Home ព័ត៌មានជាតិ សន្តិសុខ បំបែកសំណុំរឿង...

បំបែកសំណុំរឿង ឪពុក​ម្តាយចិញ្ចឹម ដែល​ធ្វើ​ទារុណកម្ម​លើ​កូន អោយស្លាប់ បញ្ជូនទៅ​តុលាការ

​ដោយៈ​បាយ័ន / សៀមរាបៈ កំលាំង​ការិយាល័យ​ព្រហ្មទណ្ឌ​នៃ កងរាជអាវុធហត្ថ ខេត្តសៀមរាប សហការ​ជាមួយ កងរាជអាវុធហត្ថ ស្រុក​ស្វាយ​លើ និង​ចូលរួម​សហការ​ជាមួយ​កំលាំង​កង ពល​តូច​លេខ​៦ នៃ​កងពលធំ​អន្ដគម​ន៍​លេខ ២ បាន​ឃាត់ខ្លួន​ជនសង្ស័យ ចំនួន ២ នាក់​ដែល ត្រូវជា​ឪពុក​ម្តាយចិញ្ចឹម របស់​កុមារា​រងគ្រោះ ដែលថា ពុល​ដំឡូង​ស្លាប់ តែ​នៅពេលនោះ សមត្ថកិច្ច កំពុង​ស៊ើបអង្កេត​បន្ត ក្នុង​រឿងនេះ ដោយ​សង្ស័យថា គឺជា​ការធ្វើ​ទារុណកម្ម ច្រើនជាង ។ ការឃាត់ខ្លួន​ជនសង្ស័យ​ទាំង ពីរ​នាក់​នេះ បានធ្វើ​ឡើង នៅវេលា​ម៉ោង ១០ ព្រឹក ថ្ងៃទី​១៣ ខែវិច្ឆិកា ឆ្នាំ​២០២០ ស្ថិតនៅ​ភូមិ​រុងរឿង ឃុំ​កន្ទួត ស្រុក​ស្វាយ​លើ ខេត្តសៀមរាប ។​

​សមត្ថកិច្ច​កងរាជអាវុធហត្ថ ខេត្តសៀមរាប បាន​និយាយថាៈ ជនសង្ស័យ​ទាំង ពីរ​នាក់ គឺមាន ឈ្មោះ ហាប់ ផល ភេទ​ប្រុស អាយុ ៣៥​ឆ្នាំ មុខរបរ យោធា និង ឈ្មោះ ឈឿង វីន ភេទ​ស្រី អាយុ ៣៥​ឆ្នាំ មុខរបរ មេផ្ទះ ទីលំនៅ​បច្ចុប្បន្ន ភូមិ​រុងរឿង ឃុំ​កន្ទួត ស្រុក​ស្វាយ​លើ ខេត្ត សៀមរាប​។ ជនសង្ស័យ​ទាំង ពីរ​នាក់ ត្រូវបាន​ឃាត់ខ្លួន​ពីបទ ទារុណកម្ម និង​អំពើ​ឃោរឃៅ ដោយមាន​ស្ថាន​ទម្ងន់ទោស ដោយសារ​មរណភាព នៃ​ជនរងគ្រោះ ប្រព្រឹត្ត​កាលពី​វេលា​ម៉ោង ៧ និង ៣០​នាទី ល្ងាច​ថ្ងៃទី​៨ ខែវិច្ឆិកា ឆ្នាំ​២០២០ នៅ​ចំណុច​ភូមិ​រុងរឿង ឃុំ​កន្ទួត ស្រុក​ស្វាយ​លើ ខេត្តសៀមរាប ។​

​សមត្ថកិច្ច បាន​បន្តថាៈ តាមរយៈ​ស្លាកស្នាម នៅលើ​ខ្លួន​ជនរងគ្រោះ ដែល​ឪពុក​ម្តាយចិញ្ចឹម របស់​កុមារា​រងគ្រោះ បាន​និយាយថា បាន​ធ្លាក់​ពីលើ​គោយន្ត និង​ធ្លាក់​ពីលើ​ដើម​អំពិល​នោះ គឺជា​ការឆ្លើយ​ដោះសារ របស់​ជនសង្ស័យ ទាំង​២​នាក់ ប្តី​ប្រពន្ធ តែប៉ុណ្ណោះ​។​

