Home ហោរាសាស្ត្រ ថ្ងៃទី​១៣ ខែវ...

ថ្ងៃទី​១៣ ខែវិច្ឆិកា ឆ្នាំ​២០២០

ឆ្នាំជូត
​រាសី​ខ្ពស់ត្រដែត​។​នៅថ្ងៃនេះ​ផ្តល់​ផល​ល្អ​សម្រាប់​លោកអ្នក​ប្រកបការងារ​ពាក់ព័ន្ធ​នឹង​បញ្ហា​ប្រាក់កាស​និង​បញ្ហា​ប្រកប​ជំនួញ​អ្វីមួយ​។​ក្រៅពីនេះ​ផ្តល់​ផល​ល្អ​សម្រាប់​លោកអ្នក​សម្រេចចិត្ត​ធ្វើ​អ្វីមួយ​ផងដែរ​។​សម្រាប់​អ្នក​ប្រកប​របរ​រកស៊ី​ជួញដូរ​ពេលនេះ​ជា​ឱកាសល្អ​ក្នុងការ​ផ្លាស់ប្តូរ​មុខរបរ​ឬ​រើ​ទីកន្លែង​លក់ដូរ​ដោយ​អាច​ជួប​នូវ​ក្តី​ចម្រុងចម្រើន​លូតលាស់​ទៅមុខ​សន្សឹម​”​ជានិច្ច​។

​រីឯ​បញ្ហា​សម្ព័ន្ធ​ស្នេហា​កំលោះ​ក្រមុំ​មាន​ភាព​ផ្អែមល្ហែម​និង​ស្រុះស្រួល​គ្នា​ប្រពៃ​៕

ឆ្នាំឆ្លូវ
​រាសី​ល្អជា​មធ្យម​។ នៅថ្ងៃនេះ​ដួង​រាសី​របស់លោក​អ្នកមាន​បញ្ហា​ប្រទាំង​ប្រទើស​ច្រើន ហើយ ពិសេស​ចូរ​ប្រយ័ត្ន​កើត​ជម្លោះ​វិវាទ​ណាមួយ​ឡើង​។​ចំពោះ​ស្ត្រី​កុំ​បង្ក​ការ​ផល​លំបាក​ដល់​អ្នកដទៃ​ពី​រឿង​អ្វីមួយ​ពីព្រោះ​ឥទ្ធិពល​អាក្រក់​របស់លោក​អ្នកនឹង​ចាំ​ទទួល​នៅពេល​ក្រោយ​ជាក់​ជាពុំខាន​។​សម្រាប់​លោកអ្នក​ដែល​ប្រកប​របរ​រកស៊ី​ជួញដូរ​មិន​ថា​ជួញ​ទីជិត​ឆ្ងាយ​តែង​អាច​ហុច​ផ្លែផ្កា​មកវិញ​គ្រាន់​ជាទី​កក់ក្តៅ​តែ​យ៉ាងណា​ចូរ​ប្រយ័ត្ន​ក្រុមមនុស្ស​បាបមិត្ត​បង្កជម្លោះ​ណាមួយ​កើតឡើង​។​

រីឯ​បញ្ហា​សេចក្តីស្នេហា​ប្រុស​ស្រី​ចូរ​ប្រយ័ត្ន​ការដើរ​ហើរ​ពាស​វាលកាល​ព្រោះ​ច្រើន​ជួប​រឿង​អាក្រក់​ជាង​ល្អ ៕

ឆ្នាំខាល
​រាសី​ស្រុតចុះ​។​នៅថ្ងៃនេះ​តាម​ក្បួន​ហោរាសាស្ត្រ​ចិន​ហើយ​បញ្ជាក់ថា​លោកអ្នក​កើត​ឆ្នាំ​ខ្លា​ដួង​រាសី​ស្រុតចុះ ហេតុនេះ​បើ​ធ្វើ​អ្វីមួយ​ហើយ​ត្រូវ​ចេះ​ត្រួតពិនិត្យ​ឱ្យបាន​គ្រប់​ជ្រុងជ្រោយ​ទើប ប្រសើរ​។ ក្រៅពីនេះ​ត្រូវមាន​ចិត្ត​ត្រជាក់​ដោយ​មិនត្រូវ​យកចិត្ត​ក្តៅ​ដាក់ខ្លួន​ឡើយ​ប្រយ័ត្ន​កើត គ្រោះ​ពិបាក​ទប់ទល់​ហើយ​ត្រូវ​ខាតបង់​ទាំង​ប្រាក់កាស​និង​ពេលវេលា​ផង​។ ដោយឡែក​អ្នក ប្រកប​របរ​រកស៊ី​ជួញដូរ​ក៏​ដូច្នេះ​ដែរ​ការចង់​បោះទុន​ទៅលើ​អ្វីមួយ​ត្រូវ​មើលមុខមើលក្រោយ​ព្រោះ​ផ្លែផ្កា​ទទួលបាន​មកវិញ​មាន​ភាព​យ៉ាប់យ៉ឺន​ណាស់​។

រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ប្រឆាំង​គ្នាច្រើន​ដូ​នេះ​ឱ្យ​ប្រយ័ត្ន​កើតមាន​ជម្លោះ​វិវាទ​៕

ឆ្នាំថោះ
​រាសី​ខ្ពស់ត្រដែត​។​ក្នុង​ពេលនេះ​យីអ៊ុន​លោកអ្នក​លោត​ឡើង​ខ្ពស់ត្រដែត​ពី​ទិស​បូព៌ា​ម្ល៉ោះហើយ​ជា​ឱកាសល្អ​សម្រាប់​លោកអ្នក​ទំនាក់ទំនង​ការងារ​ឬ​រៀបចំ​ពិធីបុណ្យ​អ្វីមួយ​ផង​។​ការប្រកប​ការងារ​អ្វី​ក៏ដោយ​ត្រូវ​រវៀសរវៃ​និង​ខិតខំ​ព្យាយាម​ទើប​ផ្លែផ្កា​ហុច​ឲ្យ​មកវិញ​គ្រាន់​ជាទី​កក់ក្តៅ​ទៅរួច​។​សម្រាប់​អ្នក​ប្រកប​របរ​រកស៊ី​ជួញដូរ​មិន​ថា​ផ្លូវទឹក​ផ្លូវគោក​ឬ​ផ្លូវអាកាស​ក្តី​តែង​អាច​ប្រមូល​ភោគផល​ត្រឡប់​ចូល​ផ្ទះ​វិញ​ដូច​ជាទី​គាប់ចិត្ត​។​

​សម្ព័ន្ធ​ស្នេហា​កំលោះ​ក្រមុំ​កំពុងមាន​ភាពស្រស់​ស្រាយ​និង​ផ្អែមល្ហែម​ណាស់​ផង​ស​៕

ឆ្នាំរោង
​រាសី​ល្អជា​មធ្យម​។​ក្នុង​ពេលនេះ​ដំណើរ​ជីវិត​លោកអ្នក​ជួប​រឿង​ខ្វាយខ្វល់​ច្រើន​បន្តិច​តែ​យ៉ាងណា​កិច្ចការងារ​មានការ​រីកលូតលាស់​ជា​សន្សឹមៗ​ទៅមុខ​ឥតមាន​ឧបសគ្គ​ធំដុំ​ត្រូវ​រែកពន់​នោះឡើយ​។​ចំណែក​យីអ៊ុន​អ្នក​ប្រកប​របរ​រកស៊ី​ជួញដូរ​វិញ​ទាំង​ស្ត្រី​បុរស​តែង​ផ្តល់​ផល​ល្អ​ហើយ​ទោះ​ចង់​បណ្តាក់ទុន​រកស៊ី​ឬ​ធ្វើ​អ្វីមួយ​តែង​ហុច​ផ្លែផ្កា​ដូច​សមប្រកប​ផងដែរ​។​ការធ្វើដំណើរ​ឆ្ងាយ​ជិត​ជួប​សេចក្តីសុខក្សេមក្សាន្ត​ទាំង​ពេល​ទៅ​និង​ត្រឡប់មកវិញ​។​

​រីឯ​បញ្ហា​សម្ព័ន្ធ​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​មាន​ភាពជឿនលឿន​ទៅមុខ​និង​កំពុងបើក​ទំព័រ​ថ្មី​សម្រាប់​លោកអ្នក​ហើយ​៕

