Home ព័ត៌មានអន្តរជាតិ ភ្នាក់ងារ​ចារ...

ភ្នាក់ងារ​ចារកម្ម​អាម៉េរិក​ជាង ១៣០ នាក់ ដែល​ការពារ​សុវត្ថិភាព​ឱ្យ​លោក​ត្រាំ ឆ្លងកូវី​ដ​១៩

​ប្រែ​សម្រួល : កញ្ញា​ដា​លី​ស​/​វ៉ាស៊ីនតោន ៖ ប្រព័ន្ធ​ផ្សព្វផ្សាយ​អាម៉េរិក​បាន​រាយការណ៍​កាលពី​ថ្ងៃ​សុក្រ​ទី​១៣​វិច្ឆិកា​ថា ភ្នាក់ងារ​ចារកម្ម​អាម៉េរិក ដែល​ការពារ​ប្រធានាធិបតី​ដូណាល់ ត្រាំ ប្រធានាធិបតី​ជាប់ឆ្នោត ចូ បៃ​ដិន និង សេត​វិមាន បាន​ឆ្លងកូវី​ដ​១៩​។​

​កាសែត​វ៉ាស៊ីនតោន​ប៉ុស្តិ៍​បាន​និយាយថា ភ្នាក់ងារ​សេវាកម្ម​សម្ងាត់​ជាង ១៣០ នាក់​បាន​ឆ្លង​វីរុស​កូរ៉ូណាឬ​ធ្វើ​ចត្តា​ឡី​ស័ក ដោយសារ​បាន​ប៉ះពាល់​ផ្ទាល់​និង​ប្រយោល​ជាមួយ​មនុស្ស​ដែល​ឆ្លង​។​

​ការ​ផ្ទុះ​ឡើង​ករណី​ឆ្លង​នេះ​បាន​កើតឡើង​បន្ទាប់​ពី​ភ្នាក់ងារ​ជាច្រើន​បាន​ធ្វើដំណើរ​ទៅ​កន្លែង​ធ្វើ​យុទ្ធនាការ​ឃោសនាបោះឆ្នោត​ជាមួយ​លោក​ត្រាំ​កន្លែង​ដែល​មាន​មន្ត្រី​ជាច្រើន​និង​អ្នកចូលរួម​ភាគច្រើន​​មិន​បាន​ពាក់​ម៉ាស់​ទេ​។​

​ការ​ផ្ទុះ​ឡើង​នេះ​ក៏​កើតឡើង​ផងដែរ បន្ទាប់​ពី​ព្រឹត្តិការណ៍​នានា​នៅ​សេត​វិមាន​ក្នុង​រយៈពេល​បី​សប្តាហ៍​កន្លងមកនេះ ដែល​ដឹកនាំ​ដោយ​លោក​ត្រាំ រួម​ទាំង​ពិធីជប់លៀង​ពេល​រាត្រី​នៃ​ថ្ងៃ​បោះឆ្នោត​នៅ​ថ្ងៃទី ៣ ខែវិច្ឆិកា កន្លែង​ដែល​អ្នក​មាន​វត្តមាន​ភាគច្រើន​មិន​បាន​ពាក់​ម៉ាស​ទេ​។​

​ក្រោយ​មក​មន្ត្រី​មួយចំនួន​បាន​រាយការណ៍​ពី​ការ​ធ្វើ​តេស្ត​វិជ្ជ​មានកូ​វីដ​១៩ រួម​ទាំង​នាយសេនាធិការ​ចម្រុះ​របស់​លោក​ត្រាំ គឺ​លោក ម៉ាក មី​ដូវ​។​

​កាសែត​ញូវយ៉ក​ថែម​ស៍បាន​និយាយ​ថា​យ៉ាងហោច​ណាស់​មន្ត្រី​សេវាកម្ម​សម្ងាត់​ក្នុង​ឈុត​ឯកសណ្ឋាន ៣០ នាក់​បាន​ធ្វើតេស្ត​វិជ្ជមាន​នៅក្នុង​ប៉ុន្មាន​សប្តាហ៍​ថ្មីៗ​នេះ ហើយ​ជាង ៦០​នាក់​ផ្សេង​ទៀត​ត្រូវ​បាន​ប្រាប់​​ឱ្យធ្វើ​ចត្តា​ឡី​ស័ក​៕

​ភ្នាក់ងារ​ចារកម្ម​ជាង ១៣០ នាក់​បាន​ឆ្លងកូវី​ដ​១៩ ឬ ធ្វើ​ចត្តា​ឡី​ស័ក​

ទីតាំងផ្សាយពាណិជ្ជកម្ម

- Advertisment -

Most Popular

​ទេសរដ្ឋមន្ត្រី ស៊ុន ចាន់...

​ដោយៈ សុផល / ភ្នំពេញៈ លោក...

ស្វាយរៀងៈ​ពិភាក្សា​ការងារ...

ដោយៈ​វ៉ៃ​កូ​/​ស្វាយរៀង​:​...

អធិការនគរបាល​ខ​ណ្ឌ​ពោធិ៍​...

ដោយ​៖​រ៉ា​ម៉ន / ភ្នំពេញ​៖...

ក្មេងៗ ៩ នាក់ ព្រួត​វាយ​ប...

​ដោយៈ ស​រិ​ទ្ធ / កណ្តាលៈ ...