Home ព័ត៌មានជាតិ សន្តិសុខ ស្ដ្រី​រងគ្រោ...

ស្ដ្រី​រងគ្រោះ​ទារ​សំណង​ជំងឺ​ចិត្ត​១​ម៉ឺន​ដុល្លារ​ពី​មន្ត្រីនគរបាល​ម្នាក់​ដែល​ភ្ជង់​កាំភ្លើង​ហើយ​ចាប់រំលោភ​នាង​រហូត​បា​នស​ម្រេច​

ដោយ​: រ៉ា​ម៉ន / ភ្នំពេញ​: ដល់ក​! មន្ត្រីនគរបាល​ម្នាក់​ដែល​ភ្ជង់​កាំភ្លើង​ចាប់រំលោភ​ប្រពន្ធ​គេ​រហូត​បានសម្រេច ត្រូវ​សមត្ថកិច្ច​ប៉ុស្តិ៍​ព្រែក​ព្នៅ​ចាប់ខ្លួន​កន្លងមក​នោះ ត្រូវបាន​ស្ដ្រី​រងគ្រោះ​ទារ​សំណង​ជំងឺ​ចិត្ត​ចំនួន​១​ម៉ឺន​ដុល្លារ តែ​មន្ត្រីនគរបាល​រូបនោះ​មានតែ​លុយ​១​ពាន់​ដុល្លារ​មិន​ត្រូវរ៉ូវ​គ្នា​ទេ ដោយ​ភាគ​គី​ខាង​ស្រី​មិន​ព្រមយក​។ ករណីនេះ សមត្ថកិច្ច​កសាង​សំណុំរឿង​រួចហើយ គ្រោង​បញ្ជូនទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី​។​

​គួរ​បញ្ជាក់ថា​៖ មន្ត្រីនគរបាល​ខាងលើ​បានធ្វើ​សកម្មភាព​ដក​កាំភ្លើង​ភ្ជង់​ប្រពន្ធ​គេ​ឲ្យ​ស្រាត​សម្លៀកបំពាក់ រួច​ចាប់រំលោភ​រហូត​បានសម្រេច ហើយ​ព្យាយាម​រត់គេចខ្លួន តែ​ត្រូវ​ជនរងគ្រោះ និង​សមត្ថកិច្ច​ប្រើល្បិច​ធ្វើជា​ណាត់ជួប​គ្នា​ហើយ​ចាប់ខ្លួន​កាលពី​ថ្ងៃទី​១៤​វិច្ឆិកា​នេះ​។ ករណីនេះ បានកើត​ឡើង​កាល​ម៉ោង ១០ និង​២០​នាទី ថ្ងៃទី​១២ ខែវិច្ឆិកា ឆ្នាំ​២០២០ នៅ​ចំណុច វិមាន​ឈ្នះ ឈ្នះ ភូមិ​គប់​ស្រូវ​តូច សង្កាត់​គោក​រកា ខណ្ឌ​ព្រែក​ព្នៅ​។​

​សមត្ថកិច្ច​បាន​ឲ្យ​ដឹងថា​៖ ជនសង្ស័យ​ជា​មន្ត្រីនគរបាល​ខាងលើ​មានឈ្មោះ ខេ​ម វណ្ណឌី អាយុ​៣៣​ឆ្នាំ មុខរបរ​ជា​នគរបាល​ជាតិ ស្នាក់នៅ​ភូមិ​បាក់​ខែង សង្កាត់​ព្រែកលាប ខណ្ឌ​ជ្រោយចង្វារ​។ ចំណែក​ជនរងគ្រោះ​មាន ឈ្មោះ ផ​.​ស​.​គ អាយុ​២៦​ឆ្នាំ ស្នាក់នៅ​សង្កាត់​សំរោងក្រោម ខណ្ឌ​ពោធិ៍​សែន​ជ័យ​។

​សមត្ថកិច្ច​ឱ្យដឹងទៀតថា​៖ ចំណែក​វត្ថុតាង​ដកហូត​បានរួម​មាន កាំភ្លើង​ម៉ាក ROLO លេខ 874015 ចំនួន​១​ដើម​, គ្រាប់កាំភ្លើង​ចំនួន ០៥​គ្រាប់​, រថយន្ត​ម៉ាក​កូរ៉ូឡា ពណ៌​ទឹកប្រាក់ ស៊េរី ១៩៩៤ ពាក់​ស្លាក​លេខ ភ្នំពេញ 2W-4327 និង​ទូរ​សព្ទ​ម៉ាក​ស៊ាំ​ស៊ុ​ង ១​គ្រឿង​។

