បញ្ចុះបឋមសិលា សាងសង់​អគារ​ស្នាក់នៅ និង​អគារ​ផ្ទះបាយ នៅ​ស្នងការដ្ឋាន​នគរបាល ខេត្តកំពង់ធំ​

ដោយៈ ភ្នំ​ស្វាយ / កំពង់ធំៈ ស្នងការ​នគរបាល ខេត្តកំពង់ធំ រួមទាំង ស្នងការរង និង​ថ្នាក់ដឹកនាំ នៃ​ស្នងការដ្ឋាន​នគរបាល​ខេត្ត បានធ្វើ​ពិធី​បញ្ចុះបឋមសិលា សាងសង់​អគារ​ពីរ​ខ្នង ទី​១ អគារ សម្រាប់​កងកម្លាំង​អន្តរាគមន៍ និង​ទី​២ អគារ​អាហា​រដ្ឋា​ន ក្នុង​បរិវេណ​ស្នងការដ្ឋាន នគរបាល ខេត្តកំពង់ធំ នា​ថ្ងៃទី ១៦ ខែវិច្ឆិកា ឆ្នាំ​២០២០​។

​យោង​មន្ត្រី​ក្រុមការងារ​សាងសង់ បានអោយដឹងថាៈ អគារ​ទាំង ២ គ្រោង​នឹង​សាង់សង់ឡើង អំពី​ថ្ម ប្រក់​ក្បឿង មាន​ទំហំ ៧,៥០ ម​. គុណ ៣៦,៥០ ម​. សម្រាប់ កម្លាំង​អន្តរាគមន៍ ស្នាក់នៅ​។ អគារ​ផ្ទះបាយ មាន​ទំហំ ៨​ម​. គុណ ១២​ម​. សម្រាប់​ឲ្យ​កងកម្លាំង បរិភោគ​បាយ​រួមគ្នា​។

​លោក​ឧ​ត្ត​ម​សេនីយ៍​ទោ ម៉ែន លី ស្នងការ​នគរបាល ខេត្តកំពង់ធំ បានអោយដឹងថាៈ បំណង នៃ​ការសាងសង់​អគារ សម្រាប់​កម្លាំង​អន្តរាគមន៍ គឺជា​ភាពងាយស្រួល ក្នុងការ​ប្រមូល​កម្លាំង អន្តរាគមន៍ ឲ្យ​ប្រចាំការ ២៤​ម៉ោង លើ​២៤​ម៉ោង នៅក្នុង​ស្នងការដ្ឋាន​នគ​បាល​ដើម្បី​ចេញ​ជួយ អន្តរាគមន៍ តាម​បទបញ្ជា​របស់​ថ្នាក់ដឹកនាំ​ខេត្ត ក៏ដូចជា បទបញ្ជា​ថ្នាក់លើ និង​ត្រៀមខ្លួន​ជាស្រេច ក្នុង​ការចេញ​ជួយ​អន្តរាគមន៍ រាល់​សកម្មភាព​ជួយសង្គ្រោះ និង​ទប់ស្កាត់ បទល្មើស​នានា ឲ្យ​បាន​ទាន់ពេលវេលា​។

​លោក​ឧ​ត្ត​ម​សេនីយ៍​ទោ ម៉ែន លី បាន​បន្តទៀតថាៈ ក្នុងនាម​ជា​កងកម្លាំង ត្រូវតែ​ត្រៀមខ្លួន ជាស្រេច ដើម្បី​បំរើ​ប្រជាពលរដ្ឋ ពោលគឺ​សុខទុក្ខ និង​ភាពសុខសាន្ត របស់​ប្រជាពលរដ្ឋ គឺជា​សេចក្តីសុខ របស់​ថ្នាក់ដឹកនាំ និង​ជា​តួនាទី​ការងារ​ចាំបាច់ របស់​កម្លាំង​សមត្ថកិច្ច ៕​PC

ទីតាំងផ្សាយពាណិជ្ជកម្ម

- Advertisment -

Most Popular