តើ​ក្រុង​សៀមរាប​នឹង​ត្រលប់​ទៅរក​ភាព​រ៉ុង​រឿង​ដូច​កាលពី​អត​តី​ត​កាល​ឫ​?

ដោយៈ​ច្រាយ ចំណាន​/​សៀមរាបៈ នៅពេល​អ្នកដើរ​ចូល​ប​រិ​វេណ​អង្គរ តើ​អ្នក​ទៅ​មើល​ថ្ម ឬ​ទៅ​ស្វែងរក​អ​តី​តៈ​កាល ដែល​ធ្លាប់​រ៉ុង​រឿង ហើយ​ព្យាយាម​ប្រើប្រាស់​មូលដ្ឋាន​ចំណេះដឹង​របស់​អ្នក ដើម្បី​កសាង​អ​តី​តៈ​មហានគរ​នេះ​ឲ្យ​មាន​ភាព​រ៉ុង​រឿង​ជាថ្មី​?​។​

ដែនដី​ដ៏​មហស្ចារ្យ​នេះ បាន​លិចលង់​ជាមួយនឹង​មនោគមន៍វិជ្ជា​អសោច ដែល​បំពុល​ឡើង​ដោយ​ជនបរទេស ហើយ​ផ្នត់គំនិត​អាត្មានិយម​បាន​រីក​សុះសាយ ក្នុង​ផ្នត់គំនិត​ខ្មែរ​សិប​ជំនាន់ ដែល​សូម្បីតែ​បងប្អូន​បង្កើត​នៅក្នុង​គ្រួសារ​តែមួយ ក៏​ប្រឹង​ជាន់គ្នា ដើម្បី​ដណ្តើមយក​ឧត្តមភាព​ដែរ​។​

មកដល់​សតវត្សរ៍​ទី​២១​នេះ ខ្មែរ​បាន​រួបរួមគ្នា ក្នុងខណៈពេល​ដែនដី​ធ្លាប់​រ៉ុង​រឿង​កាលពី​៨០០​ឆ្នាំមុន​បាន​រូ​ញ​តូច និង​ស្ទើរ​បាត់​ពី​ផែនទី​ពិភពលោក នៅ​ចុង​សតវត្សរ៍​ទី​១៩​។​

អាណាចក្រ​អង្គរ​ដែល​បានចាប់ផ្តើម​ពី​ឆ្នាំ​៨០២ ដល់​ចុង​សតវត្សរ៍​ទី​១៣​បាន​សាយភាយ​កេ​រ្ត៍​ឈ្មោះ កិត្យានុភាព​យ៉ាង​សុះសាយ​ទៅកាន់​ពិភពលោក ដោយសារ​អំណាច​នៃ​ការ​រួបរ​រួម ដោយសារ​មនោគមវិជ្ជា​ដ៏​ស័ក្តិ​សិ​ទ្ឋ ដែល​មហានគរ​មាន​មាន​មេដឹកនាំ ដែល​ចេះ​បង្រួបបង្រួម និង​គោរព​គោលការណ៍ “​ការរួបរួម និង​តម្កល់​ប្រយោជន៍​ជាតិ​ជាធំ​”​។​

តើ​យើង​អាច​ត្រលប់​ទៅរក​អតីតកាល​វិញ​បាន​ឬទេ និង​ប្រែក្លាយ​ទឹកដី​ដ៏​ស័ក្តិ​សិ​ទ្ឋ​នេះ​ស្គាល់​ភាព​រ៉ុង​រឿង​ជាថ្មី​ឬ​យ៉ាងណា​?

ក្រោម​គំនិត​ផ្តួចផ្តើម​របស់​រដ្ឋាភិបាល ទីក្រុង​នេះ​នឹងមាន​ភាពស្រស់​បំព្រង​ឡើងវិញ បន្ទាប់ពី​ផ្លូវ​តូច ធំ​ចំនួន​៣៨​ខ្សែ​បញ្ចប់​ការស្ថាបនា ជាមួយនឹង​ការវិនិយោគ​ទឹកប្រាក់​ប្រមា ណ​១៥០​លាន​ដុល្លារ​អាមេរិក​។​
ទីក្រុង​នេះ ត្រូវបាន​រង​ការរិះគន់​ជា​យូរ​មកហើយ ពី​បញ្ហា​ហេ​ដ្ឋា​រចនា​ស​ម្ព័​ន្ឋ អនាម័យ ភាពក្រីក្រ​។ សំណួរ​ជាច្រើន​ធ្លាប់បាន​សួរថា “​ហេតុ​អី​ខេត្តសៀមរាប​” ជា​ខេត្ត​ជាប់​ចំណាត់ថ្នាក់​ក្រីក្រ​ជាងគេ​នៅ​កម្ពុជា​?​។​
ចម្លើយ​សម​ហេតុផល​មួយ គឺ “​ការប្រើប្រាស់​មូលធន​ដែលមាន និង​លំហូរ​សាច់ប្រាក់ ដែល​ទទួលបាន​ពី​ភ្ញៀវ​ទេសចរណ៍​រាប់លាន​នាក់ ទៅ​ទស្សនា​កេ​រ្ត៍​ដំណែល និង​ប្រាសាទ​រាប់រយ​ពាន់​ក្នុង​ខេត្ត​នេះ មិនទាន់មាន​ប្រ​សិ​ទ្ឋ​ភាព​។​

គេហទំព័រ​ទេសចរណ៍​Trip advisor បានទទួល​ការបោះឆ្នោត​ជ្រើសរើស​ពី​ភ្ញៀវ​ទេសចរណ៍​ទូទាំង​ពិភពលោក​ថា “​ប្រជាជន​កម្ពុជា ជា​ប្រជាជនមាន​ភាពរួស​រាយ​រាក់ទាក់​ជាងគេ​ក្នុង​ពិភពលោក​”​។​

