Home ព័ត៌មានជាតិ សន្តិសុខ ​សមត្ថកិច្ច ប...

​សមត្ថកិច្ច បើក​ការស្រាវជ្រាវ ករណី​ក្រុមចោរ ចូល​លួច​ខោ​ខូវប៊យ ក្នុង​រោងចក្រ​មួយកន្លែង​

​ដោយៈ ស​រិ​ទ្ធ / កណ្តាលៈ ករណី​ក្រុមចោរ ចូល​លួច​ខោ​ខូវប៊យ ក្នុង​រោងចក្រ យីហោ ដេ​នី​ម អ៊ែ​ប៊ី​ឡូ (​ខេ​ម​បូ​ឌា​) ហ្គា​មិន ស្ថិតនៅ​ក្នុងភូមិ​តា​ឡឹ​ក ឃុំ​ត្រពាំងវែង ស្រុក​កណ្តាលស្ទឹង កាលពី​យប់ ថ្ងៃទី​១៣ វិច្ឆិកា កន្លង​ទៅ​នេះ បាន​ត្រូវ​សមត្ថកិច្ច​នគរបាល ព្រហ្មទណ្ឌ​ស្រុក​កណ្តាលស្ទឹង សហការ​ជាមួយ នគរបាល​ការិយាល័យ ព្រហ្ម​ទណ្ឌ​កម្រិត​ស្រាល ខេត្តកណ្តាល បើក​ការស្រាវជ្រាវ នៅ​ថ្ងៃទី​១៦ ខែវិច្ឆិកា ឆ្នាំ​២០២០ ដើម្បី​ឈានទៅ​ចាប់​មុខ​សញ្ញា យកមក​ផ្តន្ទាទោស តាមច្បាប់​។​

​ចំពោះ​ការបាត់បង់ ដោយសារ​ចោរកម្ម​នេះ មាន ខោ​ខូវប៊យ​ជើងវែង ចំនួន ៥.៦០០ ដែល​គិត​ជា​ទឹកប្រាក់ ប្រមាណ ៤០.០០០ ដុល្លារ​អាម៉េរិក ។ ក្រុមចោរ ក៏បាន​បន្សល់ទុក​កន្ត្រៃ ដង​ស្រោប​ជ័រ ពណ៌​លឿង លាយ​បៃតង​មួយ នៅនឹងកន្លែង ។​

​ប្រភពព័ត៌មាន បាន​រាយការណ៍​ថា នៅ​ម៉ោង ៦ ល្ងាច ថ្ងៃទី​១៣ វិច្ឆិកា កម្មករ​រោងចក្រ បាន​ចេញពី​ធ្វើការ ថែម​ម៉ោង និង​បាន​បិទទ្វារ​ឃ្លាំង រួច​ចេញទៅ​ផ្ទះ​អស់ ។ លុះ​នៅ​ថ្ងែ​ទី​១៤ វិច្ឆិកា វេលា​ម៉ោង ៦​និង​៤០ នាទី​ព្រឹក ពេល​កម្មករ ចូលធ្វើការ​វិញ មាន​កម្មករ​ម្នាក់ ឈ្មោះ ប៉ុ​ម ពេជ្រ ដែលមាន​តួនាទី ជា​ប្រធាន​ក្រុម​វេច​ខ្ចប់ បានឃើញ​កា​តុង​វេច​ខ្ចប់ ខោ​ខូវប៊យ មាន​សភាព​រាយប៉ាយ ទើប​ដឹងថា មាន​ចោរ​ចូល​លួច និង​ទូរស័ព្ទ ប្រាប់​ប្រធាន​រដ្ឋបាល​។​

​ភ្លាមនោះ ប្រធាន​រដ្ឋបាល​រោងចក្រ បាន​ទូរស័ព្ទ ទៅប្រាប់​ប្រធាន​សន្តិសុខ ពី​ករណី​ចោរ​ចូល​លួច​ខោ​ខូវប៊យ ។ លុះដល់​ម៉ោង ៧​និង​៣០ នាទី​ព្រឹក ប្រធាន​រដ្ឋបាល​រោងចក្រ មកដល់ និង​ត្រួត​ពិនិត្យមើល តាម​ទ្វារ និង​បង្អួច ពុំ​ឃើញ​មាន​ស្នាម​គាស់​ទេ ។ លុះ​ចូលទៅ​មើល ក្នុង​ឃ្លាំង ទើប​ឃើញ​មាន​ស្នាម​គាស់ ពិតាន និង​ដំបូល ក៏​ទៅ​ឆែក​មើល​កាមេរ៉ា​សុវត្ថិភាព ឃើញ​សកម្មភាព​ចោរ ចូល​លួច​ខោ និង​បាន​ទូរស័ព្ទ​ប្តឹង នគរបាល​ប៉ុស្តិ៍​ឃុំ​ត្រពាំ​ង​វែង ទៅពិនិត្យ​ដល់ទី​កន្លែង ៕

ទីតាំងផ្សាយពាណិជ្ជកម្ម

- Advertisment -

Most Popular

ទើប​ចេញពី​ពន្ធនាគារ បាន ៩...

ដោយៈ ប​.​ជ័យ / បន្ទាយ​មាន...

តុលាការ​ថៃ​ព្រមាន​ទុក​នៅ​...

​ប្រែ​សម្រួលៈ​វាសនា​/​បាង...

សម្តេច​ចក្រី ហេង សំរិន រំ...

ដោយៈ​បូព៌​ព្រឹក្ស​/​ភ្នំព...

ស្លាប់​២​នាក់ របួសធ្ងន់​២...

ដោយ ៖ ប​.​ជ័យ / បន្ទាយ​មា...