Home ព័ត៌មានជាតិ សេដ្ឋកិច្ច កម្ពុជា​ប្រកា...

កម្ពុជា​ប្រកាស​គោលជំហរ​ជាថ្មី​ទៅកាន់​កិច្ចប្រជុំ​កំពូល​អាស៊ាន​

ដោយៈ ជា សីហៈ​/​ភ្នំពេញៈ លោក អូន ព័ន្ធមុនីរ័ត្ន ឧបនាយករដ្ឋមន្ត្រី​និង​ជា​រដ្ឋមន្ត្រីក្រសួង សេដ្ឋកិច្ច​និង​ហិរញ្ញវត្ថុ​ដែល​បាន​ដឹកនាំ​គណប្រតិភូ​កម្ពុជា​ចូលរួម​កិច្ចប្រជុំ​កំពូល​អាស៊ាន​លើក​ទី ៣៧ តាម​អន​ឡាញ​បានបញ្ជាក់​នូវ​គោលជំហរ​កម្ពុជា​ជាថ្មី​រឿង​កិច្ចសហប្រតិបត្តិការ សាមគ្គីភាព សេរីភាវូបនីយកម្ម និង​យន្តការ​ពហុភាគី​និយម ។

​ក្រសួង​សេដ្ឋកិច្ច​និង​ហិរញ្ញវត្ថុ​បាន​អះអាងថា នៅក្នុងនាម​ព្រះរាជាណាចក្រ​កម្ពុជា លោក​បណ្ឌិត អូន ព័ន្ធមុនីរ័ត្ន បាន​ចូលរួម​អន្តរាគមន៍​ដោយ​ផ្ដោត​សំខាន់​ទៅលើ​ការប្ដេជ្ញាចិត្ត​ដ៏​មុះ​មុត​និង ការសន្យា​របស់​កម្ពុជា​ទៅលើ​ចក្ខុវិស័យ​រួមគ្នា​របស់​អាស៊ាន​និង​ទិសដៅ​សម្រេច​ឲ្យ​បាន​នូវ​សមាហរណកម្ម​មួយ​ប្រកបដោយ​ភាពរឹងមាំ​ក្នុង​វិបុលភាព​តាមរយៈ​កិច្ចសហប្រតិបត្តិការ​សាមគ្គី ភាព​និង​ការប្រកាន់​ភ្ជាប់​នូវ​សេរីភាព​រូបនីយកម្ម​និង​យន្តការ​ពហុភាគី​និយម​។​

​កិច្ចប្រជុំ​កំពូល​លើក​ទី ៣៧ នេះ​ក៏បាន​អនុម័ត​ដាក់​ឲ្យ​ដំណើរការ​នូវ​របាយការណ៍​ស្តីពី​ការ ត្រួតពិនិត្យ​វាយតម្លៃ​ឡើងវិញ​ពាក់កណ្ដាល​អាណត្តិ​លើ​ផែនការ​លំអិត​នៃ​សហគមន៍​អាស៊ាន​ឆ្នាំ ២០២៥, ក្របខណ្ឌ​ស្ដារឡើងវិញ​គ្រប់​ជ្រុងជ្រោយ​របស់​អាស៊ាន​និង​ស្តុក​បម្រុង​បរិក្ខារ​ពេទ្យ​នៅ ក្នុង​តំបន់​អាស៊ាន​។ ក្រោម​ប្រធានបទ​ភាព​ស្អិតរ​មួ​ត​និង​ការឆ្លើយតប​នៃ​អាស៊ាន​កិច្ចប្រជុំ​កំពូល​នេះ ត្រូវបាន​រៀបចំឡើង​ដោយ​ផ្ដោត​ការពិភាក្សា​ទៅលើ​ផលប៉ះពាល់​ទៅលើ​វិស័យ​សុខភាព​សាធារណៈ​និង​សង្គម​សេដ្ឋកិច្ច​របស់​ប្រទេស​នៅក្នុង​តំបន់ ដែល​បណ្ដាលមកពី​ការឆ្លង​រីក​រាលដាល​នៃ ជំងឺ​កូ​វីដ​១៩, ការកំណត់​ទិសដៅ​បន្ទាប់​ក្នុងការ​ស្ដារ​និង​រក្សា​ស្ថិរភាព​សង្គម​សេដ្ឋកិច្ច​របស់​ប្រទេស ជា​សមាជិក​និង​តំបន់​នៅពេលដែល​វិបត្តិ​នេះ​ត្រូវបាន​បញ្ចប់​។

​កិច្ចប្រជុំ​កំពូល​នេះ​ក៏​ជា​វេទិកា​ដ៏​សំខាន់​សម្រាប់​ថ្នាក់ដឹកនាំ​អាស៊ាន​និង​ភាគី​ពាក់ព័ន្ធ​ទាំងអស់​ធ្វើការ​ផ្លាស់ប្ដូរ​យោបល់​និង​ផ្ដល់​ធាតុ​ចូលក្នុង​ការដោះស្រាយ​បញ្ហាសំខាន់ៗ​ក្នុង​តំបន់​និង​សកល​ព្រមទាំង​ដើម្បី​លើកកម្ពស់​និង​ពង្រឹងពង្រីក​កិច្ចសហប្រតិបត្តិការ​បន្ថែម​ទៀត​លើ​ចំពោះ​គំនិត​ផ្ដួចផ្ដើម​ខេត្ត​បង្កើត​ថ្មី​និង​តែមាន​ស្រាប់​ក្នុងការ​ពង្រឹងស្មារតី​ពហុភាគី​និយម​និង​ការរក្សាបាន​នូវ​អ​ព្យា​ក្រឹត្យ​ភាព​របស់​អាស៊ាន​៕​PC

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​តេ​ជោ​នាយករដ្ឋមន្ត...

​ដោយៈ​តារា​រិ​ទ្ធ​,​មុនី​...

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...