Home ព័ត៌មានជាតិ សន្តិសុខ ប៉ូលិស​ឃាត់ខ្...

ប៉ូលិស​ឃាត់ខ្លួន​ជនសង្ស័យ​ចំនួន​៤​នាក់​ពាក់ព័ន្ធ​ករណី​ជួញដូរ​គ្រឿងញៀន​នៅ​ក្រុង​ក្រចេះ​

ដោយ​: កាំ​ពី​/​ក្រចេះ​: កម្លាំង​នគរបាល​ក្រុង​ក្រចេះ​ដឹកនាំ​ដោយ​លោក អេង ហឿន អធិការ​ក្រុង​ក្រចេះ ដោយមាន​ការចង្អុលបង្ហាញ​ពី​ស្នងការ​នគរបាល​ខេត្តក្រចេះ និង​មានការ​សម្របសម្រួល​ពី​លោក កែវ សុជាតិ ព្រះរាជអាជ្ញា​អម​សាលាដំបូង​ខេត្ត បាន​ចុះបង្ក្រាប​ឃាត់ខ្លួន​ជនសង្ស័យ​ចំនួន​៤​នាក់ ជាមួយ​គ្រឿងញៀន​ជាច្រើន​កញ្ចប់ ស្ថិតនៅ​ភូមិក​ន្ទ្រី​ង សង្កាត់​អូរឫស្សី ក្រុង​ក្រចេះ ខេត្តក្រចេះ កាលពី​ល្ងាច​ថ្ងៃទី​១២​ខែវិច្ឆិកា​ឆ្នាំ​២០២០​នេះ​។​

​លោក អេង ហឿន អធិការនគរបាល​ក្រុង​ក្រចេះ​បាន​ឲ្យ​ដឹង​តាម​ទូរស័ព្ទ​នៅ​ព្រឹក​ថ្ងៃទី​ថ្ងៃទី​១៣​ខែ វិច្ឆិកា​ឆ្នាំ​២០២០​នេះ​ថា ជនសង្ស័យ​មានឈ្មោះ ម៉េង សុគន្ធ​ឆៃ ភេទ​ប្រុស អាយុ ២៥​ឆ្នាំ មាន​ទីលំនៅ ភូមិ​-​សង្កាត់​ខាងលើ និង​ដកហូត​វត្ថុតាង​បានរួម​មាន​៖ ម្សៅ​ក្រាម​ពណ៌​ស​(​សង្ស័យ​ជា​គ្រឿងញៀន​) ចំនួន ០១​កញ្ចប់​តូច​។​

​លោក​អធិការ​បានបញ្ជាក់​ទៀតថា ក្រោយពី​មាន​ចម្លើយសារភាព​របស់​ឈ្មោះ ម៉េង សុគន្ធ​ឆៃ នៅ​ថ្ងៃទី​១២​ខែវិច្ឆិកា​ឆ្នាំ​២០២០​នេះ កម្លាំង​ជំនាញ​គ្រឿងញៀន​ក្រុង​ក្រចេះ សហការ​ជាមួយ​ជំនាញ​ការិយាល័យ​គ្រឿងញៀន​ខេត្ត អធិការដ្ឋាន​នគរបាល​ស្រុក​ព្រែក​ប្រសព្វ បន្ត​ឃាត់ខ្លួន​ជនសង្ស័យ​ចំនួន​៣​នាក់​ទៀត នៅ​ចំណុច​ស្ថិត​ក្នុងភូមិ​ព្រែកជីក ឃុំ​សោ​ប ស្រុក​ព្រែក​ប្រសព្វ ខេត្តក្រចេះ ពាក់ព័ន្ធ​ករណី​ជួញដូរ​ដោយ​ខុសច្បាប់​នូវ​សារធាតុ​ញៀន​។​
១/​ឈ្មោះ ផាន់ សុភា ភេទ​ប្រុស អាយុ​៣៩​ឆ្នាំ​។
២/​ឈ្មោះ សន ដា​រ៉ា ហៅ​ជា ភេទ​ប្រុស អាយុ​៣១​ឆ្នាំ​។​
៣/​ឈ្មោះ ថុល ម៉េង​ថា​ន់ ភេទ​ប្រុស អាយុ ៣២​ឆ្នាំ​។​
​សូមបញ្ជាក់​ជនសង្ស័យ​ចំនួន​០៣​នាក់​មាន​ទីលំនៅ​ភូមិ​ព្រែកជីក ឃុំ​សោ​ប ស្រុក​ព្រែក​ប្រសព្វ ខេត្តក្រចេះ​។ ដកហូត​វត្ថុតាង​បានរួម​មាន ៖​ម្សៅ​ក្រាម​ពណ៌​ស ចំនួន ០៨​កញ្ចប់​ធំ​០៣​កញ្ចប់ តូច​០៥​កញ្ចប​,​ទុយោ​សម្រាប់​ចូក​រំលែក​គ្រឿងញៀន ចំនួន​១០, ឧបករណ៍​សម្រាប់​ជក់​គ្រឿងញៀន​មួយចំនួន​ម៉ូតូ ចំនួន​០១​គ្រឿង ។​

​បច្ចុប្បន្ន​ជនសង្ស័យ​ចំនួន​៤​នាក់ និង វត្ថុតាង​មួយ ត្រូវបាន​ឃាត់ និង រក្សា​ទុកជា​បណ្តោះអាសន្ន នៅ​អធិការដ្ឋាន​នគរបាល​ក្រុង​ក្រចេះ ដើម្បី​ចាត់ការ​តាម​នីតិវិធី​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

ក្រសួងសុខាភិបាល​ចុះ​ស្រាវ...

ដោយៈ​មុនី​រ័ត្ន​/​ភ្នំពេញ...

យប់​នេះ​ខ្យល់មូសុង​ឦសាន​ថ...

ដោយៈ​ប​.​ខុន​/​ភ្នំពេញៈ​ខ...

ក្រសួងបង្ហា​ញ​មុខ​បុគ្គល​...

ដោយៈ មុនី​រ័ត្ន​/​ភ្ន...

គិត​មកដល់​ថ្ងៃទី​៥ ខែធ្នូ...

​ដោយៈ​ញ៉ែម សុផល​/​ភ្នំពេញ...