Home ព័ត៌មានអន្តរជាតិ រាប់ពាន់​នាក់...

រាប់ពាន់​នាក់​ជួបជុំ​ទាម​ទារ​អោយ​នាយក​រដ្ឋមន្ត្រី​ថៃ​ចុះ​ចេញពី​តំណែង​

ប្រែ​សម្រួលៈ​វាសនា​/​បាងកក​៖ ​មនុស្ស​រាប់ពាន់​នាក់​បាន​និង​កំពុង​ធ្វើ​ការប្រឆាំង​តវ៉ា​នៅ​ក្រុង​បាងកក​នា​ល្ងាច​ថ្ងៃ​សៅរ៍​ទី​១៤​វិច្ឆិកា​នេះ​ជា​ផ្នែក​មួយ​នៃ​បាតុកម្ម​រាប់​ខែ​មក​នេះ​ដើម្បី​ទាមទារ​អោយ​នាយករដ្ឋមន្ត្រី ប្រា​យុទ្ធ ចាន់ អូ​ចា​ចុះចេញ​ពី​តំណែង ព្រមទាំង​កែ​ទំរង់​របប​រាជានិយម​ដ៏​មាន​ឥទ្ធិពល​។​

​តែ​នៅ​ប៉ុន្មាន​រយ​ម៉ែត្រ​ពី​ទីនោះ ពួក​រាជានិយម​រាប់ពាន់នាក់​ក្នុង​ឈុត​អាវ​ពណ៌​លឿង​ក៏​កំពុង​ជួបជុំគ្នា​និង​គ្រវី​ទង់​នៅ​ពេល​ពួកគេ​រង់ចាំ​ស្វាគមន៍​ស្តេច​មហា វ៉េ​ច​រ៉ា​ឡុងកន ដែល​ត្រូវ​ចូលរួម​ក្នុង​ពិធី​មួយ​។​

​សកម្មជន​ម្នាក់​បាន​ឡើង​និយាយ​ថា « ប្រា​យុទ្ធ​មិន​ត្រឹមតែ​អសមត្ថភាព តែ​ខ្វះ​ភាពស្របច្បាប់​។​ថៃឡង​ដ៍​មិន​រីកចំរើន​ទេ ដោយសារ​តែ​ប្រា​យុទ្ធ​»​។​

​មនុស្ស​ប្រមាណ​២.៥០០​នាក់​បាន​ជួបជុំ​នៅ​វិមាន​ប្រជាធិបតេយ្យ​ក្នុង​ក្រុង​បាងកក ដោយ​ពួកគេ​ចាក់​ចំរៀង​និង​រាំ​ចំអក​អោយ​រដ្ឋាភិបាល​។​

​ប៉ូលិស​បាន​ដាក់ពង្រាយ​កម្លាំង​ជាង​៥​ពាន់​នាក់ និង​ថា​ខ្លួន​នឹង​មិន​ប្រើ​អំពើហិង្សា​ដើម្បី​បង្ក្រាប​បាតុកម្ម​ឡើយ​។​តែ​កាលពី​សប្តាហ៍​មុន បាតុករ​រាប់ពាន់​នាក់​បាន​ជួប​ការបាញ់ទឹក​ពី​ប៉ូលិស​នៅ​ពេល​ពួកគេ​​នាំគ្នា​ដង្ហែ​ញត្តិ​មួយ​ទៅ​កាន់​វាំង​ស្តេច​៕

ទីតាំងផ្សាយពាណិជ្ជកម្ម

- Advertisment -

Most Popular

​សម្តេច​តេ​ជោ ហ៊ុន សែន ផ្...

​ដោយៈ​តារា​រិ​ទ្ធ​/​ភ្នំព...

ចាប់ខ្លួនជនសង្ស័យ បីនាក់ ...

ដោយៈ អង្គរតូច / សៀមរាបៈ ជ...

ក្រសួង​អភិវឌ្ឍន៍ជនបទ​ត្រូ...

ដោយៈ​តារា​រិ​ទ្ធ​/​ភ្នំពេ...

ម៉ាឡេស៊ី​ផ្អាក​ការផលិត​នៅ...

​ប្រែ​សម្រួល : កញ្ញា​ដា​ល...