ឆ្នាំម្សាញ់
​រាសី​ខ្ពស់ត្រដែត​។ អ្នក​កើត​ឆ្នាំម្សាញ់ ក្នុង​ពេលនេះ​ទោះ​លោកអ្នក​ប្រកប​កិច្ចការងារ​រាជការ ឬ​ក្រុមហ៊ុន​ឯកជន​ក៏ដោយ​មិនត្រូវរ​ពិស​មាត់​រិះគន់​ចៅហ្វាយនាយ​ឡើយ​ប្រយ័ត្ន​ជញ្ជាំងមានត្រចៀក​ចង់​មិន​ចង់​ចៅហ្វាយនាយ​កើតការ​គុំ​គួ​ន​ហើយ​ជះឥទ្ធិពល​អាក្រក់​ទៅ​គ្រា​ខាងមុខ​។​ចំពោះ​ស្រី្ត​ដែល​ធ្លាប់តែ​កើតមាន​រឿង​រាវ​ដំបៅចិត្ត​នា​កន្លងមក​បើ​ចង់​លើក​បញ្ហា​នេះ​មក​ពិភាក្សា​ជាមួយ​ក្រុមគ្រួសារ​ឬ​ដោះស្រាយ​ឲ្យ​ជ្រះស្រឡះ​ក្នុង​គ្រានេះ​ជា​ការល្អប្រពៃ​ណាស់​ផង​។​សម្រាប់​អ្នក​ប្រកប​របរ​រកស៊ី​ជួញដូរ​ទោះ​ធំដុំ​ឬ​រកស៊ី​នាយអាយ​ក្តី​តែង​អាច​ទទួល​ផ្លែផ្កា​ឆ្លើយតប​មកវិញ​គ្រាន់​ជាទី​កក់ក្តៅ​ជានិច្ច ។​

​សម្ព័ន្ធ​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​មាន​ភាព​សុខដុម​និង​ស្រស់ស្រាយ​ប្រៀប​ដូច​ត្រី​ក្នុង​ទឹក​នា​រដូវ​ខែវស្សា​៕

ឆ្នាំមមី
​រាសី​ល្អជា​មធ្យម​។ នៅថ្ងៃនេះ​ដួង​រាសី​របស់​លោកអ្នក​ជួប​លើ​កំណាត់​ផ្លូវ​រដិបរដុប​ច្រើន ម្ល៉ោះ ហើយ​បើទោះបី​ធ្វើ​អ្វីមួយ​ក៏ដោយ​ត្រូវ​ប្រយ័ត្នប្រយែង​ហើយ​មិនត្រូវ​ជឿ​ពាក្យអុជអាល​អ្នកដទៃ​ដែរ​បើ​ពុំ​នោះទេ​រឿង​ខ្លះ​តូចតាច​សោះ​អាច​រីក​ក្លាយ​ជាធំ​ជាក់​ជាពុំខាន​។​សម្រាប់​អ្នក​ប្រកប​របរ​រកស៊ី​ជួញដូរ​ការរក​ផល​កម្រៃ​មិនត្រូវ​លោភលន់​ឡើយ​បើ​ពុំ​នោះទេ​ប្រយ័ត្ន​បាន​បាតដៃ​ទទេ​វិល​ត្រឡប់មកផ្ទះ​វិញ​។ ការធ្វើដំណើរ​ទីជិត​ឆ្ងាយ​ចូរ​ប្រយ័ត្ន​ជួប​គ្រោះ​ចាញ់បោក​គេ​និង​គ្រោះ​មុត​របស់​ស្រួច​។​

​បញ្ហា​សេចក្តីស្នេហា​ប្រុស​ស្រី​កុំ​ចង់យក​កំហឹង​ទល់​កំហល់​ប្រយ័ត្ន​កើតរឿង​ពី​តូច​ទៅ​ធំ​ឈានដល់​ការបែកបាក់​៕

ឆ្នាំមមែ
​រាសី​ល្អជា​មធ្យម​។ នៅថ្ងៃនេះ​ដោយសារ​ដួង​រាសី​ល្អជា​មធ្យម​ម្ល៉ោះហើយ​លោកអ្នក​អាច​ឈោង ចាប់​បានតែ​កិច្ចការ​តូចតាច​ឬ​ការងារ​ធន់​មធ្យម​ប៉ុណ្ណោះ​មិនអាច​លោភលន់​បានឡើយ​បើ​ពុំនោះ​នឹង​ខាង​បង់​ទៅវិញ​ជាក់​ជាពុំខាន​។​ការរស់នៅ​មាន​ភាព​សុខដុម​និង​មាន​ក្រុមមនុស្ស​អាណិត​ស្រឡាញ់​ជួយ​យក​អសារ​ជានិច្ច​។​ទោះបី​យ៉ាង​សម្រាប់​អ្នក​ប្រកប​របរ​រកស៊ី​ជួញដូរ​ក្នុង​ពេលនេះ​ជួប​ផល​លំបាក​ក្នុង​ការរក​ផល​ចំណូល​បន្តិច​ហើយ​បើ​មានការ​ជួញ​ឆ្ងាយ​ទៀតសោត​ចូរ​ប្រយ័ត្ន​ជួប​គ្រោះ​ចាញ់បោក​គេ ។​

