Home ព័ត៌មានជាតិ នយោបាយ សំណុំរឿង​រួមគ...

សំណុំរឿង​រួមគំនិត​ក្បត់ : តុលាការ​បើកសវនាកា​រ​កាត់ទោស សម រង្ស៊ី និង​បក្ខពួក ១១៤​នាក់ នៅ​ថ្ងៃទី​២៦ វិច្ឆិកា

ដោយៈ​មុនី​រ័ត្ន​/​ភ្នំពេញៈនៅ​រសៀល​ថ្ងៃទី​១៤​ខែវិច្ឆិកា​នេះ​សមត្ថកិច្ច​បាន​យក​ដីកា​ទៅ​បិទ​នៅ​អតីត​ស្នាក់ការ​នៃ​អតីត​គណបក្ស​សង្គ្រោះ​ជាតិ ដើម្បី​កោះហៅ​មនុស្ស​ចំនួន ៦៨​នាក់ ផ្សេងទៀត ឲ្យ​ចូល​សវនាការ​នៅ​ថ្ងៃទី​២៦ ខែវិច្ឆិកា​ខាងមុខនេះ លើ​សំណុំរឿង​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​។​

រូបថតៈនៅ​រសៀល​ថ្ងៃទី​១៤​ខែវិច្ឆិកា​នេះ​សមត្ថកិច្ច​បាន​យក​ដីកា​ទៅ​បិទ​នៅ​អតីត​ស្នាក់ការ​នៃ​អតីត​គណបក្ស​សង្គ្រោះ​ជាតិ ដើម្បី​កោះហៅ​មនុស្ស​ចំនួន ៦៨​នាក់ ផ្សេងទៀត ឲ្យ​ចូល​សវនាការ​នៅ​ថ្ងៃទី​២៦ ខែវិច្ឆិកា​ខាងមុខនេះ លើ​សំណុំរឿង​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​

​នៅក្នុង​សំណុំ​រឿងនេះ កាលពី​រសៀល​ថ្ងៃទី​៣ ខែវិច្ឆិកា​កន្លងទៅ សមត្ថកិច្ច​ក៏បាន​យក​ដីកា​បង្គាប់​ឱ្យ​លោក​សម រង្ស៊ី និង​បក្ខពួក​ចូលខ្លួន​ចំនួន​៤៦​នាក់​ទៅកាន់​ចូល​សវនាការ​នៅ​ថ្ងៃទី​២៦​ខែវិច្ឆិកា​ទៅ​បិទ​នៅ​ស្នាក់ការ​នៃ​អតីត​គណបក្ស​សង្គ្រោះ​ជាតិ​។
​សរុប​នៅក្នុង​សំណុំរឿង​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍ គឺមាន​មនុស្ស​សរុប​ចំនួន ១១៥​នាក់ ត្រូវបាន​កោះ​ឲ្យ​ចូលខ្លួន​ទៅក្នុង​សវនាការ​នៅ​ថ្ងៃទី​២៦ ខែវិច្ឆិកា​ខាងមុខ​។​
​ដីកាកោះ​ឲ្យ​មេ​ទ្ទាម​ក្រៅច្បាប់ សម រង្ស៊ី និង​បក្ខពួក​ចំនួន ១១៤​នាក់ ចូល​សវនាការ​នៅ​ថ្ងៃទី​២៦ ខែវិច្ឆិកា គឺ​ចេញ​ដោយ​លោក សេង ហៀ​ង ព្រះរាជអាជ្ញារង​ណៃ​អយ្យការ​អម​សាលាដំបូង​រាជធានី​ភ្នំពេញ​។​
​សមាសភាព​ចៅក្រម​ជំនុំជម្រះ​នៅ​ថ្ងៃទី​២៦ ខែវិច្ឆិកា​រួមមាន : លោក​រស់ ពិសិដ្ឋ​ប្រធាន​ក្រុមប្រឹក្សា​ជំនុំជម្រះ លោក​កើត​សាំង ចៅក្រម​ប្រឹក្សា​ជំនុំជម្រះ លោក​អ៊ឹម វណ្ណៈ ចៅក្រម​ប្រឹក្សា​ជំនុំជម្រះ​។​
​លោក​គុជ គឹម​ឡុង អ្នកនាំពាក្យ​សាលាដំបូង​រាជធានី​ភ្នំពេញ បាន​ឲ្យ​ដឹងថា លោក​សម រង្ស៊ី និង​បក្ខពួក​ចំនួន ១១៤​នាក់ ត្រូវបាន​ចោទប្រកាន់​ពីបទ “​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​” ប្រព្រឹត្ត​នៅ​ប្រទេស​កម្ពុជា​និង​ទីកន្លែង​ផ្សេងៗ​ទៀត​កាលពី​ថ្ងៃទី​២០-២១-២២-២៥-២៦ និង​នៅ​ថ្ងៃទី​២៧ ខែមករា ឆ្នាំ​២០១៩ និង​កាលពី​អំឡុង​ខែមិថុនា ឆ្នាំ​២០១៩ តាម​បញ្ញត្តិ​មាត្រា ៤៥៣ មាត្រា ៤៩៤ និង​មាត្រា ៤៩៥ នៃ​ក្រមព្រហ្មទណ្ឌ នៃ​ព្រះរាជាណាចក្រ​កម្ពុជា​។​
​យោងតាម​មាត្រា ៤៥៣ : បទ​រួមគំនិត​ក្បត់ ត្រូវ​ផ្តន្ទាទោស​ដាក់ពន្ធនាគារ​ពី ៥​ឆ្នាំ ទៅ ១០​ឆ្នាំ និង​ត្រូវ​ផ្តន្ទាទោស​ដាក់ពន្ធនាគារ​ពី ១០​ឆ្នាំ ទៅ​២០​ឆ្នាំ ប្រសិន​បទល្មើស​ត្រូវបាន​ប្រព្រឹត្ត​ដោយ​អ្នករាជការ​សាធារណៈ​។ មាត្រា ៤៩៥ : បទ​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​ត្រូវដាក់​ពន្ធនាគារ​ពី ៦​ខែ និង​ពិន័យ​ជា​ប្រាក់ ១​លាន​រៀល ទៅ ៤​លាន​រៀល​៕​សរន​

រូបថតៈនៅ​រសៀល​ថ្ងៃទី​១៤​ខែវិច្ឆិកា​នេះ​សមត្ថកិច្ច​បាន​យក​ដីកា​ទៅ​បិទ​នៅ​អតីត​ស្នាក់ការ​នៃ​អតីត​គណបក្ស​សង្គ្រោះ​ជាតិ ដើម្បី​កោះហៅ​មនុស្ស​ចំនួន ៦៨​នាក់ ផ្សេងទៀត ឲ្យ​ចូល​សវនាការ​នៅ​ថ្ងៃទី​២៦ ខែវិច្ឆិកា​ខាងមុខនេះ លើ​សំណុំរឿង​រួមគំនិត​ក្បត់ ញុះញង់​ឲ្យ​មាន​ភាពវឹកវរ​ធ្ងន់ធ្ងរ​ដល់​សន្តិសុខ​សង្គម និង​ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍​

ទីតាំងផ្សាយពាណិជ្ជកម្ម

- Advertisment -

Most Popular