Home ព័ត៌មានជាតិ សង្គម ​ជំរុញ​អាជ្ញា...

​ជំរុញ​អាជ្ញាធរ​មូលដ្ឋាន កំណត់​ព្រំប្រទល់​ភូមិសាស្ត្រ ដើម្បី​រៀបចំ​ផែនការអភិវឌ្ឍន៍​

ដោយៈ ទេ​ពក​ង្រី / កំពង់ឆ្នាំងៈ នៅក្នុង​កិច្ចប្រជុំ​របស់​រដ្ឋបាល ខេត្តកំពង់ឆ្នាំង ជាមួយ​ថ្នាក់ដឹកនាំ​មន្ទីរ​អង្គភាព​ជំនាញ និង​អភិបាលក្រុង ស្រុក នា​ព្រឹក​ថ្ងៃទី​១៧ ខែវិច្ឆិកា ឆ្នាំ​២០២០ លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង បាន​ក្រើនរំឭក​ដល់​អាជ្ញាធរ​ដែនដី នៅ​គ្រប់​មូលដ្ឋាន​ទាំងអស់ ត្រូវ​បង្កើន​ការយកចិត្តទុកដាក់ លើ​កិច្ចការ​របស់ខ្លួន លើ​ការងារ​កំណត់​ព្រំប្រទល់​ភូមិសាស្ត្រ ឲ្យ​បានច្បាស់លាស់ ដើម្បី​ត្រៀម​រៀបចំ​នូវ ផែនការអភិវឌ្ឍន៍ ក្នុង​មូលដ្ឋាន ឲ្យ​កាន់តែ​ប្រសើរឡើង​។

លោក ឈួ​រ ច័ន្ទ​ឌឿ​ន អភិបាលខេត្ត​កំពង់ឆ្នាំង

​លោក​អភិបាលខេត្ត​កំពង់ឆ្នាំង បានបញ្ជាក់​ថាៈ កន្លងមកនេះ រដ្ឋបាល​មូលដ្ឋាន មួយចំនួន នៅ​ពុំទាន់​មាន​ភាពច្បាស់លាស់ លើ​កិច្ចការងារ​ព្រំប្រទល់ នៃ​ដែន​សមត្ថកិច្ច​របស់ខ្លួន នៅឡើយ​នោះទេ ដូចជា ព្រំប្រទល់​ភូមិ ឃុំ សង្កាត់ និង​ស្រុក ក្រុង ដែល​ធ្វើ​ឲ្យ​ជួប​ការលំបាក ក្នុង​គ្រប់គ្រង និង​ការរៀបចំ ផែនការអភិវឌ្ឍន៍ មូលដ្ឋាន​នានា និង ពេលខ្លះ បង្ករ​បញ្ហា​ទំនាស់​ព្រំប្រទល់ ពី​ភាពមិនច្បាស់លាស់​នេះ​។​

​លោក​បាន​បញ្ជាក់ទៀតថាៈ អាជ្ញាធរ​មូលដ្ឋាន ត្រូវអនុវត្ត​ឲ្យ​បាន​នូវ លិខិត​ជំរាបជូន របស់​ក្រសួងមហាផ្ទៃ ឲ្យ​បាន​ប្រសើរ​បំផុត ក្នុងការ​កណ​ត់​ព្រំប្រទល់ ដើម្បី​ជា​មូលដ្ឋាន ក្នុងការ​ស្រង់​ទិន្ន័យ​មួយ ច្បាស់លាស់​របស់ខ្លួន ដោយ​ផ្អែក​តាម​កត្តា​ភូមិសាស្ត្រ និង ប្រជាសាស្ត្រ ស្របតាម​គោលការណ៍ និង នីតិវិធី​រួម សម្រាប់​កា​សិក្សា​ស្រាវជ្រាវ កែសម្រួល​ព្រំប្រទល់ រដ្ឋបាល​មូលដ្ឋាន ដោយ​ដោះស្រាយ ឯកភាពគ្នា​ជារួម ដោយ​តម្កល់​ផលប្រយោជន៍​ជាតិ និង សង្គម​ទាំងមូល​៕

ទីតាំងផ្សាយពាណិជ្ជកម្ម

- Advertisment -

Most Popular

សម្តេច​ចក្រី ហេង សំរិន រំ...

ដោយៈ​បូព៌​ព្រឹក្ស​/​ភ្នំព...

ស្លាប់​២​នាក់ របួសធ្ងន់​២...

ដោយ ៖ ប​.​ជ័យ / បន្ទាយ​មា...

រ៉ូបូត​នៅអេ​ហ្ស៊ី​ប​ចេះ​ធ...

​ប្រែ​សម្រួល : កញ្ញា​ដា​ល...

​ ​​ប្រមុខ​រាជរដ្ឋាភិបាល​...

​ដោយ​៖​តារា​រិ​ទ្ធ​/​ភ្នំ...