Home ព័ត៌មានជាតិ សន្តិសុខ ស្នងការ​នគរបា...

ស្នងការ​នគរបាល​រាជធានី​ភ្នំពេញ​បញ្ជា​ឱ្យ​ស្វែងរក​ចាប់ខ្លួន​ក្រុម​បំផុស​ព័ត៌មាន​ក្លែងក្លាយ​បំពុលសង្គម​

ដោយៈ មុនី​រ័ត្ន​/​ភ្នំពេញៈ អគ្គ​ស្នងការរង​នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ លោក​ឧ​ត្ត​ម​សេនីយ៍​ឯក ស ថេត បាន​បញ្ជា​ឱ្យកម្លាំង​នគរបាល​គ្រប់ផ្នែក និង​ជំនាញ​ត្រូវ​ស្រាវជ្រាវ​ស្វែងរក​ចាប់ខ្លួន​យកមក​ផ្តន្ទាទោស​ជន​ប្រឌិត​ព័ត៌មាន​ក្លែងក្លាយ​បំផុសបំផុល​ឱ្យ​ចលាចល​សង្គម​ជុំវិញ​ការឆ្លង​រាលដាល​ជំងឺ​កូ​វីដ​១៩ ដល់​សហគមន៍ និង​ការ​ប្រឌិត​ព័ត៌មាន​ថា រាជរដ្ឋាភិបាល​កម្ពុជា​បិទ​រាជធានី​ភ្នំពេញ និង​ហាមឃាត់​ការធ្វើដំណើរ​ណាមួយ​រប​ស់​ប្រជាពលរដ្ឋ​ពី​ខេត្ត​មួយ​ទៅ​ខេត្ត​មួយ ក្រោយ​ព្រឹត្តិការណ៍​ថ្ងៃទី​៣ ខែវិច្ឆិកា ​។

រូបៈអគ្គ​ស្នងការរង​នគរបាលជាតិ និង​ជា​ស្នងការ​នគរបាល​រាជធានី​ភ្នំពេញ លោក​ឧ​ត្ត​ម​សេនីយ៍​ឯក ស ថេត(រូបថតឯកសារ)

លោក​ឧ​ត្ត​ម​សេនីយ៍​ឯក ស ថេត បាន​មានប្រសាសន៍ប្រាប់​រស្មី​កម្ពុជា​នៅ​ព្រឹក​ថ្ងៃទី​១៣ ខែវិច្ឆិកា​នេះ​ថា សមត្ថកិច្ច​កំពុងតែធ្វើការ​ស្រាវជ្រាវ​ស្វែងរក​ចាប់ខ្លួន​អ្នកណា​ក៏ដោយ​ឲ្យ​តែ​បំផុស​នូវ​ភាពចលាចល​នៅក្នុង​សង្គម ដើម្បី​យកមកអនុវត្ត​តាមច្បាប់​។ លោក​ឧ​ត្ត​ម​សេនីយ៍​ឯក ស ថេត បន្តថា ចំពោះ​ការ​បំផុស​ព័​ត៍​មាន​មិន​ពិត​ដែល​ធ្វើ​ឲ្យ​ចលាចល​សង្គម គឺ​លោក​តែងតែ​អំពាវនាវ​កុំ​ឲ្យ​អ្នកលេង​បណ្តាញ​សង្គម​ហ្វេ​ស​ប៊ុ​ក​បំផុស​ព័​ត៍​មាន​មិន​ពិត ក៏ប៉ុន្តែ​មាន​មួយចំនួន​មាន​ចេតនា តែ​បើសិនជា​អ្នក​ដែល​លេង​បណ្តាញ​សង្គម​ហ្វេ​ស​ប៊ុ​ក​លេង​ទៅដោយ​អ​ចេតនា គឺ​មិនមាន​បញ្ហា​អ្វី​ទេ តែមាន​មួយចំនួន​មាន​ចេតនា​បើទោះបីជា​សមត្ថកិច្ច​អំពាវនាវ​ជាច្រើនលើក​ច្រើនសារ​ក៏​នៅតែ​បំផុស​ព័​ត៍​មាន​មិន​ពិត​ឲ្យ​ចលាចល​សង្គម ។ ហើយ​ក្រុម​មួយចំនួន​ដែល​ឃើញ​បរិ​កាស​សង្គម​កម្ពុជា​ល្អ បែរជា​មួលបង្កាច់​ឲ្យ​ទៅជា​ខ្មៅ​ងងឹត​ធ្វើ​ឲ្យ​អ្នក​ដែល​មិនបាន​នៅក្នុង​ស្រុក ក៏ដូចជា​នៅ​ទីជនបទ​មានការ​យល់ច្រឡំ​។

