Home ព័ត៌មានជាតិ សេដ្ឋកិច្ច កិច្ចប្រជុំ​ក...

កិច្ចប្រជុំ​កំពូល​មេគង្គ​-​ជប៉ុន លើក​ទី​១២ ៖ គំនិត​ផ្តួចផ្តើម​មេគង្គ​-​ជប៉ុន សម្រាប់​គោលនយោបាយ​អភិវឌ្ឍន៍ ប្រកបដោយ​ចីរភាព ឆ្ពោះទៅកាន់​ឆ្នាំ​២០៣០

ដោយៈ គ​ន្ធា – ទេព មង្គល / ភ្នំពេញៈ ក្នុងនាម​ជា​តំណាង​ដ៏​ខ្ពង់ខ្ពស់ របស់​សម្តេច​អគ្គ​មហា សេនាបតី​-​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នា​ព្រឹក​ថ្ងៃទី ១៣ ខែ វិច្ឆិកា​ឆ្នាំ ២០២០ លោក​អគ្គបណ្ឌិត​សភាចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរ​ដ្ឋ​មន្ត្រី​ក្រសួង សេដ្ឋកិច្ច និង​ហិរញ្ញវត្ថុ បាន​ដឹកនាំ​គណៈប្រតិភូ​ជាន់ខ្ពស់ បន្ត​ចូលរួម​កិច្ចប្រជុំ​កំពូល “​មេគង្គ​-​ជប៉ុន​លើក​ទី ១២” តាម​ប្រព័ន្ធ​វីដេអូ នៅ​ទីស្ដីការក្រសួង​សេដ្ឋកិច្ច និង​ហិរញ្ញវត្ថុ​។ កិច្ចប្រជុំ​កំពូល​នេះ ដឹកនាំ​ដោយ​សហប្រធាន លោក ង្វៀន សួន ហ្វ៊ុ​ក (Nguyen XuanPhuc) នាយករដ្ឋមន្ត្រី នៃ​សាធារណរដ្ឋ​សង្គមនិយម វៀតណាម និង​លោក យ៉ូ​ស៊ី​ហ៊ី​ដេ ស៊ូ​ហ្គា (YoshihideSuga) នាយករដ្ឋមន្ត្រី នៃ​ប្រទេស​ជប៉ុន​។ នៃ​បើតាម​សេចក្តីប្រកាស​ព័ត៌មាន របស់​ក្រសួង​សេដ្ឋកិច្ច និង​ហិរញ្ញវត្ថុ បានឱ្យដឹង នៅក្នុង​ថ្ងៃនេះ​។​

​ប្រភព​ដដែល បានឱ្យដឹងថាៈ ថ្នាក់ដឹកនាំ​នៃ​ប្រទេស​ក្នុង​តំបន់​មេគង្គ​បាន​ពិភាក្សា​អំពី​កិច្ច​សហ ប្រតិបត្តិការ​ដើម្បី​ទ្រទ្រង់ និង​ពង្រឹង​ចំណងមិត្តភាព និង​សាមគ្គីភាព​រវាង​ប្រទេស​តំបន់ ទន្លេមេគង្គ​ទាំង​៥​និង​ជប៉ុន ។ ថ្នាក់ដឹកនាំ​នៃ​ប្រទេស​ក្នុង​តំបន់​មេគង្គ បាន​វាយតម្លៃ​ខ្ពស់​លើ “​យុទ្ធសាស្ត្រ​ទីក្រុង​តូ​ក្យូ​ឆ្នាំ ២០១៨” និង “​គំនិត​ផ្តួចផ្តើម មេគង្គ​-​ជប៉ុន សម្រាប់​គោលនយោបាយ អភិវឌ្ឍន៍ ប្រកបដោយ​ចីរភាព (SDGs) ឆ្ពោះទៅកាន់ ឆ្នាំ​២០៣០” ដែល​បាន​ផ្ដល់នូវ​លទ្ធផល ប្រកបដោយ​ផ្លែផ្កា ជាក់ស្តែង​ជាច្រើន សម្រាប់​ប្រទេស​ទាំង ៦ ព្រមទាំង​បាន​បង្កើត​មូលដ្ឋានគ្រឹះ ដ៏​រឹងមាំ សម្រាប់​កិច្ចសហប្រតិបត្តិការ និង​ដំណោះស្រាយ ឆ្ពោះទៅរក​កំណើនសេដ្ឋកិច្ច​បៃតង ប្រកបដោយ​ចីរភាព និង​បរិ​យា​ប័ន្ន​ផងដែរ​។

