Home ព័ត៌មានអន្តរជាតិ ប៉ូលិស​ឥណ្ឌូន...

ប៉ូលិស​ឥណ្ឌូនេស៊ី​ចាប់​ពួក​ស្ទាវ​ឱ្យ​អា​វ៉​ង់ ជា​ការដាក់ពិន័យ​ចំពោះ​ការ​មិន​ពាក់​ម៉ាស់​នៅ​ទីសាធារណៈ​

​ប្រែ​សម្រួល : កញ្ញា​ដា​លី​ស​/​ឥណ្ឌូនេស៊ី ៖ បុរស​ពីរ​នាក់​រង​ការ​ពិន័យ​ឱ្យ​អា​វ៉ង់​នៅ​ចំពោះមុខ​ប៉ូលិស ដែល​ជា​ការដាក់ទណ្ឌកម្ម​ចំពោះ​ការ​មិន​ពាក់​ម៉ាស់ ចំ​ពេល​មាន​ការឆ្លង​រាលដាល​នៃ​វីរុស​កូរ៉ូ​ណានៅប្រទេស​ឥណ្ឌូនេស៊ី​។​

​រូបភាព​នេះ​ត្រូវបាន​គេ​ថត​កាលពី​ថ្ងៃ​អង្គារ​ទី​១០​វិច្ឆិកា​នៅក្នុង​ទីក្រុង​បាន់​ដា​អាឆេ ដែល​ជា​ទីក្រុង​ធំជាងគេ​នៅក្នុង​ខេត្ត​អាឆេ ដែល​មាន​ការអភិរក្ស​ខ្ពស់​នៅ​ឥណ្ឌូនេស៊ី​។​

​ឥណ្ឌូនេស៊ី​បាន​ដាក់​ពិន័យ​យ៉ាងធ្ងន់ធ្ងរ​ចំពោះ​ការបំពាន​ច្បាប់​ទប់ស្កាត់​ជំងឺ​រាតត្បាត ក្នុងនោះ​រួមមាន​ទាំង​ការពាក់​ម៉ាស់​នៅ​គ្រប់កន្លែង​សាធារណៈ ជាមួយនឹង​ការដាក់ទណ្ឌកម្ម​ចម្លែកៗ​សម្រាប់​អ្នក​ដែល​មិន​មាន​បំណង​ឬ​មិន​មាន​លទ្ធភាព​បង់​ប្រាក់​ពិន័យ​។​

​ជា​ការដាក់ពិន័យ​ធូរស្រាល​បំផុត អ្នក​ដែល​ល្មើស​នឹង​ច្បាប់​ត្រូវបាន​ស្នើសុំ​ឱ្យ​អា​វ៉​ង់ ឬ​ធ្វើ​ការងារ​សហគមន៍​ដូចជា បោស​សំរាម​តាម​ដងផ្លូវ​។​

​ប៉ុន្តែ​អ្នក​ផ្សេង​ទៀត​ត្រូវបាន​បង្ខំ​ឱ្យ​ដេក​នៅ​ក្នុង​មឈូស​អស់​រយៈពេល​ជាច្រើន​ម៉ោង​ខណៈ​ដែល​អ្នក​ដទៃ​ទៀត​ត្រូវបាន​បង្ខំ​ឱ្យ​សម្អាត​លូទឹកស្អុយ​ឬ​ដេក​សំដិល​ក្រោម​កម្តៅថ្ងៃ ៣០ នាទី​។​

​ជា​ការដាក់ពិន័យ​ធ្ងន់ធ្ងរ​បំផុត អ្នក​ល្មើស​នឹង​ត្រូវ​បង្ខំ​ឱ្យ​ជីក​ផ្នូរ​សម្រាប់​ជនរងគ្រោះ​ដោយកូវី​ដ​១៩ ដើម្បី​ឱ្យ​ពួកគេ​ចាប់អារម្មណ៍​ពី​សារៈសំខាន់​នៃ​សុវត្ថិភាព​។​

​ទាហាន​ប្រហែល ៣៤ ម៉ឺន​នាក់​ត្រូវបាន​ដាក់ពង្រាយ​ទូទាំង​ប្រទេស​ដើម្បី​បង្ខំ​មនុស្ស​ឱ្យ​អនុវត្ត​ច្បាប់​។

​ឥណ្ឌូនេស៊ី​កត់ត្រា​ករណី​ឆ្លង​សរុប ៤៤៨.០០០ ករណី និង​ស្លាប់​ជិត ១៥.០០០ នាក់​៕

​ប៉ូលិស​បង្ខំ​បុរស​ពីរ​នាក់​ឱ្យ​អា​វ៉ង់​នៅ​ទីក្រុង​បាន់​ដា​អាឆេ​កាលពី​ថ្ងៃ​អង្គារ

ទីតាំងផ្សាយពាណិជ្ជកម្ម

- Advertisment -

Most Popular