​សមត្ថកិច្ច បានធ្វើការ​ស្រាវជ្រាវ និង​ស៊ើបអង្កេត​ក្នុង​រឿងនេះ ហើយ​សន្និដ្ឋានថា ការស្លាប់ របស់​កុមារា​រងគ្រោះ​នោះ មិនមែន​ស្លាប់ ដោយសារ​ពុល​ដំឡូង​ឡើយ គឺ​ស្លាប់​ដោយសារ ការធ្វើ​ទារុណកម្ម ពី​សំណាក់​ឪពុក​ម្តាយចិញ្ចឹម​។ ជនសង្ស័យ​ទាំង ២​នាក់​ត្រូវបាន​កង​រាជ អាវុធហត្ថ ប្រគល់​ទៅ​ឲ្យ​ការិយាល័យ នគរបាល​ព្រហ្មទណ្ឌ ខេត្តសៀមរាប​ចាត់ការ​តាម​នីតិ វិធី​បន្ត ដើម្បី​កសាង​សុំ​ណុំ​រឿង បញ្ជូនទៅ​តុលាការ អនុវត្តតាម​នីតិវិធី​ច្បាប់​។​

​សូម​រំលឹកថា កាលពី​ម៉ោង ៧​និង​៣០​នាទី ល្ងាច​ថ្ងៃទី​៩ ខែវិច្ឆិកា ស្ថិតនៅ​ភូមិ​រុងរឿង ឃុំ​កន្ទួត ស្រុក​ស្វាយ​លើ ខេត្តសៀមរាប មាន​ករណី​ក្មេងប្រុស​ឈ្មោះ ផល សុភា​ន់ អាយុ​៦​ឆ្នាំ​បាន​ពុល ដំឡូង​ស្លាប់ ។ តែ​តាម​ការបំភ្លឺ​របស់​ឪពុក​ម្តាយចិញ្ចឹម របស់​កុមារ​រងគ្រោះ បាន​បញ្ជាក់ថា កូន​របស់ខ្លួន បាន​ធ្លាក់​ពីលើ​គោយន្ដ និង ធ្លាក់​ពីលើ​ដើម​អំ​ពឹ​ល​ទៀត ថ្ងៃ​បន្ទាប់​ទៀត ជនរងគ្រោះ ត្រូវ​ឆ្កែ​ខាំ​ទៀត ហើយ​កូន​របស់ខ្លួន មាន​សភាព​ទ្រុឌទ្រោម ចាប់ពីពេលនោះ​មក មិនបាន​យកទៅ មន្ទីរពេទ្យ​ទេ ដោយសា​គ្មាន​ប្រាក់ និង​គ្មាន​មធ្យោបាយ​ធ្វើដំណើរ ។​

​ក្រោយ​ការពិនិត្យ​សព សមត្ថកិច្ច ពិនិត្យឃើញ​ផ្នែក​ក្បាល ក្បាល​ផ្នែក​ខាងក្រោយ និង​មុខ ផ្នែក​ខាងស្ដាំ មាន​ស្នាមដំបៅ (​ស្នាម​ចាស់ ធ្លាក់​ពីលើ​គោយន្ដ​) ត្រចៀក​ទាំងសង្ខាង ចង្កា មាន​ស្នាម​ដាច់​រលាត់ ( ស្នាម​ចាស់ ឆ្កែ​ខាំ ) ដោយឡែក ភ្នែក​ទាំងពីរ ច្រមុះ មាត់ក ពុំមាន​ស្លាក ស្នាម ត្រង់ចំណុច​នេះឡើយ ។ ករណីនេះ​សមត្ថកិច្ច​នៅតែ​ស៊ើបអង្កេត​បន្ត អាច​ឪពុក​ធ្វើ ទារុណកម្ម​ច្រើនជាង​ដែល​អាច​ឈានដល់​ការស្លាប់​របស់​កូន ព្រោះថា អ្នកភូមិ​ជាច្រើន ក៏​បានដឹង​រឿងនេះ ថា​ឪពុក​តែងតែ​ធ្វើ​ទារុណកម្ម លើ​កូន​នោះ ជា​បន្ត​បន្ទាប់មក​៕PC

ឃាត់ខ្លួន​ឪពុក​ម្តាយចិញ្ចឹម​ដែល​ធ្វើ​ទារុណកម្ម​លើ​កូន​បណ្តាលអោយ​ស្លាប់​បញ្ជូន​ទៅ​តុលាការ​៕ (​បាយ័ន​)​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តសៀមរាប​ចែក​ម...

ដោយ​: គូលែន / សៀមរាប​: នៅ...

រដ្ឋមន្ត្រី​ក្រសួងការពារជ...

ដោយ​: សៅ វ៉ាន់ឌី / ខេត្តព...

ការស្រាវជ្រាវ​៖​ការវិនិយោ...

​ដោយៈ​សុផល​/ភ្នំពេញ​៖ វិទ...

អភិបាល​រាជធានី​ថ្លែងអំណរគ...

​ដោយ​៖ រ៉ា​ម៉ន / ភ្នំពេញ​...