Home ព័ត៌មានជាតិ សង្គម ​អាជ្ញាធរ​ផ្ត...

​អាជ្ញាធរ​ផ្តល់​កម្លាំងចិត្ត ជន​ស្តារនីតិសម្បទា នៅ​មណ្ឌល​ជី​វីត​ថ្មី ភ្នំ​បាក់​

​ដោយ​: ប​.​ជ័យ / បន្ទាយមានជ័យ​: អាជ្ញា​ធរមាន​សមត្ថកិច្ច ចង់ឃើញ​ណាស់ ដែល​ក្មួយៗ នឹង​ឆាប់​បាន​ក្លាយជា​មនុស្ស​ល្អ ពលរដ្ឋ​ល្អ កូន​ល្អ មិត្ត​ល្អ ហើយ​មាន​អនាគត​ល្អ ឡើងវិញ អោយ​កាន់តែ​ឆាប់ តាម​ដែល​អាច​ធ្វើបាន ក្រោយពេល​បន្សាប​សារធាតុ​ញៀន នៅក្នុង​ខ្លួន​បានសម្រេច​នោះ​។ នេះ​បើតាម​លោក អ៊ុំ រាត្រី អភិបាលខេត្ត​បន្ទាយមានជ័យ បាន​ថ្លែង​កាលពី​ថ្ងៃត្រង់ ថ្ងៃទី​១៤ ខែវិច្ឆិកា ឆ្នាំ​២០២០​។​

​លោក​អភិបាលខេត្ត​បន្ទាយមានជ័យ រួម​ដំណើរ​ដោយ​លោកស្រី ជ័យ ណា​រី ជា​ភរិយា ព្រមទាំង​មន្ត្រី​ក្រុមការងារ នៅ​ថ្ងៃត្រង់ នា​ថ្ងៃនេះ បាន​ទៅ​ផ្តល់​កម្លាំងចិត្ត និង​ផ្តល់​អាហារ ដល់​ជន​ស្តារនីតិសម្បទា ឬ​ជនរងគ្រោះ ដែល​បាន​នឹង​កំពុង​បន្សាប​គ្រឿងញៀន នៅ​មណ្ឌល​ជីវិត​ថ្មី ភ្នំ​បាក់ ស្ថិតនៅ​ក្នុងភូមិ​ភ្នំ​បាក់ សង្កាត់​ទឹកថ្លា ក្រុង​សិរីសោភ័ណ ដែល​គ្រប់គ្រង​ដោយ មន្ទីរ​សង្គមកិច្ច អតីតយុទ្ធជន និង​យុវនីតិសម្បទា ខេត្តបន្ទាយមានជ័យ និង​ស្នងការដ្ឋាន​នគរបាល​ខេត្ត​។​

​លោក​អភិបាលខេត្ត​បន្ទាយមានជ័យ នាឱកាស​នោះ បាន​អប់រំ ក្រើនរំលឹក​ដល់​ជន​ស្តារនីតិសម្បទា​ទាំងអស់ ឱ្យមាន​ឆន្ទៈ និង​ស្មារតី ខិតខំ​ប្រឹងប្រែង​អនុវត្ត តាម​វិន័យ​របស់​សមត្ថកិច្ច នៅ​មណ្ឌល ហើយ​មាន​ជំនឿ​ចិត្ត ក្នុង​ស្តារ​កសាង​ខ្លួន អោយក្លាយ​ជា​ជន មាន​សម្បា​ទា​រឹងមាំ ដើម្បី​នឹង​ឆាប់​បាន​សម្មាហរណកម្ម ទៅក្នុង​សហគមន៍ ជួបជុំ​គ្រួសារ​ឡើងវិញ​។​

​លោក ភា ម៉ានិត អនុប្រធាន​មន្ទីរ​សង្គមកិច្ច អតីតយុទ្ធជន និង​យុវនីតិសម្បទា ខេត្តបន្ទាយមានជ័យ ទទួល​ជា​ប្រធាន​មណ្ឌល​ជីវិត​ថ្មី ភ្នំ​បាក់ បាន​ប្រាប់​កាសែត រស្មី​កម្ពុជា នៅ​ថ្ងៃទី​១៤ ខែវិច្ឆិកា​នេះ​ថាៈ ជនរងគ្រោះ ឬ​ជន​ស្តារនីតិសម្បទា ក្នុង​មណ្ឌល​នេះ មាន​ចំនួន ៨៣៤ នាក់ ក្នុងនោះ​មាន​ស្រី ៤០ នាក់​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

រដ្ឋបាល​ខេត្តតាកែវ ប្រជុំ...

​ដោយៈ ទេព មង្គល / តាកែវៈ ...

រដ្ឋបាល​ខេត្តកោះកុង និង​ក...

​ដោយៈ ទេព មង្គល / ភ្នំពេញ...

ប្រតិភូ​ស្ថានទូត​កម្ពុជា​...

ដោយ​៖​រ៉ា​ម៉ន / ភ្នំពេញ​៖...

រដ្ឋបាលខេត្ត​ព្រះវិហារ បើ...

ដោយ​: សៅ វ៉ាន់ឌី / ព្រះវិ...