Home ព័ត៌មានជាតិ សង្គម ស្នងការ​នគរបា...

ស្នងការ​នគរបាល​រាជធានី​បញ្ជា​ឱ្យ​ស្វែងរក​ចាប់ខ្លួន​ជន​ប្រឌិត​ព័ត៌មាន​ក្លែងក្លាយ​បំពុលសង្គម​ជុំវិញ​បញ្ហា​ជម្ងឺឆ្លង​កូ​វីដ​១៩

​ដោយៈ​មុនី​រ័ត្ន​/​ភ្នំពេញៈខណៈដែល​អគ្គស្ន​ង​ការរង​នគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ លោក​ឧ​ត្ត​ម​សេនីយ៍​ឯក ស ថេត នៅក្នុង​កិច្ចប្រជុំ​បូកសរុប​លទ្ធផល​ការងារ​សន្តិសុខ​សណ្តាប់ធ្នាប់​សង្គម​ប្រចាំ​ខែតុលា​លើក​ទិសដៅ​ការងារ​ប្រចាំខែ​វិច្ឆិកា បាន​បញ្ជា​ឱ្យកម្លាំង​នគរបាល​គ្រប់ផ្នែក​និង​ជំនាញ​ត្រូវ​ស្រាវជ្រាវ​ស្វែងរក​ចាប់ខ្លួន​យកមក​ផ្តន្ទាទោស​ជន​ប្រឌិត​ព័ត៌មាន​ក្លែងក្លាយ​បំផុសបំផុល​ឱ្យ​ចលាចល​សង្គម​ជុំវិញ​ការឆ្លង​រាលដាល​ជំងឺ​កូ​វីដ​១៩​ដល់​សហគមន៍​និង​ការ​ប្រឌិត​ព័ត៌មាន​ថា​រាជរដ្ឋាភិបាល​កម្ពុជា​បិទ​រាជធានី​ភ្នំពេញ និង​ហាមឃាត់​ការធ្វើដំណើរ​ណាមួយ​រប​ស់​ប្រជាពលរដ្ឋ​ពី​ខេត្ត​មួយ​ទៅ​ខេត្ត​មួយ ក្រោយ​ព្រឹត្តិការណ៍​ថ្ងៃទី​០៣ ខែវិច្ឆិកា ឆ្នាំ​២០២០ ។​

យុទ្ធនា​ការចែក​ម៉ាស​ជូន​ដល់​ប្រជាពលរដ្ឋនៅក្នុង​រាជធានី​ភ្នំពេញ​បានធ្វើ​ឡើង​ពេញ​មួយថ្ងៃ​នៅ​ថ្ងៃទី​១២ ខែវិច្ឆិកា ឆ្នាំ​២០២០ នៅតាម​បណ្តា​ផ្លូវ​សំខាន់​នានា​នៅក្នុង​ខណ្ឌ​ទាំង​១៤​នៃ​រាជធានី​ភ្នំពេញ ក្រោម​ការដឹកនាំ​ចែក​ផ្ទាល់​ដោយ​លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ និង​លោក​លោកស្រី​ស្នងការរង​ដែល​ទទួល​កិច្ចការងារ​ពង្រឹង​តាម​អធិការដ្ឋាន​នគរបាល​ខណ្ឌ​ទាំង​១៤​។​

​លោក​ឧ​ត្ត​ម​សេនីយ៍​ឯក ស ថេត បាន​ប្រាប់​ឱ្យដឹងថា ការចែក​ម៉ាស​នេះ​ក្រោម​ការអនុវត្ត​តាម​ការ​ណែនាំ​ផ្ទា​ល់ពី​ឯកឧត្តម​នាយ​ឧ​ត្ត​ម​សេនីយ៍​សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ និង​អភិបាល​រាជធានី​ភ្នំពេញ ឯកឧត្តម ឃួ​ង ស្រេង គឺ​ក្នុង​គោលបំណង​ពង្រឹង​ស្មារតី​ឱ្យ​ប្រជាពលរដ្ឋ​មានការ​ភ្ញាក់រលឹក​ដោយ​ប្រុងប្រយ័ត្ន​ខ្ពស់បំផុត នាំគ្នា​អនុវត្ត​វិធាន​របស់​ក្រសួងសុខាភិបាល​ឱ្យបាន​ខ្ជាប់ខ្ជួន​បង្ការ​ទប់ស្កាត់​កុំឱ្យ​ឆ្លង​ជំងឺ​កូ​វីដ​១៩ ចូលដល់​សហគមន៍​។​

