Home ព័ត៌មានជាតិ សន្តិសុខ ករណី​ប្លន់​ទូ...

ករណី​ប្លន់​ទូរស័ព្ទដៃ​ប៉ូលិស​ខណ្ឌ​កំបូល​-​ពោធិ៍​សែន​ជ័យ ចាប់ខ្លួន​ម្នាក់​និង​ស្វែងរក​បក្ខពួក​ម្នាក់ទៀត​

ដោយៈ ឫទ្ធិ​ស័ក្តិ​/​ភ្នំពេញ​: ករណី​ជនសង្ស័យ​ពីរ​នាក់​ជិះ​ម៉ូតូ​កៀរ​បុរស​ម្នាក់​បណ្តាលឱ្យ​ដួល​ម៉ូតូ​ហើយ​ប្លន់​យក​ទូរស័ព្ទដៃ​ម៉ាក អាយ​ហ្វុ​ន អិ​ច​(iphone x) នៅ​ខណ្ឌ​កំបូល រាជធានី​ភ្នំពេញ ត្រូវបាន​កម្លាំង​នគរបាល​ខណ្ឌ​កំបូល សហការគ្នាជាមួយ​នគរបាល​ខណ្ឌ​ពោធិ៍​សែន​ជ័យ ស្វែងរក​ចាប់ខ្លួនបាន​ម្នាក់​។​ចំណែក​បក្ខពួក​ម្នាក់ទៀត​កម្លាំង នគរបាល​បន្ត​ស្វែងរក​ចាប់ខ្លួន​។​


បើ​យោងតាម​របាយការណ៍រ​បស់​អធិការដ្ឋាន​នគរបាល​ខណ្ឌ​កំបូល​ឱ្យដឹងថា កាលពី​រសៀល​ថ្ងៃទី​១៦ ខែវិច្ឆិកា​បុរស​ឈ្មោះ ឯម តុង​ហ៊ុយ អាយុ​២៦​ឆ្នាំ រស់នៅ​ភូមិ​ស៊ីធរ​កើត ឃុំ​ស៊ីធរ ស្រុក​ខ្សាច់កណ្តាល ខេត្តកណ្តាល បាន​ជិះ​ម៉ូតូ​តែម្នាក់ឯង ចេញពី​បុរី KP ទី​១៤ ស្ថិតនៅ​ភូមិ​ព្រៃ​រឹង សង្កាត់​ស្នោរ ខណ្ឌ​កំបូល ក្នុង​គោលបំណង​ទៅ​កន្លែងធ្វើការ​។ លុះ​ធ្វើដំណើរ​តាមផ្លូវ​លំ​ដល់​ចំណុច​ភូមិ​តា​អ៊ិន សង្កាត់​ស្នោរ ខណ្ឌ​កំបូល ហើយក៏​មាន​គេ​ទូរស័ព្ទ​ចូលមក ។ បុរស​នេះ​ក៏បាន​លើក​ទូរ​សព្ទ​និយាយ​ស្រាប់តែ​នៅពេលនោះ​ក៏មាន​ជនសង្ស័យ​ពីរ​នាក់​ជិះ​ម៉ូតូ​មួយគ្រឿង​ទិសដៅ​បញ្ច្រាសទិស​គ្នា​ក៏បាន​បើក​កៀរ​បុរស​នោះ​បណ្តាលឱ្យ​ដួល​ម៉ូតូ​ខ្ទាត​ទូរស័ព្ទ​ចេញពី​ដៃ​។​ជនសង្ស័យ​ក៏បាន​ស្ទុះ​ទៅ​ចាប់​ក្របួច​កអាវ​ជនរងគ្រោះ​។​ពួកគេ​ក៏បាន​យក​ទូរស័ព្ទ​ជនរងគ្រោះ​ជិះ​ម៉ូតូ​គេចខ្លួនបាត់​។​
​ក្រោយពី​អំពើ​ប្លន់​នោះ​ភ្លាម ជនរងគ្រោះ​ក៏​បានមក​ដាក់ពាក្យ​បន្តឹង​នៅ​កន្លែង​ប៉ុស្តិ៍នគរបាល​រដ្ឋបាល​ស​ង្កា​ត់​ស្នោរ​។ បន្ត​មក​កម្លាំង​នគរបាល​ខណ្ឌ​កំបូល​ក៏បាន​ចេញ​សហការ​ជាមួយ​កម្លាំង​នគរបាល​ខណ្ឌ​ពោធិ៍​សែន​ជ័យ​និង​បង្ក្រាប​ចាប់ខ្លួន​ជនសង្ស័យ​ម្នាក់​នៅ​ទឹកដី​ខណ្ឌ​ពោធិ៍​សែន​ជ័យ ។​ជន​នោះ​ឈ្មោះ សាន ចំរើន អាយុ​១៨​ឆ្នាំ គ្មាន​មុខរបរ​ពិតប្រាកដ មុខសញ្ញា ប្រើប្រាស់​គ្រឿងញៀន​រស់នៅ​ភូមិ​ព្រៃ​ក្រោយ​សង្កាត់​ស្នោរ​ខណ្ឌ​កំបូល​។​ចំណែក​បក្ខពួក​ជនសង្ស័យ​ម្នាក់ទៀត​រត់គេចខ្លួន​ក​ម្លាំ​ង​នគរបាល​កំពុង​តាម​ស្វែង​ចាប់ខ្លួន​ដើម្បី​យកមក​ផ្តន្ទាទោស​បន្ត​។​ជាមួយ​ការបង្ក្រាប​ជនសង្ស័យ​កម្លាំង​នគរបាល​ក៏បាន​ដកហូតយក​ទូរ​សព្ទ​ជនរងគ្រោះ​មកវិញ និង​ប្រគល់​ទៅឱ្យ​ជនរងគ្រោះ​វិញ​។ ជនសង្ស័យ​ត្រូវបាន​កម្លាំង​នគរបាល​ព្រហ្មទណ្ឌ​ខណ្ឌ​កំបូល​ចាប់​បញ្ជូនទៅ​តុលាការ​នៅ​ថ្ងៃទី​១៧ ខែវិច្ឆិកា ដើម្បី​ចាត់ការ​តាមផ្លូវ​ច្បាប់​៕​

ទីតាំងផ្សាយពាណិជ្ជកម្ម

- Advertisment -

Most Popular

យុវជន​ម្នាក់​ដែល​បាន​រួមភ...

​ដោយៈ​ស​រិ​ទ្ធ​/​ភ្នំពេញៈ...

​ព្រឹកស្អែក​សម្តេច​តេ​ជោ ...

ដោយ​៖​តារា​រិ​ទ្ធ​/​ភ្នំព...

​ស្ត្រី​កម្ពុជា ក្នុង​វិស...

​ដោយៈ ពៅ​និមល / ភ្នំពេញៈ ...

ប្រើ​អំពើហិង្សា​លើ​អតីត​ប...

ដោយ​: ស​រិ​ទ្ធ / កណ្តាល​:...