ទឹកជំនន់ បាន​ស្រក​ជិត​អស់ តែ​ការចែក​អំណោយ ជូន​ពលរដ្ឋ​រងគ្រោះ នៅ​បន្ត​

ដោយៈ ភ្នំ​ស្វាយ / បន្ទាយ​មាន​ជ័​យៈ នេះ​ជាការ​ទទួលខុសត្រូវ ក្នុងការ​ដោះស្រាយ​សម្រាល ទុក្ខលំបាក​របស់ ប្រជាពលរដ្ឋ​រងគ្រោះ កន្លងមក​។ ជាក់ស្តែង ក្នុង ២ ថ្ងៃ​កន្លងទៅនេះ​ការ​គៀង គរ​បាន​អំណោយ​ស្បៀងអាហារ បាន​បន្ត​នាំទៅ​ចែកជូន ពលរដ្ឋ​រងគ្រោះ ដោយ​ទឹកជំនន់ បើទោះបី​ទឹក បាន​ស្រក​ជិត​អស់ទាំង​ស្រុង ទៅហើយ​ក៏ដោយ ។​

​នៅ​សង្កាត់​ភ្នៀ​ត ថ្ងៃទី​១៦ ខែ​វិច្ចិកា ឆ្នាំ​២០២០ ពលរដ្ឋ​បារាំង ដើមកំណើត​ខ្មៃ​រ នៅ​ប្រទេស​បារាំង តាមរយៈ​កញ្ញា សឿង ស៊ីថន ជា​តំណាង និង​លោក ហួត សា​វឺ ចៅសង្កាត់​ភ្នៀ​ត ក្រុង​សិរី សោភ័ណ បានផ្តល់​អំណោយ ដល់​ពលរដ្ឋ ១០០ គ្រួសារ នៅ​សង្កាត់​នេះ ដោយ​ទទួលបាន​អង្ករ ២០ គីឡូក្រាម មី​មួយ​កេស ត្រីខ​មួយ​ដុំ និង​ភួយ​មួយ សម្រាប់​ក្នុង​១​គ្រួសារៗ ។​

​កាលពី​ថ្ងៃទី​១៥ ខែវិច្ឆិកា លោក អន ស៊ុំ លេខាធិការ គណៈកម្មការ​ទី​៤ ព្រឹទ្ធសភា លោក​ឈើ​យ ចាន់ណា លេខាធិការ​គណៈកម្មកា​រ​ទី​៧ ព្រឹទ្ធសភា និង​ជា​សមាជិក​ក្រុម​សមាជិក​ព្រឹទ្ធសភា ប្រចាំ​ភូមិភាគ​ទី​៤ ព្រមទាំង​តំណាងរាស្ត្រ មណ្ឌល​បន្ទាយមានជ័យ ៣ រូប​ផ្សេងទៀត និង​មន្ត្រី អាជ្ញាធរ​ដែនដី បានរួម​គ្នា ចុះសួរសុខទុក្ខ និង​នាំយក​អំណោយ ជូន​ដល់​ប្រជាពលរដ្ឋ ជួប​ការ លំបាក រងគ្រោះ​ដោយ​ជំនន់​ទឹកភ្លៀង ចំនួន ៥៥ គ្រួសារ ក្នុងភូមិ​ទាំង​៥ ឃុំ​សូ​ភី ស្រុក​អូរជ្រៅ ខេត្ត​បន្ទាយ​មា​ជ័យ ដោយ​មួយ​គ្រួសារ ទទួលបាន​អង្ករ ២០ គីឡូក្រាម មី​ថៃ​១​កេះ ត្រីខ ទឹកស៊ីអ៊ីវ ទឹកត្រី ថ្នាំលាប​កមរមាស់ ។​

​នៅ​ថ្ងៃ​ដដែល​នោះដែរ នា​ឃុំ​ច​ង្ហា​រ ជិតខាង នៃ​ស្រុក​អូរជ្រៅ លោក​ឧ​ត្ត​ម​សេនីយ៍ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ និង​សហការី មន្ត្រី​អាជ្ញាធរ​ដែនដី​បាន​ចុះ​សំណេះ សំ​ណា​ល សួរសុខទុក្ខ និង​ចែក​អំណោយ ស្បៀងអាហារ ថវិកា ១ លើក​ទៀត ដល់​ប្រជាពលរដ្ឋ ដែល​រងគ្រោះ ដោយ​ទឹកជំនន់ កន្លងមក នៅ​ឃុំ​នេះ ចំនួន ១៥៣ គ្រួសារ​បន្ថែមទៀត​។​

​រីឯ​នៅ​ក្រុង​សិរីសោភ័ណ​វិញ នា​ថ្ងៃ​ចុង​សប្តាហ៍ កន្លងទៅ សមាជិក​ព្រឹទ្ធសភា រដ្ឋសភា និង​លោក ហ៊ឹ​ល រ៉ា​យ៉ា អភិបាលក្រុង បាន​ចែក​អំណោយ​ស្បៀង ដល់​ប្រជាពលរដ្ឋ ដែល​បាន​រងគ្រោះ ដោយ​ទឹកជំនន់ និង​ជនក្រីក្រ ចំនួន ៥០ គ្រួសារ នៅ​ក្រុង​នេះ ។​

​ឥស្សរជន មន្ត្រី បាន​រំលឹក​បណ្តាំ​សួរសុខទុក្ខ ចែករំលែក​ការលំបាក ពី​ប្រមុខ​ថ្នាក់ដឹកនាំ និង​បានផ្តល់​កម្លាំងចិត្ត ឱ្យ​បងប្អូន​រងគ្រោះ​ដោយ​ទឹកជំនន់ កន្លងទៅ ខិតខំ​ស្តារ​ជីវភាព​ឡើងវិញ នៅពេល​ទឹកសម្រក​នេះ ៕​PC

 

ទីតាំងផ្សាយពាណិជ្ជកម្ម

- Advertisment -

Most Popular

ផ្អាក​ដំណើរការ​សាលារៀន​អន...

ដោយ​:​សុផល​/​ភ្នំពេញ​: ក្...

សម័យ​ប្រឡង​ឌី​ប្លូ​មនៅ​ថ្...

​ដោយៈ​ដេប៉ូ​/​ភ្នំពេញៈ​មន...

បញ្ចូលសមាជិកបក្សជាង១០០នាក...

ដោយ:ទេពកង្រី/កំពង់ឆ្នាំង:...

ករណីពុល​ស្រាស​៖ ​អ្នកស្លា...

​ដោយ​: ទេ​ពក​ង្រី / ខេត្ត...