Home ព័ត៌មានជាតិ សេដ្ឋកិច្ច ព្យុះវ៉ាមកូចា...

ព្យុះវ៉ាមកូចាប់ផ្តើមមានឥទ្ធិពលលើឆ្នេរភាគកណ្តាលវៀតណាម បន្ទាប់ពីបានបង្កជំនន់លើប្រទេសហ្វីលីពីន

ដោយ:ប.ខុន/ភ្នំពេញៈព្យុះវ៉ាមកូ(VAMCO) បាន បង្កើនកម្លាំងទៅជាព្យុះទីហ្វុង (TY) ម្តងទៀត ហើយចាប់​ផ្តើម​​​មានឥទ្ធិ ពល មក លើតំបន់ឆ្នេរភាគ កណ្តាលនៃ ប្រទេសវៀតណាម នៅព្រឹកថ្ងៃទី១៤ខីវិច្ឆិកានេះ ។ នេះបើតាម​មន្ត្រីជំនាញរបស់ក្រសួងធនធានទឹក និង ឧ តុ និយម បាន ប្រាប់ឱ្យរស្មីកម្ពុជាដឹងនៅព្រឹកថ្ងៃទី ១៤ ខែ វិច្ឆិកានេះ។

ប្រភពខាងលើឱ្យដឹងទៀតថា ព្យុះវ៉ាមកូពេលនេះ (១៤វិច្ឆិកា) ស្ថិតនៅក្នុងសមុទ្រចម្ងាយប្រមាណ​៣០០គីឡូ​ម៉ែត្រ ខាងកើតឆ្នេរភាគកណ្តាល ប្រទេសវៀតណាម មានល្បឿនខ្យល់ប្រហែល១៦០គីឡូម៉ែត្រក្នុងមួយម៉ោង និង ល្បឿនរំកឹល២០គីឡូម៉ែត្រក្នុង១ម៉ោងតម្រង់មករកឆ្នេររបស់ប្រទេសវៀតណាម។ ព្យុះទី២២មានឈ្មោះ​វ៉ាមកូ បានកើតឡើងនៅក្នុងសមុទ្រប៉ាស៊ីហ្វិក កាល ពី ដើមសប្តាហ៍នេះដោយមានឥទ្ធិពលឡើងចុះជា​បន្តបន្ទាប់។នៅពេលមក ដល់ជិត ដីគោកលើប្រទេសហ្វីលីពីនស្ថិតនៅក្នុងកម្រិតជាព្យុះទីហ្វុងTY ដោយបង្ក ឱ្យមាន ភ្លៀងច្រើនបង្កើតបានជាទឹកជំនន់ធ្ងន់ធ្ងរលើប្រទេសនេះហើយបានថយ ឥទ្ធិពល មកនៅក្នុងកម្រិត sTS ពេលដើរចូលដល់ក្នុងសមុទ្រចិនខាងត្បូងនិងនៅ ពេល ដើរ ដល់កណ្តាលសមុទ្រនេះបាន វិវត្តទៅជាព្យុះ​ទីហ្វុង(TY) ជាថ្មី ដែលតាមការព្យាករវា មានដំណើរ មករកឆ្នេរខាងលើខេត្តដាណាងភាគកណ្តាលប្រទេស​វៀតណាម។

លោកចាន់ យុត្ថា អ្នកនាំពាក្យនិងជារដ្ឋលេខាធិការក្រសួងធនធានទឹក និង ឧតុនិយមបានប្រាប់ឱ្យរស្មីកម្ពុជា​ដឹងនៅព្រលឹមថ្ងៃទី១៤ខែវិច្ឆិកាថាព្យុះវ៉ាមកូបាន បង្កើនឥទ្ធិពលទៅជាព្យុះទីហ្វុង​នកម្រិត៣ជាថ្មីនៅព្រឹកនេះ​(១៤វិច្ឆិកា) តែវានឹង ថមថយឥទ្ធិពលទៅវិញនៅពេលមកដល់កៀកឆ្នេររបស់ប្រទេសវៀតណាមនៅម្តុំ លើខេត្តដាណាងនាថ្ងៃទី១៥ខែវិច្ឆិកា ដោយមានឥទ្ធិពលតិចតួចណាស់មកលើ តំបន់ខ្ពង់រាបភាគឦសាន​នៃប្រទេសកម្ពុជា៕

រូប:ព្យុះទី២២រំកិលមកកាន់តែកៀកឆ្នេរភាគកណ្តាលប្រទេសវៀតណាមព្រឹកថ្ងៃទ១៤វិច្ឆិកា(ផ្កាយរណបអា កាសធាតុ) ជំនន់លិចលង់លើប្រទេសហ្វីលីពីនកាលពីដើមសប្តាហ៍នេះដោយសារឥទ្ធិពល ព្យុះទី២២(ហ្វេសប៊ុក)

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...