​គូគ្រង​ប្តី​ប្រពន្ធ​ឬ​គូស្នេហ៍​កំលោះ​ក្រមុំ​ងាយ​ប្រេះស្រាំ​តែ​ក៏​ងាយ​ងាក​មក​ផ្អែមល្ហែម​វិញ​ផងដែរ​៕

ឆ្នាំវក
​រាសី​ខ្ពស់ត្រដែត​។ នៅថ្ងៃនេះ​មិន​ថា​ការសម្រេចចិត្ត ទិញ​ផ្ទះ លេង​ហ៊ុន​ចរចា​ទំនាក់ទំនង​ការងារ ឬ​ផ្លាស់ប្តូរ​អ្វី​ក៏​តែង​ផ្តល់​ផល​ល្អ​ជាង​អាក្រក់​ជានិច្ច​។​ការរស់នៅ​មាន​ភាព​សុខដុម​គួរសម​ប៉ុន្តែ​កិច្ចការងារ​ត្រូវ​ពុះពារ​ទើប​ឆ្លង​ផុត​ផល​លំបាក​ទាំងពួង​ទៅរួច​។​អ្នក​ប្រកបការងារ​រកស៊ី​ជួញដូរ​មាន​ការទិញចូល​លក់​ចេញ​គួរសម​ឯ​ផល​កម្រៃ​ទៀតសោត​ក៏​អាច​ប្រមូល​ចូល​ផ្ទះ​វិញ​គ្រាន់​ជាទី​កក់ក្តៅ​។​ការធ្វើដំណើរ​ឆ្ងាយ​ជិត​ជួប​ភាព​សុខដុម​ទាំង​ពេល​ទៅ​និង​ត្រឡប់មកវិញ​។​

​រីឯ​បញ្ហា​ស្នេហា​ប្រុស​ស្រី​មាន​ភាព​ផ្អែមល្ហែម​និង​ស្រស់ស្រាយ​ប្រពៃ​ណាស់ដែរ​៕

ឆ្នាំរកា
​រាសី​ល្អជា​មធ្យម​។ នាពេលនេះ​លោកអ្នក​កើត​ឆ្នាំមាន់ ទោះ​ធ្វើ​អ្វី​ក៏ដោយ​គប្បី​មានការ​ប្រយ័ត្ន ប្រយែង​និង​គិត​ឲ្យ​បាន​ល្អិតល្អន់​បន្តិច​ទើប​ប្រសើរ​។ លោកអ្នក​អាច​ជួប​បញ្ហា​ណាមួយ​ពិបាក ទាំង​ដោះស្រាយ​និង​ទប់ទល់​ថែមទៀត​។​សម្រាប់​អ្នក​ប្រកប​របរ​រកស៊ី​ជួញដូរ​ពុំ​ឃើញ​មានការ​រីកលូតលាស់​ទៅមុខ​គួរកត់សម្គាល់​ទេ​គឺ​ទោះ​ជួញ​ទីជិត​ឆ្ងាយ​បាន​គ្រាន់​មួយ​ចាយវាយ​ទប់ទល់​ក្នុង​គ្រួសារ​។​ការធ្វើដំណើរ​ទីជិត​ឆ្ងាយ​ទាំង​ពេល​ទៅ​និង​ត្រឡប់មកវិញ​ពុំ​សូវ​មាន​សុ​វត្តិភាព​ទេ​ចូរ​គប្បី​មានការ​ប្រយ័ត្នប្រយែង​បន្តិច​ទើប​ប្រសើរ​។

​រីឯ​បញ្ហា​សម្ព័ន្ធ​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី​លោកអ្នក​កុំ​ចង់​ទុំ​មុន​ស្រគាល​ប្រយ័ត្ន​កើតរឿង​ណាមួយ​ត្រូវ​មក​វេទនា​ចិត្ត​នៅពេល​ក្រោយ​៕

