Home កម្សាន្ត ទេព កញ្ញា បើទ...

ទេព កញ្ញា បើទោះបី​ជាមាន​កូ​វីដ​-១៩​ក៏​ការងារ​មិន​ថយចុះ​

ដោយ បូ​រិ​ន /​ភ្នំពេញៈ តារា​សម្តែង​មាត់​មុខ​ដូច​កូនកាត់​បរទេស ទេព កញ្ញា បើទោះបីជា​សម័យ​កូ​វីដ​១៩​ក៏​ដោយ​​ក៏​នាង​មិន​ទម្លាក់​ដៃ​ឡើយ​ក្នុងការ​ស្រវា​ទីផ្សារការងារ​និង​ឱកាសល្អៗ​ជាច្រើន ដើម្បី​ក្លាយខ្លួនជា​តារា​ស្រី​ឈានមុខ​នៅ​កម្ពុជា​។​

តារា​ស្រី​មាន​សម្បុរ​សខ្ចី​រូបនេះ មាន​ស្នាដៃ​ជាច្រើន​ក្នុង​រឿង​ភាគ​ខ្មែរ​របស់​ស្ថានីយទូរទស្សន៍​ជាច្រើន ​នាង​​​​​​​បាន​ប្រាប់ឱ្យដឹង​កាលពី​ថ្ងៃទី​១៤ ខែវិច្ឆិកា ថា នាង​ពិតជា​ត្រេកអ​រន​សប្បាយចិត្ត​ជាខ្លាំង​ដែល​នាង​ទទួលបាន​តំណែង​តួឯក​ស្រី​ក្នុង​រឿង​ភាគ​ថ្មី “​ស្រមោល​ជីវិត​” របស់​ស្ថានីយទូរទស្សន៍​លេខ​៥ ។​អ្វីដែល​ពិសេស​សម្រាប់​នាង​នោះ នាង​បាន​ប៉ះគ្នា​ជាមួយនឹង​តួឯក​ប្រុស ណា​ខុន ។

​តារា​ស្រី​រូបនេះ បាន​និយាយថា សម្រាប់​រឿង​ភាគ​ថ្មី​ដែល​នឹង​ចេញ​ថត​ចុងឆ្នាំ​នេះ ហើយនឹង​ត្រៀម​ចាក់​បញ្ចាំង​នៅ​២០២១​ខាងមុខ​។ “​ស្រមោល​ជីវិត​”​ដែល​គ្រង​បាន​តួឯក​ស្រី​លេង​ប៉ះគ្នា​ជាមួយ​លោក ណា​ខុន នោះ​នាង​សន្យា​ខំប្រឹង​បញ្ចេញ​សមត្ថភាព​ឱ្យអស់​ខ្លួន​ដើម្បី​ធានា​ធ្វើយ៉ាងណា​រឿង​ភាគ​ខ្មែរ​មួយ​នេះ ល្អមើល​ទាំង​គុណភាព​និង​បច្ចេកទេស​។ នាង​ក៏​សូម​អគុណ​ដល់​អ្នកគាំទ្រ ដែល​តែងតែ​ស្រលាញ់​ពេញចិត្ត​ចំពោះ​ស្នាដៃ​របស់​នាង​កន្លងមក មិន​ថា​រឿង​ខ្លីៗ ឬ រឿង​ភាគ​លើ​កញ្ចក់​ទូរទស្សន៍​មួយណា​ឡើយ​។​

​សូមបញ្ជាក់ អ្នកគាំទ្រ​របស់​នាង​លាន់មាត់ និង សរសើរ​ចំពោះ​តារា​ស្រី​ស្អាត​រូបនេះ មិន​ត្រឹមតែ​ស្អាត និង ពូកែ​សម្តែង​នោះទេ ថែមទៀត​ចេះ​ច្រៀង​បង្ហាញ​ពី​ទេពកោសល្យ​របស់​នាង​ធ្វើឱ្យ​មហាជន​ភ្ញាក់ផ្អើល​ផងដែរ​។​

សូម​រំលឹកថា តារា​សម្តែង ទេព កញ្ញា មុន​ថ្ងៃ​ខួបកំណើត​ឆ្នាំ​២០២០​នេះ នាង​បានធ្វើ​រឿង​ល្អ​មួយ​ដោយ​នាង​ទៅ​ជួប​ក្មេងៗ​ជនពិការ​លើកទឹកចិត្ត​ជូនអំណោយ​។​សកម្មភាព​របស់​នាង​ដែល​ចេញទៅ​ជួប​ក្មេងៗ​ជនពិការ​នៅ​អង្គការ​​សាមគ្គីធម៌​ម៉ា​រី​ស្ត​ប​កម្ពុជា កាលពី​ថ្ងៃទី​១ ខែកុម្ភៈ ឆ្នាំ​២០២០​កន្លងមកនេះ ត្រូវបាន​អ្នកគាំទ្រ​នាង​និង​មហាជន​សរសើរ​ចំពោះ​ទឹកចិត្ត​ល្អ​របស់​នាង ដែល​ចេះ​ឱកាស​មុន​ថ្ងៃ​ខួបកំណើត​ឆ្នាំនេះ ធ្វើបុណ្យ​និង​ការចែក​រំលែក​សេចក្តីស្រលាញ់​៕

ទីតាំងផ្សាយពាណិជ្ជកម្ម

- Advertisment -

Most Popular