ពលរដ្ឋ​ប្តឹង​ទីតាំង​ស្តុក​មាន់ បង្ក​សម្លេង ក្លិន ប៉ះពាល់​បរិស្ថាន​, មន្ត្រី​អាជ្ញាធរ​ជំនាញ ដោះ​បញ្ចប់ទំនាស់​

ដោយៈ ភ្នំ​ស្វាយ / បន្ទាយ​មាន​ជ័​យៈ ទីតាំង​ស្តុក​មាន់​របស់​ឈ្មួញ បាន​បង្ក​ជា​សម្លេង ក្លិន ប៉ះ​ពាល់​បរិស្ថាន ស្ថិតនៅ​ភូមិ​-​សង្កាត់​ទឹកថ្លា ក្រុង​សិរីសោភ័ណ ត្រូវ​ពលរដ្ឋ​ជិតខាង​ប្តឹង ហើយ​ទីបំផុត មន្ត្រី​អាជ្ញាធរ និង​មន្ត្រី​ជំនាញ បាន​ដោះ​បញ្ចប់ទំនាស់ នា​ថ្ងៃទី​១៧ ខែវិច្ឆិកា ឆ្នាំ​២០២០ ។​

​លោក លី សារី អភិបាលរង ខេត្តបន្ទាយមានជ័យ លោក ឈឿន ក្រៃ​យ៉ុង នាយក​រដ្ឋបាលខេត្ត លោក ឈុន ប៊ុន​ថា នាយក​ទីចាត់ការ​អន្តរ​វិស័យ លោក ហ៊ឺ​ល រា​យ៉ា អភិបាលក្រុង​សិរីសោភ័ណ លោក ហ៊ុយ ទូច ប្រធានការិយាល័យ​បសុពេទ្យ មន្ត្រី​បរិស្ថាន និង​សង្កាត់​ទឹកថ្លា បាន​ចូលរួម ដោះស្រាយ​ទំនាស់​នេះ ទទួលបាន​ជោគជ័យ ជា​ស្ថាពរ​។​

​សូមបញ្ជាក់ថាៈ ពលរដ្ឋ​ដើមបណ្ដឹង ៥ គ្រួសារ ដែល​រួមមាន ឈ្មោះ សុខ មេសា – ឈ្មោះ សេង សុភា – ឈ្មោះ វ៉ាន់ ទុំ – ឈ្មោះ ភួង ស្រី​ភ័ណ -​ឈ្មោះ ភួង ស្រី​ភា បាន​ប្តឹងទៅ​អាជ្ញាធរ និង​មន្ត្រី​ជំនាញ ករណី​ទីតាំង​ស្តុក​មាន់ យីហោ ពូ ទូច លក់​មាន់ នៅ​ភូមិ​-​សង្កាត់​ទឹកថ្លា ក្រុង​សិរីសោភ័ណ ដែល​បង្ករ​សម្លេង រំខាន​ដោយ​សូរ​សំរែកសត្វ​មាន់ និង​ការទម្លាក់​មាន់ ពី​ឡាន ស្នូរ​ក្ឌុង​ក្ឌាំង ក្លិនស្អុយ និង​បង្ក​ប៉ះពាល់​បរិស្ថាន តាំងពី​ល្ងាច រហូតដល់​យប់​ជ្រៅ ពោលគឺ ឈ្មួញ​មាន់​រស់​នេះ គិតតែ​ពី​ផលចំណេញ​ផ្ទាល់ខ្លួន បង្ក​ប៉ះពាល់​ដល់​សុខភាព ការរស់នៅ​ស្ងប់ស្ងាត់ របស់​អ្នកជិតខាង ។​

​ភាគី​ដើមបណ្ដឹង ស្នើអោយ​ម្ចាស់​ទីតាំង​ស្តុក​មាន់ យីហោ ពូ ទូច លក់​មាន់​បញ្ចប់​ការងារ ត្រឹម​ម៉ោង ១០ យប់ ហើយ​សម្អាត​ទីតាំង​ខ្លួន ទាំង​សំណល់​រឹង រាវ ក្លិន ហើយ​បង្កើន​បរិស្ថាន បរិយាកាស​ស្ងប់ស្ងាត់ ដល់​អ្នករស់នៅ​ជិតខាង ។​

​ក្រុមការងារ​ខេត្ត ក្រុង និង​ផ្នែក​ជំនាញ បា​នរក​ដំណោះស្រាយ សម្របសម្រួល ផ្សះផ្សារ​ភាគី​ទាំងពីរ អោយ​យល់ព្រម ស្រុះស្រួល ឬ​ទទួលយកបាន​គឺ​៖
​ទី​១-​ត្រូវ​បញ្ចប់​ដឹកជញ្ជូន ផ្ទេរ​មាន់​រស់ នៅត្រឹម​ម៉ោង ១០ យប់ ។ កាត់បន្ថយ​សំឡេង​រំខាន ដល់​ពលរដ្ឋ​ដែល​រស់នៅ​ជិតខាង​។ ទី​២-​ចំពោះ​បញ្ហា​ក្លិន ម្ចាស់​ទីតាំង ត្រូវអនុវត្ត​តាម​ការ​ណែនាំ របស់​មន្ទីរ​កសិកម្ម រុក្ខាប្រមាញ់ និង​នេសាទ និង​មន្ទីរ​បរិស្ថាន​ខេត្ត ។ ទី​៣-​ករណី​ម្ចាស់​ទីតាំង មិន​អនុវត្តតាម ខ្លឹមសារ​ទាំងនេះ ម្ចាស់​ទីតាំង ត្រូវ​ផ្លាស់​ផ្ដូ​រ ទីតាំង​ថ្មី ជា​កំណត់​។​

​លោក លី សារី អភិបាលរង ខេត្តបន្ទាយមានជ័យ បាន​និយាយថាៈ ជម្រើស​ល្អ​ជាងគេ គឺ​យក​គោលការណ៍​ឈ្នះ ឈ្នះ ដូចខាងលើ៕

ទីតាំងផ្សាយពាណិជ្ជកម្ម

- Advertisment -

Most Popular

ប្រជាពលរដ្ឋ​ងាយ​រងគ្រោះ​ច...

ដោយ​: ទេ​ពក​ង្រី / កំពង់ឆ...

រដ្ឋបាល​ខណ្ឌ​ពោធិ៍​សែន​ជ័...

ដោយ​៖ រ៉ា​ម៉ន / ភ្នំពេញ​៖...

បុរស​ម្នាក់​ចាប់រំលោភ​កូន...

​ដោយ​: សម្បត្តិ / ភ្នំពេញ...

ប៉ូលិស​បង្ក្រាប​ក្រុម​ជួញ...

​ដោយ​: មុនី​រ័ត្ន / ភ្នំព...