Home ព័ត៌មានជាតិ សង្គម អភិបាលខេត្ត​ក...

អភិបាលខេត្ត​កំពង់ស្ពឺ​នាំយក​អំណោយ​សម្តេច​តេ​ជោ​ទៅ​ចែកជូន​ប្រជាពលរដ្ឋ​ដែល​រងគ្រោះ​ដោយ​ទឹកជំនន់ នាពេល​កន្លងមក​

ដោយ​: សុខ​សុ​ភ័​ណ្ឌ / កំពង់ស្ពឺ​: អភិបាលខេត្ត​កំពង់ស្ពឺ បាន​នាំយក​នូវ​អំណោយ​សប្បុរស​ធ​ម៏​របស់​សម្តេច​តេ​ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ទៅ​ចែកជូន​បងប្អូន​ប្រជាពលរដ្ឋ​សរុប​ចំនួន​៦៧៥​គ្រួសារ ដែល​រង​ផលប៉ះពាល់​ដោយ​ជំនន់​ទឹកភ្លៀង ដែល​ធ្វើឡើង​ចំនួន​២​ស្រុក គឺ​ស្រុក​ថ្ពង​និង​ស្រុក​ឱ​រ៉ា​ល់ ខេត្តកំពង់ស្ពឺ កាលពី​ព្រឹក​ថ្ងៃទី​១៣ ខែវិច្ឆិកា ឆ្នាំ​២០២០​។​

​លោក វ៉ី សំណាង អភិបាលខេត្ត​កំពង់ស្ពឺ បាន​មានប្រសាសន៍ថា កន្លងមក​ក្នុង​ខេត្តកំពង់ស្ពឺ ត្រូវបាន​លិចលង់​ដោយសារ​ជំនន់​ទឹកភ្លៀង​តាម​បណ្តា​ក្រុង​ស្រុក​មួយចំនួន ដែល​ធ្វើ​ឲ្យ​ប៉ះពាល់​ដល់ផ្ទះ​សម្បែង​ប្រជាពលរដ្ឋ​។ លោក​បាន​បន្តថា ដោយសារ​ឃើញ​ពី​ទុក្ខលំបាក​របស់​ប្រជាពលរដ្ឋ​លោក​ក៍បាន​នាំយក​អំណោយ​សប្បុរស​ធ​ម៏​របស់​សម្តេច​តេ​ជោ​ហ៊ុនសែន និង​សម្តេច​កិត្តិ​ព្រឹទ្ធ​បណ្ឌិត ប៊ុនរ៉ានី ហ៊ុនសែន យកទៅ​ចែកជូន​ដល់​បងប្អូន​ប្រជាពលរដ្ឋ​ដែល​ងាយ​រងគ្រោះ​និង​រងគ្រោះ​ដោយសារ​ជំនន់​ទឹកភ្លៀង​សរុប​ចំនួន​៦៧៥​គ្រួសារ​ក្នុង​មួយ​គ្រួសារៗ​ទទួលបាន​រួមមាន​៖ អង្ករ មី ទឹកត្រី ទឹកស៊ីអ៊ីវ ភួយ និង​ថវិកា​ចំនួន​២​ម៉ឺន​រៀល​។​

​ក្នុងឱកាស​នោះដែរ លោក​ក៏បាន​ពាំ​នាំនូវ​ប្រសាសន៍​ផ្តាំផ្ញើ​សួរសុខទុក្ខ​ពី​សំណាក់​សម្តេច​តេ​ជោ និង​សម្ដេច​កិត្តិ​ព្រឹទ្ធ​បណ្ឌិត​ដល់​បងប្អូន​ប្រជាពលរដ្ឋ ដែល​រងគ្រោះ​ដោយសារ​ទឹកជំនន់​នាពេល​កន្លងមក និង​ចៀស​ឲ្យ​ផុតពី​ជំងឺ​ដ​ង្កា​ត់​ផ្សេងៗ​៕ ល​

ទីតាំងផ្សាយពាណិជ្ជកម្ម

- Advertisment -



Most Popular