ឆក់កាបូបមិនបានសម្រេចទុកម៉ូតូចោលរត់គេចខ្លួនបាត់

231

ដោយ:សរិទ្ធ/ភ្នំពេញ: ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆក់កាបូបពីនារីម្នាក់ដែលជិះកង់បីឥណ្ឌា តែមិនបានបែរ ជាបានដួលម៉ូតូ ហើយជនសង្ស័យបានរត់យករួចខ្លួន​ ដោយទុកម៉ូតូនៅកន្លែងហេតុ កាលថ្ងៃទី១៦ ខែវិច្ឆិកា ឆ្នាំ២០២០ នៅចំណុច លើស្ពានអាកាសស្ទឹងមានជ័យស្ថិតនៅក្នុងភូមិមនជ័យទី១សង្កាត់ ស្ទឹងមានជ័យទី១ ខណ្ឌមានជ័យ។

ប្រជាពលរដ្ឋដែលបានឃើញហេតុការណ៍បានប្រាប់ឲ្យ ដឹងថា មុនពេលកើតហេតុនារីរងគ្រោះបានជិះ កង់បីឥណ្ឌា ពីផ្លូវ២៧១ ឡើង មក លើស្ពានអាកាសស្ទឹងមាន ជ័យ ស្រាប់តែជនសង្ស័យចំនួន ២នាក់ជិះម៉ូតូម៉ាកហុងដា suzuki Nex ពណ៌ស ពាក់ស្លាកលេខភ្នំពេញ 1lG-2925 មកពីក្រោយឆក់កាបូបពីនារីជនរងគ្រោះតែមិនបានសម្រេច បែជាដួលដួលម៉ូតូ ហើយជនសង្ស័យទាំងពីរនោះងើបរត់យកតែរួចខ្លួនបន្សល់តែម៉ូតូនៅកន្លែងកើតហេតុ។ ចំណែកនារីរងគ្រោះដោយសារតែមិនបានបាត់បង់នូវទ្រព្យសម្បត្តិបានជិះកង់បីឥណ្ឌាបន្តទៅមុខទៀត មិនបានមកដាក់ពាក្យបណ្ដឹងនៅប៉ុស្តិ៍រដ្ឋបាលស្ទឹងមានជ័យទី១នោះទេ៕

ក្រោយពេលកើតហេតុសមត្ថកិច្ចនគរបាលស្ទឹងមានជ័យទី១ ទៅដល់កន្លែងកើតហេតុនិងយកម៉ូតូជនសង្ស័យមករក្សាទុកនៅប៉ុស្តិ៍រដ្ឋបាលស្ទឹងមានជ័យទី១ ដើម្បីស្វែងរកចាប់ជនសង្ស័យមកផ្តន្ទាទោសទៅតាមច្បាប់៕