ក្រសួងទេសចរណ៍​? ហេតុ​អី​មិន​ប្រើប្រាស់​សក្តានុពល​នេះ ដើម្បី​ទាក់ទាញ​ភ្ញៀវ​ទេសចរណ៍​មក​ទស្សនា​ខេត្ត​នេះ​ឲ្យ​បាន​២០ ទៅ​៣០​លាន​នាក់​ក្នុង​មួយឆ្នាំ​? ហេតុ​អី​ធ្វើ​មិនបាន​? មកពី​សមត្ថភាព​នៅមាន​កម្រិត​? ឬ​មកពី​គ្មាន​ឆ​ន្ទះ​នយោបាយ​ច្បាស់លាស់​?​ខណៈដែល​ធនធាន​វប្ប​ធ៌​ម ប្រវត្តិសាស្ត្រ អរិយ​ធ៌​ម​ដ៏​អស្ចារ្យ​របស់​ខ្មែរ មាន​ច្រើន​រាប់មិនអស់ ហេតុ​អី​មិន​យកមក​រំលេច​ឡើង ប្រើប្រាស់​ឲ្យ​អស់​សក្តានុពល​?​។​

ពេលនេះ វិបត្តិ​សេដ្ឋកិច្ច​សាកល​កំពុង​កើតឡើង ស្ទើរ​មិនអាច​បន្ទោស​អ្នកណាម្នាក់​បានឡើយ ប៉ុន្តែ​ស្ថានភាព​នឹង​កាន់តែ​ប្រសើរឡើង​ហើយ ខណៈ​ឆ្នាំ​២០២១​នឹង​កៀក​មក​ជិត​ដល់​បណ្តើរ កម្ពុជា​រំពឹង​ទទួលបាន​នូវ​សេដ្ឋកិច្ច​រីកចម្រើន ភ្ញៀវ​ជាតិ អន្តរជាតិ​នឹង​មក​ទស្សនា​កម្ពុជា​កាន់តែ​ច្រើនឡើង​នាពេល​អនាគត​។​

ប្រទេស​ថៃ​ឯណោះ​វិញ បានចាប់ផ្តើម​បង្កើត​ស្ព​ត​ពាណិជ្ជកម្ម ដើម្បី​បង្ហាញ​ទៅកាន់​ពិភពលោក​ថា “​ពួកគេ​បាន​ត្រៀមខ្លួន​រួចរាល់​ហើយ ដើម្បី​ទទួលភ្ញៀវ​ទេសចរណ៍​នានា​មកពី​ជុំវិញ​ពិភពលោក​។ ពួកគេ​បានដាក់​ពាណិជ្ជ​កម្មនេះ លើ​បណ្តាញ​ទំនាក់ទំនង​សង្គម​ទៅគ្រប់​ប្រទេស​តាមរយៈ​Facebook ដោយ​បកប្រែ​ភាសា​តាម​ប្រទេស​និ​មួយៗ​យ៉ាង​រស​រវើក ប៉ុន្តែ​ក្រសួងទេសចរណ៍​កម្ពុជា ហាក់ដូចជា​ស្ងាត់ស្ងៀម ហើយ​បញ្ចេញ​តែ​សេចក្តីជូនដំណឹង ប៉ុណ្ណោះ ។

តើ​រាជធានី​អង្គរ កាលពី​អតីតកាល នឹង​រុងរឿង​ជាថ្មី​? ក្រោម​ឥ​ទ្ឋិ​ពល​និង​មនោ​គម​នៃ​ការរួបរួម ប្រើប្រាស់​អំណាច​នៃ​ការរួបរួម ប្រើប្រាស់​មូលធន​មនុស្ស មូលធន​ចំណេះដឹង អតីត​រាជធានី​នេះ​នឹង​ជួប​ភាព​រ៉ុង​រឿង​ជាថ្មី ទោះបី​ដី​យើង​មិនធំ​ដូច​មុន តែ​ចិត្ត​មេដឹកនាំ​កម្ពុ​ជាធំ កម្ពុជា​នឹង​ស្គាល់​ភាព​រ៉ុង​រឿង​ម្តងទៀត​។​

ក្រុមហ៊ុន​ជាតិ អន្តរជាតិ​ប្រមាណ​១០០​បាន និង​កំពុង​រង់ចាំ​ពេលវេលា​សមស្រប ដើម្បី​ចាប់ផ្តើម​គំរោង​របស់​ពួកគេ​នៅ​ក្រុង​អង្គរ ដើម្បី​រំលេច​ទឹកដី​នេះ​ឲ្យ​កាន់​តែមាន​រស្មី​ភ្លឺ​ចិញ្ចាច​នាពេល​អនាគត​ដ៏​ខ្លី​ខាងមុខនេះ​៕​

ទីតាំងផ្សាយពាណិជ្ជកម្ម

- Advertisment -

Most Popular

លើក​ពេល​សវនាការ សំណុំរឿង​...

​ដោយៈ ស​រិ​ទ្ធ / ភ្នំពេញៈ...

រដ្ឋបាល​រាជធានី បាន​នឹង​ក...

ដោយៈ រ៉ា​ម៉ន / ភ្នំពេញៈ ល...

សម្តេច​តេ​ជោ​ស្នើឱ្យ​មេធា...

ដោយៈ​តារា​រិ​ទ្ធ​/​ភ្នំពេ...

ស្ត្រី​អូ​ម៉ង់​ម្នាក់​រើស...

ប្រែ​សម្រួល : កញ្ញា​ដា​លី...