​លោកស្នងការ​ក៏បាន​លើកឡើង​ទៀតថា ម៉ាស​ចំនួន​២​លាន​ម៉ាស​ត្រូវបាន​សម្តេច​តេ​ជោ​ហ៊ុន សែន នាយករដ្ឋមន្ត្រី​ឧបត្ថម្ភ​មក​រដ្ឋបាល​រាជធានី​ភ្នំពេញ​។​រដ្ឋបាល​រាជធានី​ភ្នំពេញ​ក៏បាន​ឧបត្ថម្ភ​២​ម៉ឺន​ម៉ាស​ជូន​ស្នងការដ្ឋាន​នគរបាល​រាជធានី​ភ្នំពេញ​សម្រាប់​កម្លាំង​នគរបាល​រាជធានី​ភ្នំពេញ​ចុះ​ធ្វើ​សកម្មភាព​យក​ម៉ាស​ទាំងនេះ​ចែកជូន​ប្រជាពលរដ្ឋ​ធ្វើដំណើរ​តាមផ្លូវ​ដោយ​ក្នុង​០១​នាក់​ទទួលបាន​ម៉ាស​២​ហើយ​ម៉ាស​នេះ​គឺ​ប្រជាពលរដ្ឋ​អាច​ប្រើប្រាស់​រួច​អាច​បោកគក់​នឹង​សាប៊ូ​ហើយ​យកទៅ​ប្រើប្រាស់​បានជា​បន្ត​បន្ទាប់​ទៀត​។​

នៅក្នុង​ឱកាស​ចែក​ម៉ាស​ប្រជាពលរដ្ឋ​ក៏បាន​លើកឡើង​សំដែង​នូវ​ការ​អរគុណ​យ៉ាង​ជ្រាល​ជ្រៅ​​បំផុត​ចំពោះ​សម្តេច​តេ​ជោ​ហ៊ុន សែន នាយករដ្ឋមន្ត្រី ដែល​បាន​យកចិត្តទុកដាក់​ចំពោះប្រជាពលរដ្ឋ​ចែក​ម៉ាស ​និងក្រើន​រំលឹក​ឱ្យ​ចូលរួម​ការពារ​ទប់ស្កាត់​កុំឱ្យ​ឆ្លង​ជំងឺ​កូ​វីត​១៩ ដែល​ជំងឺ​នេះ​ជា​កាច​សាហាវ​ឆ្លង​ពី​មនុស្ស​ម្នាក់​ទៅ​ម្នាក់​យ៉ាង​ឆាប់រហ័ស​កំពុង​រាតត្បាត​លើ​ពិ​ព​ភ​លោក​និង​បានកើត​មាននៅ​ក្នុងប្រទេស​កម្ពុជា​ផងដែរ​។​

សូមបញ្ជាក់ថា​ជុំវិញ​បញ្ហា​ជំងឺឆ្លង​កូ​វីដ​១៩ បើ​យោងតាម​របាយការណ៍​នាយកដ្ឋាន​ប្រយុទ្ធ​និង​ជំងឺឆ្លង​ន្រៃ​សួង​សុខាភិបាល​ឱ្យដឹងថា​សម្រាប់​នៅ​ព្រឹក​ថ្ងៃទី​១២ ខែវិច្ឆិកា ឆ្នាំ​២០២០ កម្ពុជា​ពុំបាន​រកឃើញ​ករណី​ជំងឺ​កូ​វីដ​១៩​ថ្មី​នោះទេ​៕​

ទីតាំងផ្សាយពាណិជ្ជកម្ម

- Advertisment -

Most Popular

ក្រោយ​ដាក់​លប និង​មង ជាប់...

ដោយៈ ភ្នំ​ស្វាយ / កំពង់ធំ...

ទឹកចិត្ត​កម្ពុជា​! ម៉ាស​ព...

ដោយៈ ម៉េង​ឆៃ​ គេ​នៅចាំ​ម...

ក្រសួង​អប់រំ​ដាក់ចេញ​គោលក...

ដោយៈ​ដេប៉ូ​/​ភ្នំពេញៈ ក្រ...

ស្លាក​សញ្ញា​ថ្មី​«​រូប​បក...

​ដោយៈ ញ៉ែម សុផល​/​ភ្នំពេញ...