​ជនរងគ្រោះ​បញ្ជាក់ប្រាប់​សមត្ថកិច្ច​បា​ន​ឲ្យ​ដឹងថា​៖ មុនពេល​កើតហេតុ ជនរងគ្រោះ​និង​ប្តី បាន​ជិះ​ម៉ូតូ​ម៉ាក​ហុងដា​សេ​១២៥ ចេញពីផ្ទះ​មក​ដក​ក្រអៅឈូក​នៅ​ចំណុចកើតហេតុ ដោយ​ប្តី​បាន​ឲ្យ​ប្រពន្ធ​ដែលជា​ជនរងគ្រោះ​នៅ​ឈរ​ចាំ​ម៉ូតូ​នៅក្បែរ​របង​ប្រលោះ​ចេញចូល​មួយ​។ ចំណែក​ប្តី​ជា​អ្នក​ចុះទៅ​ដក មួយសន្ទុះ​ក្រោយ​ក៏មាន​ជនសង្ស័យ​ខាងលើ បាន​ជិះ​ម៉ូតូ​មក​ឈប់​ក្បែរ​របង រួច​បាន​ដើរ​សំដៅ​មករក​ជនរងគ្រោះ ដោយ​សួរថា​ប្តី​ទៅណា​? តែ​ជនរងគ្រោះ​មិន​តប​នោះទេ រួច​ជនសង្ស័យ​ក៏​ពឹង​ជនរងគ្រោះ​ឲ្យ​ជួយ​បង្វែ​ល​ក្បាលទូក នៅក្បែរនោះ តែ​ជនរងគ្រោះ​បដិសេធ​ជនរងគ្រោះ ក៏​ដើរ​ចេញមក​ក្រៅរបង​ថ្ម ហើយ​អើតមើល​ចូល​ជើង​មួយ​ចំហៀង ក៏​ត្រូវបាន​ជនសង្ស័យ​ដក​កាំភ្លើង​ម៉ាក ROLO មក​ភ្ជង់​ដើមទ្រូង បង្ខំ​ឲ្យ​ជនរងគ្រោះ​ស្រាត​សម្លៀកបំពាក់ រួច​ចាប់រំលោភ​រហូត​បានសម្រេច ហើយ​ជនរងគ្រោះ​ក៏​ប្រើល្បិច​ធ្វើជា​សុំ​លេខ​ទូរស័ព្ទ​ជនសង្ស័យ ដើម្បី​ទុក​សម្រាប់​ទាក់ទង​គ្នា​ពេល​ក្រោយ​។ ជនសង្ស័យ​ក៏បាន​ឲ្យ រួច​បាន​ដើរ​ទៅយក​ម៉ូតូ​ជិះ​ទៅ​ទិសខាងកើត​បាត់​។

​ក្រោយមក​ជនរងគ្រោះ​បានមក​ប្តឹង​សមត្ថកិច្ច​ប៉ុស្តិ៍​គោករ​ការ​ខណ្ឌ​ព្រែក​ព្នៅ ដោយ​សមត្ថកិច្ច​បា​នស​ហ​ការ​ជាមួយ​ជនរងគ្រោះ ប្រើល្បិច​ទូរស័ព្ទ​ហៅ​ជនសង្ស័យ​មកជួប​ជនរងគ្រោះ​ម្តងទៀត នៅ​ចំណុច​ផ្លូវ​បេតុង ភូមិ​ផ្សារ​លិច សង្កាត់​ព្រែក​ព្នៅ លុះ​ជនសង្ស័យ​មកដល់​ឃើញ​សមត្ថកិច្ច​ក៏​ព្យាយាម​បើករថយន្ត​ម៉ាក​កូរ៉ូឡា ស៊េរី​១៩៩៦ គេច​រហូតដល់​ចំណុច​វិមាន​ឈ្នះ ឈ្នះ ក៏​ត្រូវបាន​សមត្ថកិច្ច​ចាប់​ឃាត់ខ្លួន​តែម្តង ដកហូត​បាន​ទាំង​វត្ថុតាង​ថែមទៀត​។

​បច្ចុប្បន្ន​ជនសង្ស័យ​ខាងលើ កំពុង​ត្រូវបាន​ឃាត់ខ្លួន​បណ្តោះអាសន្ន នៅ​អធិការដ្ឋាន​នគរបាល​ខណ្ឌ​ព្រែក​ព្នៅ ដើម្បី​កសាង​សំណុំរឿង​បញ្ជូនទៅ​តុលាការ ចាត់ការ​តាមច្បាប់​បន្តទៀត​៕ ល​

ទីតាំងផ្សាយពាណិជ្ជកម្ម

- Advertisment -

Most Popular

សម្តេចនាយក​រដ្ឋមន្ត្រី​នឹ...

សម្តេចនាយក​រដ្ឋមន្ត្រី​នឹ...

អភិបាល​ខេត្តកំពត រក​ដំណោះ...

​ដោយៈ បូកគោ / កំ​ពតៈ នា​អ...

​ការិយាល័យ​ឥណទាន​កម្ពុជា​...

​ដោយៈ​សុផល​/​ភ្នំពេញ​៖​ជា...

មន្ត្រី​នាំពាក្យ​ក្រសួង​អ...

ដោយ​: ដេប៉ូ / ភ្នំពេញ​: ល...