Home ព័ត៌មានអន្តរជាតិ ចិន​អបអរ​ជ័យជ...

ចិន​អបអរ​ជ័យជម្នះ​ការបោះឆ្នោត​របស់​បៃ​ដិ​ន​និង​ហារីស​

​ប្រែ​សម្រួល : កញ្ញា​ដា​លី​ស​/​ប៉េកាំង ៖ ចិន​នៅ​ថ្ងៃ​សុក្រ​ទី​១៣​វិច្ឆិកា​នេះ​អបអរសាទរ​ដល់​ប្រធានាធិបតី​អាម៉េរិក​ជាប់ឆ្នោត​លោកចូ បៃ​ដិន ដែល​បាន​ឈ្នះ​ការបោះឆ្នោត​នៅ​ថ្ងៃទី ៣ ខែ​វិច្ឆិកា​ដែល​ប្រធានា​​ធិបតី​ដូណាល់ ត្រាំ​មិនទាន់​ទទួលស្គាល់​នៅឡើយ ពោលគឺ​ជិត​មួយ​សប្តាហ៍​ហើយ​បន្ទាប់​ពី​អតីត​អនុ​ប្រធានាធិបតី​រូប​នេះ​ប្រមូល​បាន​ការគាំទ្រ​ពី​រដ្ឋ​ក្នុង​ចំនួន​គ្រប់គ្រាន់​ដើម្បី​ឈ្នះ​។​

​សំដៅលើ​អនុ​ប្រធានាធិបតី​ជាប់ឆ្នោត​លោកស្រី​កា​ម៉ា​ឡា ហារី​ស អ្នកនាំពាក្យ​ក្រសួងការបរទេស​ចិន​លោក​វ៉ាង វីន​ប៊ីន បាន​និយាយ​នៅក្នុង​សន្និសីទ​សារព័ត៌មាន​ប្រចាំថ្ងៃ​ថា​”​យើង​គោរព​ជម្រើស​របស់​​ប្រជាជន​អាម៉េរិក​។ យើង​សូម​អបអរសាទរ​ចំពោះ​លោកបៃ​ដិ​ន​និង​លោកស្រី​ហា​រីស​”​។​

​លោក​បាន​បន្ថែមទៀតថា “​យើង​បាន​យល់​អស់ហើយ លទ្ធផល​នៃ​ការបោះឆ្នោត​នៅ​សហរដ្ឋ​អាម៉េរិក​នឹងត្រូវ​សម្រេច​ដោយ​យោង​ទៅតាម​ច្បាប់​និង​នីតិវិធី​របស់​សហរដ្ឋ​អាម៉េរិក​”​។​

​ការបដិសេធ​របស់លោក​ត្រាំ​ក្នុង​ការទទួលយក​បរា​ជ័យ​បាន​ធ្វើឱ្យ​រដ្ឋាភិបាល​ក្រុង​ប៉េកាំង​ស្ថិតក្នុង​ស្ថានភាព​ឆ្គាំឆ្គង ខណៈ​ចិន​ព្យាយាម​ធ្វើ​អ្វី​គ្រប់​យ៉ាង​ដើម្បី​ប្រឆាំង​នឹង​លោក​ត្រាំ​ដែល​ជំរុញ​ឱ្យ​តុលាការ​ជំ​​ទាស់​នឹង​លទ្ធផល​បោះឆ្នោត​និង​នៅ​បន្ត​ស្ថិតក្នុង​មុខតំណែង​រហូតដល់​ការ​ស្បថ​កាន់​តំណែង​របស់​ប្រធានាធិបតី​ថ្មី​នៅ​ថ្ងៃទី ២០ ខែ​មករា​។​

​ទំនាក់ទំនង​រវាង​ចិន​និង​សហរដ្ឋ​អាម៉េរិក​កំពុង​ស្ថិត​នៅក្នុង​ស្ថានភាព​អាក្រក់​បំផុត​ក្នុង​រយៈពេល​ជាច្រើន​ទស្សវត្សរ៍​មក​នេះ​ជុំវិញ​វិវាទ​ជា​ច្រើន​រាប់​ចាប់ពី​បច្ចេកវិជ្ជា​និង​ពាណិជ្ជកម្ម​រហូត​ដល់​បញ្ហា​ហុងកុង​​និង​វីរុស​កូរ៉ូណា ហើយ​រដ្ឋបាល​ត្រាំ​បាន​បង្ហាញ​នូវ​ការដាក់ទណ្ឌកម្ម​ជាច្រើន​ប្រឆាំង​នឹង​ទីក្រុង​ប៉េកាំង​។​

​មិន​បាន​ប៉ុន្មាន​ផង​បន្ទាប់ពី​ការ​ឈ្នះឆ្នោត​របស់​លោកបៃ​ដិន​ត្រូវ​បាន​ប្រកាសបន្ទាប់​ពី​ការរាប់​សន្លឹកឆ្នោត​នៅក្នុង​រដ្ឋ​ជាច្រើន​មក​នោះ ប្រទេស​សម្ព័ន្ធមិត្ត​ជាច្រើន​របស់​សហរដ្ឋ​អាម៉េរិក​បាន​អបអរសាទរ ខណៈ​មេដឹកនាំ​ចិន​និង​រុស្ស៊ី​បន្ត​សម្ងំ​ចាំ​មើល​គេឯង​សិន​។ នៅ​ឆ្នាំ ២០១៦ ប្រធានាធិបតី​ចិន​លោក​ស៊ី ជិន​ភីង​បាន​ផ្ញើ​សារ​អបអរសាទរ​ដល់​លោក​ត្រាំ​នៅ​ថ្ងៃទី ៩ ខែវិច្ឆិកា​ពោលគឺ​មួយ​ថ្ងៃ​បន្ទាប់ពី​ការ​​បោះឆ្នោត​៕

​ចិន​អបអ​របៃ​ដិន​ឈ្នះ​ឆ្នោត​នៅ​ថ្ងៃ​សុក្រ​នេះ​

ទីតាំងផ្សាយពាណិជ្ជកម្ម

- Advertisment -

Most Popular