លោក​សូម​អំពាវនាវ​ឲ្យ​ប្រជាពលរដ្ឋ​កុំ​ជឿ​ទៅតាម​ការ​បំផុសបំផុល​បំពុលបរិយាកាស​នៅក្នុង​សង្គម សូម​ជឿ​មកលើ​វិធានការ​របស់​រាជរដ្ឋាភិបាល ក្រសួង ស្ថាប័ន អាជ្ញាធរ មាន​សមត្ថកិច្ច​គ្រប់លំដាប់​ថ្នាក់ បាន​ខិតខំ​ប្រឹងប្រែង​ធ្វើ​ឲ្យ​សភាពការណ៍​បានល្អ ដូច្នេះ​ត្រូវ​ជឿជាក់​ទៅលើ​ចំណាត់ការ​របស់​ប្រមុខ​រាជរដ្ឋាភិបាល កុំ​ជឿ​តាម​មនុស្ស​មួយ​ក្តាប​តូច​ដែល​តែងតែ​បំផុស​ព័​ត៍​មាន​មិន​ពិត​ដែលជា​សកម្មភាព​មួយ​ដែល​អាច​នឹងមាន​បទល្មើស​។​

​សូមជម្រាបថា បន្ទាប់ពី​ព្រឹត្តិការណ៍​ថ្ងៃទី ៣ វិច្ឆិកា មាន​ក្រុម​ឆ្លៀតឱកាស​មួយ​ក្តាប់​តូច និង​ក្រុម​ឧទ្ទាម​ក្រុម​ច្បាប់​បាន​បំផុស​ព័​ត៍​មាន​មិន​ពិត​ពាក់ព័ន្ធ​ការឆ្លង​វីរុស​កូ​វីដ​១៩ ក៏ដូចជា​ការ​បំផុស​ថា រាជរដ្ឋាភិបាល​កម្ពុជា​បិទ​រាជធានី​ភ្នំពេញ និង​ហាមឃាត់​ការធ្វើដំណើរ​ណាមួយ​រប​ស់​ប្រជាពលរដ្ឋ​ពី​ខេត្ត​មួយ​ទៅ​ខេត្ត​មួយ ធ្វើ​ឲ្យ​ប្រជាពលរដ្ឋ​មានការ​ភាន់ច្រឡំ​ ហើយ​ចំពោះ​ករណីនេះ សមត្ថកិច្ច​ជំនាញ​កំពុងតែ​ស្រាវជ្រាវ​រក​ក្រុម​ដែល​បំពុលសង្គម​ដើម្បី​យកមកអនុវត្ត​តាមច្បាប់​៕សរន​

ទីតាំងផ្សាយពាណិជ្ជកម្ម

- Advertisment -

Most Popular

លោកស្រី អោ​ង សាន ស៊ូ​ជី​៖...

ដោយៈ​តារា​រិ​ទ្ធ​/​ភ្នំពេ...

ចាប់ផ្ដើម​សាងសង់​អគារ​សាល...

ដោយ​៖​រ៉ា​ម៉ន / ភ្នំពេញ​៖...

រាវ​រកឃើញ​គ្រាប់​យុទ្ធ​ភ័...

ដោយ​: ប​.​ជ័យ / បន្ទាយមាន...

លោកនាយ​ឧត្ដមសេនីយ៍ ម៉ឹង ស...

ដោយ​: វ៉ៃ​កូ / ខេត្តស្វាយ...