Home ព័ត៌មានជាតិ សន្តិសុខ ប្រកាស​ស្វែងរ...

ប្រកាស​ស្វែងរក​ក្រុមគ្រួសារ​សព​បុរស​ម្នាក់​ដែល​ត្រូវ​រថយន្ត​កិន​ស្លាប់​នៅ​កំណាត់​ផ្លូវ​៦០​ម៉ែត្រ​

​ដោយៈ​ស​រិ​ទ្ធ​/​ភ្នំពេញៈ​នគរបាល​ខណ្ឌ​មានជ័យ នៅ​ព្រឹក​ថ្ងៃទី​១៥ ខែវិច្ឆិកា​នេះ បានប្រកាស​ស្វែងរក​ក្រុម​គ្រួសារ​​សព​​​​បុរស​ម្នាក់​ដែល​ត្រូវ​រថយន្ត​កិន​ស្លាប់ នៅលើ​កំណាត់​ផ្លូវ​៦០​ម៉ែត្រ ដោយ​ប​ច្ចុន្ន​សព​តម្កល់​នៅ​វត្ត​ស្ទឹងមានជ័យ​។​

​ជនរងគ្រោះ ស្លៀកខោ​ខូវ​ប៊ូ​យ ក្រោម​ក្បាលជង្គង់ ពាក់អាវ​យឺត​ពណ៌​លឿង ពាក់មួក​ការពារ​ពណ៌​ស ជិះ​ម៉ូតូ​ម៉ាក​សេ​១២៥​ពណ៌​ខ្មៅ សេរី​២០១៧ ស្លាក​លេខ ភ្នំពេញ ១GD៨៩ ៤២ ។​ អាស្រ័យហេតុនេះ​នគរបាល សូម​អំពាវនាវ​ដល់​ក្រុមគ្រួសារ​ណា ដែល​បាត់​សមាជិក សូម​មក​ទាក់ទង​ដើម្បី​ពិនិត្យ និង​យក​សព​ទៅធ្វើ​បុណ្យ​តាម​ប្រពៃណី​។​

​គួររំលឹកថា បុរសរងគ្រោះ​ត្រូវបាន​រថយន្ត​មិន​ស្គាល់​ម៉ាក បាន​បើក​កិន​ចំក្បាល​បណ្តាល​ឲ្យ​ស្លាប់ កាលពី​វេលា​ម៉ោង​៩ និង​៣០​នាទី​យប់ ថ្ងៃទី​១៤​ខែវិច្ឆិកា​ឆ្នាំ​២០២០ នៅតាម​បណ្តោយ​ផ្លូវ​៦០​ម៉ែត្រ ភូមិ​ព្រែក​តា​គង់ សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ​៕

ទីតាំងផ្សាយពាណិជ្ជកម្ម

- Advertisment -

Most Popular