​កុមារ​ក្រីក្រ ៣​នាក់ ដែល​បាន​ចូលរួម​​ប្រណាំង​កង់នៅព្រែកលៀបទទួលបានអំណោយមនុស្សធម៌ពី​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន

ដោយៈ ញ៉ែម សុផល​/ភ្នំពេញ​៖ ដោយ​ក្តី​អាណិតអាសូរ និង​មើលឃើញ​ពី​ការតស៊ូ​ក្នុង​ជីវិត នៅ​រសៀល​ថ្ងៃទី១២ខែវិច្ឆិកាឆ្នាំ​២០២០​នេះសម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ចាត់​ឱ្យ​សហការី​ចុះសួរសុខទុក្ខ​និង​លើ​ក​ទឹកចិត្ត ព្រមទាំង​នាំយក​អំណោយ​មនុស្សធម៌​ផ្តល់ជូន​កុមារ​ចំនួន​៣​នាក់ ដែល​រស់​នៅក្នុង​គ្រួសារ​ក្រីក្រ បាន​ចូលរួម​ប្រកួត​កីឡា​ប្រណាំង​កង់​នៅ​ទីលាន​ទួល​ម៉ូតូ​ហោះ​ព្រែក​លៀប ខណ្ឌ​ជ្រោយចង្វារ រាជធានី​ភ្នំពេញ​។​

​កុមារ​ទាំង​៣​នាក់​នោះ​រស់នៅ​ភូមិ​ព្រែក​តា​គង់ សង្កាត់​ព្រែក​តាសេក ខណ្ឌ​ជ្រោយ ចង្វារ រាជធានី​ភ្នំពេញ មានឈ្មោះ ៖ ១. ពេជ្រ ធារ៉ា អាយុ ១៣​ឆ្នាំ​, ២. សុវណ្ណ សាលី អាយុ ១៤​ឆ្នាំ​, ៣. ឈិន ភារ​ម្យ អាយុ ៩​ឆ្នាំ​។

​ក្នុងឱកាស​នោះ លោកស្រី ម៉ែន នារី​សោ​ភ័គ អគ្គលេខាធិការរង​ទី​១កាកបាទ ក្រហ មកម្ពុជា បាន​ពាំនាំ​ប្រសាសន៍​របស់ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាកបាទក្រហមកម្ពុជា ដែល​ផ្តាំផ្ញើ​សួរសុខទុក្ខ ក្តី​អាណិតអាសូរ និង​កោតសរសើរ​ចំពោះ​ការតស៊ូ​របស់​កុមារ​ទាំង ៣​នាក់​ខាងលើនេះ​ដែលមាន​ឆន្ទៈ​ស្រ ឡាញ់​កីឡា​ហើយ​ហ៊ាន​ចូលរួម​ប្រកួត​ដោយ​មិនមាន​កង់​ថ្មីៗ​ដូច​កុមារ​ដទៃ​ឡើយ​។

​ជាមួយគ្នានេះ លោកស្រីបាន​ពាំ​នាំនូវ​ការលើកទឹកចិត្ត​ពី សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ដល់​កុមា​រទាំង​៣​នាក់ ដែលមាន​ចិត្ត​ស្រឡាញ់​វិស័យ​កីឡា ដែល​នេះ​អាច​យក​ធ្វើជា​គំរូ​ដល់​កុមារ និង​យុវជន​ដទៃទៀត ប្រសើរ​ជាង​ការប្រព្រឹត្ត​គ្រឿង ញៀន ល្បែងស៊ីសង ឬ​ទង្វើ ទាំងឡាយណា​ដែល​សង្គម​ស្អប់ខ្ពើម​។ ទន្ទឹមនឹងនេះ លោកជំទាវ​បានស្នើ​ឱ្យ​ក្មួយៗ​ត្រូវខិតខំ​សិក្សា​រៀនសូត្រ​ឱ្យបាន​ពូកែ​ដើម្បី​អនាគត​ភ្លឺស្វាង ចំណែកឯ​អាណាព្យាបាល​ត្រូវ​ប្រឹងប្រែង​ប្រក​បរបរ​ចិញ្ចឹមជីវិត​បន្ថែមទៀត​ដើម្បី​ជីវភាព​គ្រួសារ​រុងរឿង​។

​កុមារ​ទាំង​៣​នាក់​ខាងលើនេះនិង​ក្រុមគ្រួសារបាន​សម្តែង​នូវ​ការដឹងគុណ​យ៉ាង​ជ្រាល ជ្រៅ​ចំពោះ សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ដែល​បាន​លើកទឹក ចិត្ត និង​ផ្តល់​ការសន្តោសប្រណី ហើយ​ពួកគេ​បាន​ប្តេជ្ញា​អនុវត្តតាម​ការ​ទូន្មាន​របស់​មាតា​មនុ​ស្សធម៌ ត្រូវខិតខំ​សិក្សា​រៀនសូត្រ​ឱ្យបាន​ពូកែ ធ្វេ​ី​ជា​កូន​ល្អសិស្ស​ល្អ និង​ជា​ពលរដ្ឋ​​ល្អ​នៅក្នុង​សង្គម​។

​ដើម្បី​ជួយ​សម្រាល​ផ្នែក​ជីវភាព​គ្រួសារ កាកបាទក្រហមកម្ពុជា បាន​ឧបត្ថម្ភ​ដល់​គ្រួ​សា​រ​កុមារ​នីមួយៗ​ទទួលបាន ៖ អង្ករ ១០០​គីឡូក្រាម​, មី ២​កេស​, ត្រីខ ២០​កំប៉ុង​, ឃី​ត (​មុង ភួយ សារុង ក្រមា អាវយឺត​) ១​ឃី​ត​, កញ្ចប់​អាហារ១​កញ្ចប់​,កាបូប​ស្ពា​យ ១ និង​ថវិកា ៥០០.០០០​រៀល​៕Ph

ទីតាំងផ្សាយពាណិជ្ជកម្ម

- Advertisment -

Most Popular

មេបញ្ជាការ​កងពលតូច​លេខ​៧ ...

​ដោយ​: ភ្នំ​ដែក / ខេត្តព្...

រថយន្ត បុក​ម៉ូតូ បណ្តាលឱ្...

ដោយៈ សៅ វ៉ាន់ឌី / ព្រះ​វិ...

ផ្ទួនៗគ្នា បន្ទាប់ពី​ពុល​...

​ដោយៈ​ មុនី​រ័ត្ន ​/ ​ភ្ន...

រដ្ឋមន្ត្រី​កសិកម្ម ចុះ​ព...

ដោយៈ ជា សីហៈ / ភ្នំពេញៈ ល...