Home ព័ត៌មានអន្តរជាតិ បៃ​ដិន​ធានា​អ...

បៃ​ដិន​ធានា​អះអាង​ជា​ថ្មី​ដល់​សម្ព័ន្ធមិត្ត​អាស៊ី​អំពី​ការតាំង​ចិត្ត​ការពារ​ពួកគេ​

​ប្រែ​សម្រួល : កញ្ញា​ដា​លី​ស ៖ ប្រធានាធិបតី​ជាប់ឆ្នោត​អាម៉េរិក​លោក ចូ បៃ​ដិន បាន​ទូរស័ព្ទ​ទៅរក​សម្ព័ន្ធមិត្ត​នៅ​ទីក្រុង​សេ​អ៊ូ​ល ទីក្រុង​ស៊ីដនី និង​ទីក្រុង​តូ​ក្យូ​នៅ​ថ្ងៃ​ព្រហស្បតិ៍​ទី​១២​វិច្ឆិកា​នេះ​ដោយ​ប្តេជ្ញា​​ថា​នឹង​ជួសជុល​ភាពជា​ដៃគូ​ដែល​រង​ការខូចខាត និង បញ្ជាក់​អះអាង​ជា​ថ្មី​នូវ​កិច្ចព្រមព្រៀង​ការពារ​គ្នា​ទៅវិញទៅមក ដែល​ត្រូវបាន​បោះ​ចូល​ក្នុង​ភាពមន្ទិលសង្ស័យ​ដោយ​សេត​វិមាន​បច្ចុប្បន្ន​។​

​មួយ​ថ្ងៃ​បន្ទាប់ពី​ការតេតា​មទូរស័ព្ទ​ជា​ហូរហែរ​បស់​លោកបៃ​ដិន ជាមួយ​មេដឹកនាំ​អឺរ៉ុប ដែល​គេ​ហៅ “​អាម៉េរិក​ត្រឡប់​មក​វិញ​ហើយ​”​អតីត​អនុ​ប្រធានាធិបតី​រូបនេះ​បាន​និយាយ​ទៅកាន់​លោក​ស្កត់ ម័រ​រី​សុន​​របស់​អូស្ត្រាលី លោក​មូន ជែ​អ៊ីន​របស់​កូរ៉េ​ខាងត្បូ​ង និង​មេដឹកនាំ​ជប៉ុន​ដែល​ទើបនឹង​កាន់តំណែង លោក យ៉ូ​ស៊ី​ហ៊ី​ដេ ស៊ូ​ហ្កា​។​

​បុរស​ទាំង​បី​នាក់​បាន​អបអរសាទរ​រួច​ទៅ​ហើយ​ចំពោះ​លោកបៃ​ដិន​អំពី​ជ័យជម្នះ​ក្នុង​ការបោះឆ្នោត​នាពេល​ថ្មីៗ​នេះ​របស់​លោក​លើ​លោក​ដូណាល់​ត្រាំ​ទោះបីជា​លោកត្រាំ​បដិសេធ​មិន​ព្រម​ទទួលយក​បរាជ័យ​​ក៏ដោយ​។​

​ការតេរប​ស់​លោក​បៃដិនជា​មួយ​លោក​ស៊ូ​ហ្កា​រួម​មាន​ការ​ព្រមាន​យ៉ាង​ខ្លាំង​ពី​នាយក​រដ្ឋមន្ត្រី​ជប៉ុន​ថា “​ស្ថានភាព​សន្តិសុខ​គឺ​កាន់តែ​ធ្ងន់ធ្ងរ​ឡើង​” នៅ​ជុំវិញ​តំបន់ នេះ​បើ​យោង​តាម​កំណត់ហេតុ​នៃ​ការតេ​​ទូរស័ព្ទ​ពី​ក្រុមមន្ត្រី​ជប៉ុន​។​

​យោង​តាម​ក្រុម​អ្នកបកប្រែ​របស់លោក​ស៊ូ​ហ្គា​បានឱ្យដឹងថា ការវិភាគ​ដោយ​ត្រង់​មិន​ធម្មតា​របស់​លោក​ស៊ូ​ហ្កាគឺ​បាន​ជួបគ្នា​ជាមួយ​ក្តីបារម្ភ​របស់​លោកបៃ​ដិនដែល​បង្ហាញ​ពី​ការប្តេជ្ញាចិត្ត​ខ្ពស់​ចំពោះ​ការ​​ការពារ​ប្រទេស​ជប៉ុន​និង​ប្រកាន់ខ្ជាប់​កាតព្វកិច្ច​សន្ធិសញ្ញា​ដែល​មាន​អាយុកាល​រាប់​ទសវត្សរ៍​។​

