០​។​

​បើតាម​របាយការណ៍រ​បស់​នគរបាល​ស្រុក​ត្រាំកក់ បានបញ្ជាក់​ឲ​ដឹងថា ករណី​បើក​ម៉ាស៊ីន​ប៊ូ​ត​ស្រូវ​កិន​ក្មេងប្រុស​ម្នាក់​ឈ្មោះ អ៊ំ រតនា អាយុ​១១​ឆ្នាំ ស្លាប់​នេះ គឺជា​ករណី​មនុស្សឃាត​ដោយ​អ​ចេតនា ដែល​បង្កឡើង​ដោយ​តៃកុង ម៉ាស៊ីន​ប៊ូ​ត​ស្រូវ​មានការ​ឆ្វេស​ប្រហែស ដោយបាន​បណ្តោយ​ឲ្យ​ក្មេង​ឡើង​ជិះ​លេង​លើ​ម៉ាស៊ីន​នៅពេល​កំពុងបើក​ប៊ូ​ត​ស្រូវ ហើយ​មិនបាន​ចាប់​អារ​ម្មាណ៍​ថា ក្មេង​នោះ​ធ្លាក់​មក​ខាងក្រោម​ទើប​បើក​ថយក្រោយ​កិន​ស្លាប់​តែម្តង​។ តៃកុង​ម៉ាស៊ីន​ប៊ូ​ត​ស្រូវ​ដែល​បើក​កិន​ក្មេង​ស្លាប់​នោះ​មានឈ្មោះ ម៉ម ថុល ហៅ​ពយ អាយុ​២៨​ឆ្នាំ មាន​ទីលំនៅ​ភូមិ​សី​ម៉ា ឃុំ​លាយ​បូរ​ណ៍ ស្រុក​ត្រាំកក់ ខេត្តតាកែវ​។

​ក្រោយពេល​កើតហេតុ សមត្ថកិច្ច​បាន​ឃាត់ខ្លួន​តៃកុង​ម៉ាស៊ីន​ប៊ូ​ត​ស្រូវ រង់ចាំ​ការចរចា​ដោះស្រាយ​ជាមួយនិង​ក្រុមគ្រួសារ​ក្មេងរងគ្រោះ​ធ្វើ​ពី​ធី​បុណ្យសព​រួចរាល់​សិន​៕ ល​

ទីតាំងផ្សាយពាណិជ្ជកម្ម

- Advertisment -



Most Popular