Home ព័ត៌មានអន្តរជាតិ នាយក​ប្រតិបត្...

នាយក​ប្រតិបត្តិ​ក្រុមហ៊ុន​ឱសថ Pfizer លក់​ហ៊ុន​បាន ៥,៦ លាន​ដុល្លារ​នៅ​ថ្ងៃ​ប្រកាស​វ៉ាក់សាំង​កូវី​ដ​១៩

​ប្រែ​សម្រួល : កញ្ញា​ដា​លី​ស​/​អាម៉េរិក ៖ ឯកសារ​នានា​បានបង្ហាញ​កាលពី​ថ្ងៃ​ពុធ​ទី​១១​វិច្ឆិកា​ថា នាយក​ប្រតិបត្តិ​របស់​ក្រុមហ៊ុន Pfizer លោក អាល់​បឺត បួ​ឡា​បាន​លក់​ភាគហ៊ុន​របស់​លោក​ក្នុង​ក្រុមហ៊ុន​​ឱសថ​អាម៉េរិក​បាន​ចំនួន ៥,៦ លាន​ដុល្លារ​អាម៉េរិក​ក្នុង​ថ្ងៃ​តែ​មួយ​ដែល​ក្រុមហ៊ុន​បាន​ប្រកាស​លទ្ធផល​សម្រាប់​បេក្ខជន​វ៉ាក់សាំង​កូវី​ដ​១៩​។​

​ទោះយ៉ាងណា ក្រុមហ៊ុន​បាន​និយាយ​ថា​ការលក់​នេះ​គឺជា​ផ្នែក​មួយ​នៃ​ផែនការ​លក់​ហ៊ុន​តាម​ពេលវេលា​ដែល​បាន​រៀបចំ​ទុកជាមុន នៅពេលណា​ដែល​ភាគហ៊ុន​ឡើងថ្លៃ​។​

​យោង​តាម​ការ​លាតត្រដាង​ជាមួយ​និយតករ​ទីផ្សារ​អាម៉េរិក SEC លោក​បួ​ឡា​បាន​លក់​ភាគហ៊ុន​ចំនួន ១៣២.៥០៨ សន្លឹក​ក្នុងតម្លៃ ៤១,៩៤ ដុល្លារ​ក្នុង​មួយ​ហ៊ុន​កាលពី​ថ្ងៃ​ចន្ទ​។​

​អនុប្រធាន​ប្រតិបត្តិ​នៅ​ក្រុមហ៊ុន គឺ​លោក សាល់លី ស៊ូ​ស្មាន់ ក៏​បាន​លក់​ភាគហ៊ុន​បាន​ប្រហែល ១,៨ លាន​ដុល្លារ​ឬ ៤៣.៦៦២ ហ៊ុន​ដែរ​។​

​ភាគហ៊ុន​របស់​ក្រុមហ៊ុន Pfizer បាន​កើន​ឡើង​ជាង ៧ ភាគរយ បន្ទាប់​ពី​ឡើងដល់ ១៥​ភាគរយ​កាលពី​ថ្ងៃ​ចន្ទ​នៅពេល​ដែល​ក្រុមហ៊ុន​ផលិត​ឱសថ​នេះ​ប្រកាស​ថា​ការសាកល្បង​ព្យាបាល​បានបង្ហាញ​​ថា​បេក្ខជន​វ៉ាក់សាំង​របស់ខ្លួន​ដែល​កំពុង​អភិវឌ្ឍ​ជាមួយ​ក្រុមហ៊ុន​អាល្លឺម៉ង់ BioNTech មាន​ប្រសិទ្ធភាព ៩០ ភាគរយ​៕

​នាយក​ប្រតិបត្តិ​របស់​ក្រុមហ៊ុន Pfizer លោក អាល់​បឺត បួ​ឡា​

ទីតាំងផ្សាយពាណិជ្ជកម្ម

- Advertisment -

Most Popular