Home ព័ត៌មានជាតិ សន្តិសុខ រកឃើញ​សព​ស្ត្...

រកឃើញ​សព​ស្ត្រី​ដែល​ផ្ទះ​កញ្ចក់​លំហែកាយ​បាក់ស្រុត​ចូលក្នុង​ស្រះ​ទឹក​សង្កត់ពីលើ​ហើយ​

​ដោយៈ​រ៉ា​ម៉ន​/​ភ្នំពេញៈក្រោយ​ម្ចាស់​ភូមិគ្រឹះ​បូមទឹក​ចេញ​អស់ នា​ម៉ោ​១១​ព្រឹក​ថ្ងៃទី​១៥​វិច្ឆិកា​នេះ សព​ស្ត្រី​ត្រូវ​ផ្ទះ​កញ្ចក់​លំហែរ​កាយ​កំពស់​២​ជាន់​មួយ​នៅជាប់​មាត់​ស្រះ​ក្នុងភូមិ​គ្រឹះ​របស់​ឧកញ៉ា​ម្នាក់​បាក់ស្រុត​ចូលក្នុង​ស្រះ​ទឹក​សង្កត់​លើ​នោះ​ត្រូវបាន​រកឃើញ​។​

​ស្ត្រី​រងគ្រោះ​មានឈ្មោះ​ហ៊ុន សំបូរ អាយុ​៦១​ឆ្នាំ ជា​ស្ត្រី​មេម៉ាយ សព្វថ្ងៃ​ស្នាក់នៅ​ក្នុងភូមិ​សំរោង​ទាវ សង្កាត់​ក្រាំងធ្នង់ ខណ្ឌ​សែន​សុខ បំរើការ​ជា​កម្មករ​ផ្នែកអនាម័យ​ប្រចាំ​នៅផ្ទះ​កើតហេតុ​ខាងលើ​។​

​គួរ​បញ្ជាក់ថា ហេតុការណ៍​នេះ​បាន​កើតឡើង​តាំងពី​ម៉ោង​១០​កន្លះ​ព្រឹក ថ្ងៃទី​១៤ ខែវិច្ឆិកា ឆ្នាំ​២០២០ ​នៅ​​​​ក្នុង​​ភូមិគ្រឹះ​ដ៍​ស្កឹមស្កៃ​មួយកន្លែង តាមផ្លូវ​បេតុង ភូមិ​សំរោង​ទាវ សង្កាត់​ក្រាំងធ្នង់ ខណ្ឌ​សែន​សុខ​។ ប៉ុន្តែ​ម្ចាស់ផ្ទះ​លាក់លៀម​មិនបាន​រាយការណ៍​មក​នោះទេ​គឺ សុខចិត្ត​ស​ង្ងំ​កកាយ​រក​សព តែ​អស់ជម្រើស រហូតដល់​វេលា​ម៉ោង​៦​ព្រលប់​ថ្ងៃ​ដដែល​ទើប​បែកធ្លាយ​ផ្អើល​អ្នកស្រុក​តែម្តង​។​

​ប្រជា​ពល​រដ្ន​នៅក្បែរ​ភូមិគ្រឹះ​ខាងលើ​បាន​ឲ្យ​ដឹងថា នៅវេលា​កើតហេតុ​ខាងលើ ពួកគាត់​ឮសូរ សម្លេង​បាក់ស្រុត​រលំ​ផ្ទះ​កញ្ចក់​នោះដែរ តែ​មិន​ចាប់អារម្មណ៍ នឹកគិត​ថា​គេ​វាយ​ផ្ទះ​ចាស់​ចោល ដើម្បី​សង់​ថ្មី ស្រាប់តែ​មកដល់​ព្រ​លប់​​ថ្ងៃ​ដដែល​ទើប​ភ្ញាក់ផ្អើល​ថា​មាន​ស្ត្រី​ម្នាក់​បាន​ស្លាប់​។ ហើយ​ទីតាំង​កើតហេតុ ត្រូវបាន​ម្ចាស់ បិទទ្វារ​របង​ជាប់ ក្រៅពី​សមត្ថកិច្ច មិន​អនុញាតិ​ឲ្យ​ចូល​ឡើយ ហើយ​ការងារ​បូមទឹក​រើកកាយ​រក​សព នៅតែ​បន្ត​អស់​ច្រើន​ម៉ោង​ក៏​រក​មិនឃើញ​រហូតដល់​ម៉ោង​១១​ព្រឹក​ថ្ងៃទី​១៥​វិច្ឆិការ​នេះ​ទើប​សមត្ថកិច្ច​រុករក​ឃើញ​៕​

ទីតាំងផ្សាយពាណិជ្ជកម្ម

- Advertisment -

Most Popular

ចិន​នឹង​ដាក់​ចេញ​នូវ​ពន្ធ...

​ប្រែ​សម្រួល : កញ្ញា​ដា​ល...

MiG-29k​របស់​ឥណ្ឌា​ធ្លាក់...

​ប្រែ​សម្រួលៈ​វាសនា​/​មូ​...

បញ្ជូន​មន្ត្រីនគរបាល​ប៉ុស...

​ដោយៈ ស​រិ​ទ្ធ / ភ្នំពេញៈ...

ព្យួរ​មុខតំណែង​មេបញ្ជាការ...

​ដោយៈ ទេព មង្គល / ភ្នំពេញ...