អាជ្ញាធរ​រាជធានី បាន​នឹង​កំពុង​ជីក​ស្តារ​ប្រឡាយ​អូរ​ខ្សាច់ ប្រវែង​១៨​គីឡូម៉ែត្រ ដើម្បី​រំដោះ​ទឹក កុំអោយ​លិចលង់ នៅ​ផ្លូវជាតិ​លេខ​៤ និង​នៅមុខ​អាកាសយានដ្ឋាន​អន្តរជាតិ​ភ្នំពេញ​

ដោយៈ រ៉ា​ម៉ន / ភ្នំពេញៈ អាជ្ញាធរ​រាជធានី​ភ្នំពេញ បាន​នឹង​កំពុង​ជីក​ស្តារ​ប្រឡាយ អូរ​ខ្សាច់ ដែលមាន​ប្រវែង ១៨ គីឡូម៉ែត្រ ចេញពី​ឃុំ​បែក​ចាន ក្នុងស្រុក​អង្គស្នួល ខេត្តកណ្ដាល​ឆ្លង​មក សង្កាត់​កំបូល សង្កាត់​ឪឡោក សង្កាត់​ស្នោរ ខណ្ឌ​កំបូល ហើយ​បន្ត​ហូរ​ចូល ទៅក្នុង​បឹង​តា​មោក ដើម្បី​រំដោះ​ទឹក​កុំ​លិចលង់ នៅ​ផ្លូវជាតិ​លេខ​៤ និង​នៅមុខ​អាកាសយានដ្ឋាន​អន្តរជាតិ​ភ្នំពេញ ។​

​លោក ម៉ៅ ប៊ុនធឿន ប្រធាន​មន្ទីរ​ធនធានទឹក និង​ឧតុនិយម រាជធានី​ភ្នំពេញ​បាន​មានប្រសាសន៍ ថាៈ ប្រឡាយ​អូរ​ខ្សាច់ មាន​ប្រវែង ១៨ គីឡូម៉ែត្រ ដោយ​ចាប់ផ្តើម​ពី ឃុំ​បែក​ចាន ក្នុងស្រុក​អង្គ ស្នួល ខេត្តកណ្ដាល បន្ត​មក​សង្កាត់​កំបូល សង្កាត់​ឪឡោក សង្កាត់​ស្នោរ ខណ្ឌ​កំបូល ហើយ​បន្ត ហូរ​ចូល ទៅក្នុង​បឹង​តា​មោក តែម្ដង​។​

​លោក​បាន​បញ្ជាក់ថាៈ ប្រឡាយ​អូរ​ខ្សាច់ ពិត​ជាមាន​តួនាទី​យ៉ាងសំខាន់ ក្នុងការ​រំដោះ​ទឹក តាម​បណ្ដោយ​ផ្លូវជាតិ​លេខ​៤ ពោលគឺ​ទឹក​ដែល​បាន​ធ្លាក់ មកពី​ខេត្តកំពង់ស្ពឺ តាម​អម​ផ្លូវជាតិ លេខ​៤ ដល់​ចំណុច​ឃុំ​បែក​ចាន ស្រុក​អង្គស្នួល ខាងលើ ប្រឡាយ​នេះ បាន​បង្វែរ​ផ្លូវទឹក ទៅរក​បឹង​តា​មោក​តែម្ដង ដែល​ធ្វើឱ្យ​កាត់បន្ថយ នូវ​បរិ​មាណទឹក ដែល​ត្រូវ​ហូរ​ចូល​រាជធានី ដែល​ធ្លាប់តែ​ធ្វើឱ្យ​លិចលង់ នៅមុខ​អាកាសយានដ្ឋាន​អន្តរជាតិ​ភ្នំពេញ នាពេល​កន្លងមក​។​

​លោក​បាន​បញ្ជាក់ទៀតថាៈ ប្រឡាយ​រំដោះ​ទឹក ប្រវែង ១៨ គីឡូម៉ែត្រ​នេះ មាន​ទទឹង ចាប់ពី ១០ ម៉ែត្រ ទៅ ១៥ ម៉ែត្រ អាស្រ័យ​ទៅតាម​ស្ថានភាព ជាក់ស្ដែង នៃ​តួ​ប្រឡាយ​។​

​លោក ម៉ៅ ប៊ុនធឿន បាន​បន្តថាៈ ក្រោម​ការណែនាំ​របស់លោក ឃួ​ង ស្រេង អភិបាល​រាជធានី ភ្នំពេញ ប្រឡាយ​អូរ​ខ្សាច់​នេះ ត្រូវបាន​មន្ទីរ​ធនធានទឹក រាជធានី​ភ្នំពេញ ចាប់ផ្ដើម​ការដ្ឋាន កាលពី​ខែកក្កដា ២០២០ ហើយ​គម្រោង​នេះ គ្រោង​នឹង​បញ្ចប់​រួចរាល់ នៅ​រដូវប្រាំង ខាងមុខនេះ ពោលគឺ នៅពេល​រដូវវស្សា ឆ្នាំ​២០២១ មកដល់ ប្រឡាយ​អូរ​ខ្សាច់ អាច​ដើរតួនាទី​ក្នុងការ​រំដោះ ទឹក បានតែ​ម្ដង ដោយ​មិន​ឲ្យ​ទឹក​ហូរ មកដល់​អាកាសយានដ្ឋាន​អន្តរជាតិ​ភ្នំពេញ​ឡើយ​។​

​លោក​ក៏បាន​បញ្ជាក់​ផងដែរ​ថាៈ គិត​មកដល់ពេលនេះ ប្រឡាយ​អូរ​ខ្សាច់ សម្រេចបាន​ជាច្រើន ភាគរយ​ហើយ គឺ​នៅសល់ ១១ គីឡូម៉ែត្រ​ទៀត​ប៉ុណ្ណោះ នឹង​បញ្ចប់​ការដ្ឋាន​ទាំងស្រុង​៕​PC







ទីតាំងផ្សាយពាណិជ្ជកម្ម

- Advertisment -

Most Popular

ក្រោយ​ដាក់​លប និង​មង ជាប់...

ដោយៈ ភ្នំ​ស្វាយ / កំពង់ធំ...

ទឹកចិត្ត​កម្ពុជា​! ម៉ាស​ព...

ដោយៈ ម៉េង​ឆៃ​ គេ​នៅចាំ​ម...

ក្រសួង​អប់រំ​ដាក់ចេញ​គោលក...

ដោយៈ​ដេប៉ូ​/​ភ្នំពេញៈ ក្រ...

ស្លាក​សញ្ញា​ថ្មី​«​រូប​បក...

​ដោយៈ ញ៉ែម សុផល​/​ភ្នំពេញ...