​ក្នុងអំឡុងពេល​ពេល​៤​ឆ្នាំ​នៃ​រដ្ឋបាល​ត្រាំ សម្ព័ន្ធមិត្ត​ក្នុង​តំបន់​របស់​អាម៉េរិក​តែងតែ​ចោទ​ជា​សំណួរ​ថា​តើ​ប្រធានាធិបតី​នឹង​រក្សា​ការសន្យា​យូរអង្វែង​ដើម្បី​ការពារ​ពួកគេ​ក្នុងករណី​មាន​ការផ្ទុះ​អាវុធ​ឬ​ទេ​។​

​នៅក្នុង​ចំណាត់ការ​មួយ​ដែល​ទំនង​ជា​បណ្តាល​ឱ្យ​មានកា​រ​តវ៉ា​នៅ​ទីក្រុង​ប៉េកាំង លោកបៃ​ដិនបាន​បញ្ជាក់​ពី​ការ​ប្តេជ្ញា​ចិត្តការពា​ររ​ហូត​ដល់​ប្រជុំ​កោះ​សិន​កាគុ ដែល​ជា​ប្រជុំ​កោះ​គ្មាន​មនុស្ស​រស់​នៅ ដែល​ទាមទារ​ដោយ​ជប៉ុន​និង​ចិន និង​ជា​ចំណុច​អាច​ផ្ទុះ​ជម្លោះ​ប្រដាប់អាវុធ​រាប់​ទសវត្សរ៍​។​

​ដោយឡែក​នៅក្នុង​ការតេ​រយៈពេល ១៤ នាទី​ជា​មួយ​លោក​មូន ជែ​អ៊ីន លោកបៃ​ដិនបាន​ពណ៌នា​សម្ព័ន្ធ​មិត្ត​អាម៉េរិ​ក​-​កូរ៉េខាងត្បូង​ថា​ជា “​ក្រវាត់​ការពារ​សន្តិសុខ​និង​វិបុលភាព​” នៅក្នុង​តំបន់ ហើយ​បាន​ប្តេជ្ញា​ធ្វើ​ការរួម​គ្នា​លើ “​បញ្ហា​ប្រឈម​រួមគ្នា​” ដូចជា​បញ្ហា​កូរ៉េខាងជើង និង បម្រែបម្រួល​អាកាសធាតុ​។​

​លោក​ត្រាំ​បាន​គិតគូរ​ពិចារណា​ជា​សាធារណៈ​អំពី​ការដក​កងទ័ព​ចេញពី​ប្រទេស​ជប៉ុន​និង​កូរ៉េខាងត្បូង កន្លែង​ដែល​បុគ្គលិក​យោធា​អាម៉េរិក​ជាង ២​ម៉ឺន​នាក់​កំពុង​ឈរជើង​ដើម្បី​រារាំង​រាល់​សកម្ម​​ភាព​យោធា​របស់​កូរ៉េខាងជើង​។​

​វិមាន​ខៀវ​របស់​ប្រធានាធិបតី​កូរ៉េខាងត្បូង​បាន​និយាយថា​លោក​មូននិង​លោកបៃ​ដិ​ន​បាន​យល់ព្រម​ជួបគ្នា​ផ្ទាល់​ក្នុងពេល​ឆាប់ៗ​តាម​ដែល​អាច​ធ្វើទៅបាន​បន្ទាប់​ពី​ការស្បថ​ឡើងកាន់តំណែង​នៅ​​អាម៉េរិក​។​

​នៅក្នុង​ការតេរប​ស់​លោក​ជាមួយ​មេដឹកនាំ​អូស្ត្រាលី លោកបៃ​ដិនបាន​ទទួលយកកា​រ​អញ្ជើញ​ឱ្យ​ធ្វើ​ទស្សនកិច្ច​នៅ​ឆ្នាំ​ក្រោយ​សម្រាប់​ខួប​លើក​ទី ៧០ នៃ​សន្ធិសញ្ញា​សន្តិសុខ​រវាង​ប្រទេស​ទាំង​ពីរ​។​

​តាម​សេចក្តីរាយការណ៍​លោកបៃ​ដិ​ន​ក៏បានកត់សម្គាល់ផង​ដែរ​ពី​សារៈសំខាន់​នៃ “​ការដោះស្រាយ​នឹង​ការប្រែប្រួល​អាកាសធាតុ​”​ដែល​រដ្ឋាភិបាល​អភិរក្ស​របស់​អូស្ត្រាលីមាន​ភាពយឺតយ៉ា​វ​ក្នុង​ការដោះស្រាយ​​ទោះបីជា​បាន​ចូលរួម​ក្នុង​កិច្ចព្រមព្រៀង​អាកាសធាតុ​ក្រុងប៉ារីស​ក៏ដោយ​៕

​លោកបៃ​ដិន​ប្តេជ្ញា​ការពារ​សម្ព័ន្ធមិត្ត​អាស៊ី​ក្នុងការ​តេ​ទូរស័ព្ទ

ទីតាំងផ្សាយពាណិជ្ជកម្ម

- Advertisment -



Most Popular