​ថ្នាក់ដឹកនាំ​មេគង្គ ក៏បាន​គិតគូរ​អំពី ការជំរុញ​ជីវភាព រវាង​គំនិត​ផ្តួចផ្តើម​នានា ដែល​ក្នុងនោះ​មាន “​កិច្ចសហប្រតិបត្តិការ​សេដ្ឋកិច្ច អា​យេ​យ៉ា​វ៉ា​ឌី – ចៅ​ប្រ៉ា​យ៉ា​- មេគង្គ (ACMEC)” ក្នុង​គោល បំណង​បង្កើន នូវ​តំណ​ភ្ជាប់ រវាង​សេដ្ឋកិច្ច នៅក្នុង​តំបន់ តាមរយៈ​ការពង្រឹង រំហូរ​ពាណិជ្ជកម្ម និង​វិនិយោគ​។

​ប្រភព​ដដែល បានឱ្យដឹង​ទៀតថាៈ ក្រោម​ស្មារតី នៃ​សាមគ្គីភាព និង​កិច្ចសហប្រតិបត្តិការ​ដ៏​រឹងមាំ រវាង​ប្រទេស​ទាំង ៦ ថ្នាក់ដឹកនាំ បានអនុម័ត “​សេចក្តី​ថ្លែង​ការរួម នៃ​កិច្ចប្រជុំ​កំពូល​មេគង្គ​-​ជប៉ុន លើក​ទី ១២” ។ ប្រទេស​ជប៉ុន ក៏បាន​បង្ហាញ​នូវ ការប្តេជ្ញាចិត្ត​ខ្ពស់ ក្នុងការ​គាំទ្រ និង​ពង្រឹង​សហ ប្រតិបត្តិការ នៅក្នុង​តំបន់​ទាំងពីរ ដើម្បី​ធានាបាន នូវ​សន្តិភាព ស្ថេរភាព និង​វិបុលភាព សម្រាប់​ប្រជាជន​ទាំងអស់ និង​បាន​សំដែង នូវ​ការស្វាគមន៍​ដ៏​ក្តៅ ទុកជាមុន ដល់​ថ្នាក់ដឹកនាំ នៃ​តំបន់​មេគង្គ​ទាំងអស់ ដែល​នឹង​អញ្ជើញ​ចូលរួម “​កិច្ចប្រជុំ​កំពូល​មេគង្គ​-​ជប៉ុន លើក​ទី ១៣” ដោយ​ការជួប​មុខ​គ្នា​ផ្ទាល់ នាទី​ក្រុង​តូ​ត្យូ នៅ​ឆ្នាំ​២០២១ ខាងមុខនេះ ៕PC







ទីតាំងផ្សាយពាណិជ្ជកម្ម

- Advertisment -

Most Popular

ព្រឹក​នេះ​សម្តេច​តេ​ជោ ហ៊...

​ដោយៈ​តារា​រិ​ទ្ធ​/​ភ្នំព...

ជប៉ុន​និង​ចិន​ចាប់ផ្តើម​ក...

​ប្រែ​សម្រួលៈ​វាសនា​/​តូ​...

ឡាន​ដឹក​ថ្ម​បុក​ម៉ូតូ​មួយ...

ដោយៈ​ស​រិ​ទ្ធ​/​ភ្នំពេញ​:...

រុស្ស៊ី​នឹង​លក់​វ៉ាក់សាំង...

​ប្រែ​សម្រួល : កញ្ញា​ដា​ល...