ឆ្នាំច
​រាសី​ល្អជា​មធ្យម​។​ចាប់​តាំងតែ​ពី​ដើមខែ​មក​លោកអ្នក​ចាប់ផ្តើម​ជួប​បញ្ហា​លុកលុយ​យាយី​ស្ទើរ​រៀងរាល់ថ្ងៃ​ដែល​ពេលខ្លះ​មាន​តិចតួច​ពេលខ្លះ​មាន​ច្រើន​ស្ទើរតែ​ពិបាក​ទប់ទល់​ផង​។​សម្រាប់​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​វិញ​ចូរ​ប្រយ័ត្ន​ក្រុមមនុស្ស​អុជអាល​អ្វីមួយ​នាំ​ឲ្យ​កើតការ​ក្តៅក្រហាយ​បង្ក​ជា​ជម្លោះ​ជាមួយ​អ្នកដទៃ​ឡើង​។​ការរស់នៅ​ចូរ​ប្រយ័ត្ន​រោគ​ជំងឺ​បៀតបៀន​យាយី​នាំ​ត្រូវ​ចំណាយ​ថវិកា​រហើយ​ខាត​កិច្ចការងារ​ថែមទៀត​។​

រីឯ​បញ្ហា​សេចក្តីស្នេហា​ប្រុស​ស្រី​ចូរ​ប្រយ័ត្ន​ក្រុមមនុស្ស​ទី​៣​ចូលមក​អុកឡុក​នាំ​កើត​ជម្លោះ​វិវាទ​ឈានដល់​ការបែកបាក់​៕

ឆ្នាំកុរ
​រាសី​ស្រុតចុះ​។ ក្នុងថ្ងៃនេះ​ដោយសារ​ដួង​រាសី​ធ្លាក់​ស្រុតចុះ​ម្ល៉ោះហើយ​លោកអ្នក​តែង​ត្រូវ​ក្រុម មនុស្ស​បង្ក​ឲ្យ​កើតការ​ថ្នាក់​ថ្នាក់​ច្រើន​នាំ​ឲ្យ​មិនសូវ​សុខ​ស្រួលខ្លួន​នោះឡើយ​។ ក្នុង​ពេលនេះ ដែរ​ដោយសារ​ឈានចូល​ខែ​ដួង​រាសី​ខ្ពស់​ដូចនេះ​បើទោះបី​ធ្វើ​អ្វី​ក៏ដោយ​តែងមាន​ភាពស្រស់​ស្រាយ​និង​មានតែ​ភាព​សុខដុម​ហូរ​ចូល​ច្រើនជាង​ការ​ទុក្ខលំបាក​ជានិច្ច​។​ទោះបីយ៉ាងណា​សម្រាប់​អ្នក​ប្រកប​របរ​រកស៊ី​ជួញដូរ​ក្នុងថ្ងៃនេះ​វិញ​ដោយសារ​ដួង​រាសី​ដាំ​ក្បាល​ចុះ ម្ល៉ោះហើយ​មិន​ថា​ការ ជួញ​ទីជិត​ឆ្ងាយ​ចូរ​ប្រយ័ត្ន​ក្រុមមនុស្ស​ឆបោក​យក​ទ្រព្យសម្បត្តិ​និង​ប្រើល្បិច​បោកប្រាស់​ដោយ​ប្រការ​ណាមួយ​។​

​រីឯ​បញ្ហា​សេចក្តីស្នេហា​ប្រុស​ស្រី​មានដំណើរ​ថយក្រោយ​ឥតមាន​ការរីកលូតលាស់​ទៅមុខ​ទេ​៕

ទីតាំងផ្សាយពាណិជ្ជកម្ម

- Advertisment -

Most Popular

ប្រែក្លាយ​ផ្លូវលំ​៣​ខ្សែ​...

​ដោយៈ ប​.​ជ័យ / បន្ទាយ​មា...

ការងារ​អភិបាល​រាជធានី​សប្...

ដោយ​: រ៉ា​ម៉ន / ភ្នំពេញ​:...

សសរ​ដែក​អាថ៌កំបាំង​នៅ​រដ្...

​ប្រែ​សម្រួល : កញ្ញា​ដា​ល...

ប៉ូលិស​អា​ហ្សង់​ទីន​ឆ្មក់...

ប្រែ​សម្រួល : កញ្ញា​ដា​លី...