Home ព័ត៌មានជាតិ សន្តិសុខ បញ្ជូន​មន្ត្រ...

បញ្ជូន​មន្ត្រីនគរបាល​ដែល​ភ្ជង់​ស្ត្រី​ម្នាក់​រំលោភ​សេពសន្ថវៈ​មក​តុលាការ​

ដោយៈ​ស​រិ​ទ្ធ​/​ភ្នំពេញៈជនសង្ស័យ​ម្នាក់ ជា​មន្ត្រីនគរបាល​ប៉ុស្តិ៍​ព្រែកលាប ខណ្ឌ​ជ្រោយចង្វា​ដែល​ជាប់​ពាក់ព័ន្ធ​ករណី​ដក​កាំភ្លើងខ្លី​ភ្ជង់​ស្ត្រី​ម្នាក់​រួច​ចាប់​នាង​រំលោភ​សេពសន្ថវៈ​រហូត​បានសម្រេច​ត្រូវបាន​សមត្ថកិច្ច​នគរ​បាល​ខណ្ឌ​ព្រែក​ព្នៅ បញ្ជូនមក​តុលាការ​នៅ​ព្រឹក​ថ្ងៃទី​១៧ ខែវិច្ឆិកា ដើ​ម្ប​ចាត់ការ​តាមច្បាប់​។​

​សមត្ថកិច្ច​បាន​ឲ្យ​ដឹងថា ជនសង្ស័យ​ឈ្មោះ ខេ​ម វណ្ណឌី ភេទ​ប្រុស អាយុ​៣៣​ឆ្នាំ មុខរបរ​ជា​នគរបាល​ជាតិ ស្នាក់​​​នៅ​ភូមិ​បាក់​ខែង សង្កាត់​ព្រែកលៀប ខណ្ឌ​ជ្រោយចង្វា ត្រូវបាន​ឃាត់ខ្លួន​នៅ​ថ្ងៃទី​១៤ ខែវិច្ឆិកា ឆ្នាំ​២០២០​។ ចំណែក​ជនរងគ្រោះ​មាន​អាយុ​២៦​ឆ្នាំ ស្នាក់នៅ​សង្កាត់​សំរោងក្រោម ខណ្ឌ​ពោធិ៍​សែន​ជ័យ​។​

​ហេតុការណ៍​ចាប់រំលោភ​នេះ​កើតឡើង​កាលពី​វេលា​ម៉ោង​១០:២០​នាទី​ព្រឹក ថ្ងៃទី​១២ ខែវិច្ឆិកា ឆ្នាំ​២០២០ នៅ​ចំណុច​វិមាន​ឈ្នះ​ឈ្នះ ក្នុងភូមិ​កប់​ស្រូវ​តូច សង្កាត់​គោក​រកា ខណ្ឌ​ព្រែក​ព្នៅ រាជធានី​ភ្នំពេញ ដោយ​មុនពេល​កើតហេតុ​រូបគាត់​និង​ប្តី បាន​ជិះ​ម៉ូតូ​ម៉ាក​ហុងដា​ចេញពីផ្ទះ​មក​ដក​ក្រអៅឈូក​នៅ​ចំណុចកើតហេតុ ដោយ​ប្តី​បាន​ឲ្យ​រូបគាត់​នៅ​ឈរ​ចាំ​ម៉ូតូ ហើយ​ប្តី​ជា​អ្នក​ចុះទៅ​ដក​ក្រអៅឈូក​។ លុះ​មួយសន្ទុះ​ក្រោយមក​ជនសង្ស័យ​បាន​ជិះ​ម៉ូតូ​មក​ឈប់​ក្បែរ រួច​បាន​ដើរ​សំដៅ​មករក​រូបគាត់ ដោយ​សួរថា​ប្តី​ទៅណា​? តែ​រូបគាត់​មិន​តប​នោះទេ​។ រួច​ជន​សង្ស័យ​ក៏​ពឹង​ឲ្យ​ជួយ​បង្វែរ​ក្បាលទូក​នៅក្បែរនោះ តែ​គាត់​បាន​បដិសេធ ហើយក៏​ដើរចេញ ក៏ត្រូវ​ជនសង្ស័យ​ដក​កាំភ្លើងខ្លី​មក​ភ្ជង់​ដើមទ្រូង បង្ខំ​ឲ្យ​ដោះ​សម្លៀកបំពាក់ រួច​ចាប់រំលោភ​រូបគាត់​រហូត​បានសម្រេច​៕


ទីតាំងផ្សាយពាណិជ្ជកម្ម

- Advertisment -

Most Popular