Home ព័ត៌មានអន្តរជាតិ នាយករដ្ឋមន្ត្...

នាយករដ្ឋមន្ត្រី​បូរី​ស ច​ន​សុន ធ្វើ​ចត្តា​ឡី​ស័ក ក្រោយ​សមាជិក​សភា​តេស្ត​វិជ្ជ​មានកូ​វីដ​១៩

​ប្រែ​សម្រួល : កញ្ញា​ដា​លី​ស​/​ឡុង​ដ៍ ៖ លោក​បូរី​ស ច​ន​សុន​កំពុង​ធ្វើ​ចត្តា​ឡី​ស័ក បន្ទាប់ពី​បាន​ប៉ះពាល់​ជាមួយ​សមាជិក​សភា​ម្នាក់ ដែល​បាន​ធ្វើ​តេស្ត​វិជ្ជ​មានកូ​វីដ​១៩​។​

​យោងតាម​អ្នកនាំពាក្យ​របស់​ការិយាល័យ​នាយករដ្ឋមន្ត្រី​ឱ្យដឹងថា នាយករដ្ឋមន្ត្រី ដែល​ចូល​បន្ទប់​សង្គ្រោះ​បន្ទាន់កា​លពី​ខែមេសា “​មាន​សុខភាព​ល្អ​” ហើយ​មិន​មាន​រោគសញ្ញា​ណាមួយ​នៃ​វីរុស​កូរ៉ូ​ណា​នោះ​ទេ​។​

​លោក​ច​ន​សុន​ត្រូវ​បាន​ណែនាំ​ឱ្យ​ធ្វើ​ចត្តា​ឡីស័​កដោយ​ក្រុមការងារ​ធ្វើតេស្ត​និង​តាមដាន​របស់​ទីភ្នាក់ងារ​សុខភាព​ជាតិ (NHS) បន្ទាប់​ពី​ចូលរួម​កិច្ចប្រជុំ​រយៈពេល ៣៥​នាទី​ជាមួយ​សមាជិក​សភា​មួយ​​ក្រុម​តូច​នៅ​វិមាន​រដ្ឋាភិបាល (Downing Street) កាលពី​ព្រឹក​ថ្ងៃ​ព្រហស្បតិ៍​រួមទាំង​សមាជិក​សភា​សម្រាប់​សង្កាត់​អា​ស្វៀ លោក លី អែន​ឌឺ​សុន​។​

​លោក​អែន​ឌឺ​សុន​បាន​និយាយ​នៅ​លើ​ហ្វេ​សប៊ុក​ថា​លោក​បាន​ចាប់ផ្តើម​មាន​រោគសញ្ញា​កូវី​ដ​១៩​កាលពី​ថ្ងៃ​សុក្រ ហើយ​បន្ទាប់​ពី​ធ្វើតេស្ត​កាលពី​ថ្ងៃ​សៅរ៍​ក៏​ទទួលបាន​លទ្ធផល​វិជ្ជមាន​នៅ​ព្រឹក​ថ្ងៃអាទិត្យ​​ទី​១៥​វិច្ឆិកា​។​

​អ្នកនាំពាក្យ​ការិយាល័យ​នាយករដ្ឋមន្ត្រី​បាន​និយាយថា​”​នាយក​រដ្ឋមន្ត្រី​នៅ​ថ្ងៃនេះ​ត្រូវ​បាន​ជូនដំណឹង​ដោយ​ក្រុមការងារ​ធ្វើតេស្ត​និង​តាមដាន​របស់​ទីភ្នាក់ងារ​សុខភាព​ជាតិ​ថា​គាត់​ត្រូវ​តម្រូវឱ្យ​​ធ្វើ​ចត្តា​ឡីស័​កក្នុងនាម​ជា​ជនមាន​ទំនាក់ទំនង​ជាមួយ​អ្នក​ដែល​តេស្ត​វិជ្ជ​មានកូ​វីដ​១៩​។ នាយករដ្ឋមន្ត្រី​នឹង​ធ្វើ​តាម​ច្បាប់ និង​កំពុង​បង្ខាំង​ខ្លួនឯង​នៅ​ឯកោ​។ ​លោក​នឹង​បន្ត​ធ្វើការ​ពី​លំនៅដ្ឋាន​នៅ​វិមាន​រដ្ឋាភិបាល រួម​ទាំង​ការដឹកនាំ​ការឆ្លើយតប​របស់​រដ្ឋាភិបាលចំពោះ​ជំងឺរា​ត​ត្បាត​”៕

​លោក​បូរី​សចន​សុន​ធ្វើ​ចត្តា​ឡី​ស័ក ក្រោយ​សមាជិកសភា លី អែន​ឌឺ​សុន តេស្ត​វិជ្ជ​មានកូ​វីដ​១៩

ទីតាំងផ្សាយពាណិជ្ជកម្ម

- Advertisment -

Most Popular